الموضوع: احترت بين سيراتو وتيدا.. هل الستبترونيك في السيراتو عامل ترجيح

مش فرق الوزن بين العربيتين هو إلي هيخلي التيدا مش ثابتة و السيراتو ثابتة ، لأن الوزن ليه عامل ضعيف في ثبات العربية ، والدليل على كدة إن شركات العربيات خاصةً السوبر كارز بتقلل وزن العربية .
لكن العامل الأهم العفشة ( نظام التعليق ) يليه الايرودينميكس.
دا غير إن كوتش التيدا 185/15/65 والسيراتو 215 أو 225 ( هي 200 وشوية ) وجنوط 17/ 45 . ودا يمكن إلي خلا يوكو يشوف التيدا بتعويم أكتر من السيراتو.

في جميع الأحوال أغلب الكوري والياباني نظام التعليق الخلفي بتاعهم متخلف!! علشان torsion beam ، يعني العجلتين الخلفيتين متصلين ببعض. مش منفصلين فلو وحدة إتحركيت التانية هتتحرك وبتبان أوي في أي ملف يكون في حفرة ( أخر مطلع الدائري من المعادي أكتر حتة بتبان فيه )

بالنسبة للستيبترونك فمش هكدب عليك من الواضح إن أغلب الناس بتستخدمو في الاول وبعد كدة بتفكس!!! وأكيد د راجع إن الزحمة مش مخلية الواحد يركز غير في السواقة. والواحد بيهرب من المانيوال للأوتوماتيك. وبعدين ما إنت ممكن في التيدا تستخدم ال-1 و-2 وال over-drive لو عايز إنت إلي تنقل زي الستيبترونيك ( بس أراهنك هتعملهه مرة ولا مرتين وهتبطل علشان الزحمة )
بس على الأقل في التيدا لو جبت على 1 حرقت لحد red-zone هتفصل مش هتنقل لكن في السيراتو حينقل . ( أنا شايف إن د تحكم في العربية لأن طالما أنا جيب على 1 يبقى أنا مش عايزها تنقل حتى لو حرقت، في ناس تانية تقول لأ د كدة مش أمان والمفروض ينقل )

بالنسبة لأنهي أفضل فقبل أي حاجة لازم تصلي صلاة استخارة وتركب الاتنين وحاول تعمل تست دريف لأن من الواضح إن الأثنين متقاربين.
وأنا شخصياً أرشحلك التيدا علشان ياباني وجرب أقعد على الكرسي ( أنتخة !!!! )