احترت بين سيراتو وتيدا.. هل الستبترونيك في السيراتو عامل ترجيح

**aljurjani** · 03-10-2010 09:41 AM

كنت مستقراً على التيدا وبعدين عجبني فتيس السيراتو الستبترونيك.

ولسه محتار..

فهل الفتيس عامل ترجيح بين التيدا التي تأتي بفتيس أوتوماتيك عادي والسيراتو التي تأتي بفتيس ستبترونك؟

أرجو المساعدة..

**mmffor** · 03-10-2010 10:03 AM

انا مش حقول رأيي في السيراتو لأنه ممكن ميعجبش ناس كتير و ممكن ناس تأيده! رأيي الشخصي التيدا لأسباب كتيره منها و ليس كلها: 1- جوده تصنيع
2- جودة خامات
3- صناعه ياباني
4- اوسع صالون

**aljurjani** · 03-10-2010 10:05 AM

طيب يا ريت حد يكلمنا عن الفتيس

**tito_1980** · 03-10-2010 11:27 AM

فتيس السيراتو 4 نسب فقط فهيبقي في قرص علي الموتور في السرعات العاليه و الفتيسات الحديثه متتجابش الا في العربيات الاوروبي زي الليون مثلا فالترجيح هيبقي للتيدا و في موضوع فيه مقارنه مشابه شوف حضرتك الاراء فيه ايه و ادي اللينك اهه
http://www.nilemotors.net/Nile/183580-a.html

**Dr_Smart** · 03-10-2010 11:50 AM

انا شايف ان لو الميزه الوحيده بالنسبه لك في السيراتو هي الفتيس الاستبترونيك يبقى انصحك تخليك في التيدا

لأن في رأيي الاستبترونيك كتر استعماله مش كويس للعمر الافتراضي للفتيس ده غير استهلاك البنزين اللي هيزيد لانك غالبا هتستخدمه عشان تقرص على النقله

انا كنت فاكر ان الاستبترونيك ميزه جامده وممتع في السواقه ... كلها مشوار واحد وزهقت منه وما جربتوش تاني

**hossameldorry** · 03-10-2010 12:04 PM

التكنولوجيا الحديثة في السيارات الان فيها ستريبترونيك 4 نقلات او 6 لكن الاوتوماتيك العادي تطور في معظم السيارات و السيراتو عربية محترمة جدا معايا بقالها اكتر من 6 شهور و عامل 12 الف كيلو . الستريتلرونك مفيد جدا في السرعات و مطالع الكباري مع التحميل و شيك في استخدامة . و يا ريت اللي بيفتي في السيراتو و هو معندوش العربية مايشاركش

**shiko85** · 03-10-2010 05:31 PM

المشاركة الأصلية كتبت بواسطة hossameldorry

و يا ريت اللي بيفتي في السيراتو و هو معندوش العربية مايشاركش

!!!!!

**NoRmAl** · 04-10-2010 08:57 PM

المشاركة الأصلية كتبت بواسطة hossameldorry

كلامك مظبوط يا نورمال , تعرق يا نورمال ايية الفرق بينك و بينى , ان انت بتعرف توصل للناس المعلومة باسلوب بسيط و من غير ما تتنرفز , لكن انا بتنرفز بسرعة فاكيد لازم هاغلط و المشكلة ان الاخوة المشاركون معظمهم ماعاهمش سيراتو , يا ريت يسألوا اللي معاهم , ان انتيمي معاة mazda 3 .وجايبها من سنة 2006 هو و غيرة تويوتا لما بيركبوا السيراتو بيقولولي انها لا تقل احترام عن سياراتهم و مش مجاملة لاني كنت دائما بسوق عربياتهم . و في النهاية محدش يزعل مني

لا بص يا حسام عايز أقولك حاجه
الموضوع مش نرفزه وهدوء ولا قدره على توصيل المعلومه من عدمها
الموضوع أنت حاطط فى بالك أنت بتكلم مين
يعنى انا بوجهه كلامى لناس أنا عارف أنهم أصحابى لأنى عارف معظمهم ومقدرش أغلط فيهم ولا أقول عليهم فتايين
أنت لو انت حاطط فى بالك أنك بتكلم أصحابك وأخواتك مش هتتنرفز عليهم
هتخلتلف معاهم "زى مأنا دايما مختلف معاهم :)"
بس عارف أنهم أخواتى ومش هغلط فى مناقشاتى معاهم ولا هم هيغلطوا معايه
أصل بجد هو موضوع وهيتنسى والراجل هيجيب يا تيدا يا سيراتو والموضوع هيغطس فى أعماق الظلومات ومش هيبقى غير يا الناس حبتك وأكتسبت أحترامهم يا بقى فى كلاش مبينكم
ففكر فينا كأننا أخواتك وهتلاقى نفسك بتتكلم هادى بدون نرفزه

**tito_1980** · 03-10-2010 04:03 PM

و يا ريت اللي بيفتي في السيراتو و هو معندوش العربية مايشاركش

هو حضرتك اللي هتحدد مين يشترك في الموضوع و مين ميشتركش ؟ حاجه غريبه جدا

**hossameldorry** · 03-10-2010 11:21 PM

المشاركة الأصلية كتبت بواسطة eng_ahmed_90

هو حضرتك اللي هتحدد مين يشترك في الموضوع و مين ميشتركش ؟ حاجه غريبه جدا

علشان مش كل واحد ما بيفهمش يفضل يشتم في السيراتو . ثم انت اييية اللي مزعلك هو انتي بتفتي

تم حصولك على تحذير ووقف لمدة يوم
يرجى استخدام اسلوب أفضل فى الحوار
مشرف 12 ب

الموضوع: احترت بين سيراتو وتيدا.. هل الستبترونيك في السيراتو عامل ترجيح

LinkBack

أدوات الموضوع

عرض

العرض المتطور

-

-

-

-

المواضيع المتشابهه

الستبترونيك فى الميجان

عامل في عربيتي ....... , يا تري انت كمان عامل في عربيتك ايـه .... ؟؟؟

الستبترونيك!!!

تيدا فول وابشن وتيدا بلس

.:احذروا عامل البنزين . و عامل المطعم . والكاشيير .(( بعض الطرق للغش ))..

الكلمات الدلالية لهذا الموضوع

المفضلات

المفضلات

ضوابط المشاركة