يومياتي في تعلم السواقة

**lamborghiniMan** · 29-03-2008 04:45 AM

والنبي والنبي ادام انتي لسه بتتعلمي
يبقي اهم حاجه تعرفيها عشان تريحي نفسك علي الطريق وتريحي غيرك
يبقي الشمال سريع واليمين بطئ تمام
الشمال سريع واليمين بطئ ولو مشيتي كده سيبك من اي حد تاني لا كلاكس توسعيلوا ولا حد يضايقك
بس المشكله لو مشيتي علي الشمال بقي هتخدي كلام من اللي ....... واللي ...... يبقي بلاش نمشي صح
ومتسمعيش كلام حد يقولك امشي زي مانتي عاوزه انتي لسه بتتعلمي !
عارفه هتلاقي سواق رخم (سواق باص ) خبط فيكي او حك العربيه من ورا وطبعا مش هتقدري تتكلمي لانه بلطجي وانتي لسه بتتعلمي !
بجد بتمني اني اشوف واحد بتسوق باحتراف
ان شاء الله تكوني انتي الاولي بس خاليكي ورا المنتدي واسألي ( الشباب ها الشباب ) if you wanna be prof
ربنا يوفقك

**Gama Abdelaef** · 29-03-2008 03:23 PM

انتى بقيتى ممتازه جدا بسم الله ماشاء الله
ان شاء الله بعد الخمس حصص اللى جايين حتكونى بتسوقى كويس ومش حتحتاجى مدرب او حد يقعد جنبك خلى ثقتك فى نفسك كبيره والمعلومات اللى اخوانا قالوها ليكى تكفى بس انتى نفذى حتى ربعها وحيجى اليوم اللى حتضحكى فيه على الفتره دى طبعا لما تبقى استاذة سواقه اهم حاجه تحفظى ابعاد العربيه. كل اللى بيسوقوا كانوا زيك بالظبط فى منهم كان جرئ واتعلم بسرعه وفيه كان بيخاف واخد وقت بس الكل فى الأخر بيتعلم وماحدش بيفشل فى تعلم السواقه ده احنا المصريين ملوك الجدعنه.
ربنا يستر طريقك ويسترها معانا

**OlaOsman** · 29-03-2008 05:39 PM

المشاركة الأصلية كتبت بواسطة Nader

معلش سؤال كدة مش عارف إذا كان مكرر ولا لأ لان بسم الله

ما شاء الله الموضوع داخل في الصفحةالتانية.

هو انت بتتعلمي على عربية مجهزة... يعني فيها دواسة فرامل

تانية ولا بتتعلمي على عربيتك؟؟

على عربيتي.. ليه؟

**Dr_Mido** · 29-03-2008 05:45 PM

اضمن فى التعليم العربيات المجهزة بفرامل تانيه تحت رجل المدرب واحيانا بيبقى فيها دركسيون تانى ودول بينفعو فى جاله لو اللى بيتعلم فقد السيطرة على العربيه او فقد التركيز بين البنزين والفرامل المدرب يلحق يتصرف ملكش دعوة انتى انتى كدة تمام التمام
بس وصلتى لحد فين بقى فى السواقه:d

**OlaOsman** · 29-03-2008 05:50 PM

المشاركة الأصلية كتبت بواسطة Dr_Mido

بس وصلتى لحد فين بقى فى السواقه:d

وصلت لحد آخر الشارع :p

لا الحمد لله فيه تقدم ما أقدرش انكر.. انما لا يزال التركيز مع الدركسيون و في نفس الوقت الدبرياج و البنزين أمر صعب.. ده غير ان ماليش أي علاقة بالمرايات على الإطلاق :o

**Dr_Mido** · 29-03-2008 05:52 PM

مش مهم متحسيش انها غريبه قوى 80% من الشعب مبيستعملش المرايات اساسا
بهزر طبعا هى مهمه بس متشغليش بلاك بيها قوى دلوقتى
ركزى اتى بس مع الدريكسيون وسيبى لرجليكى الجزء بتاع الدواسات دة وهتتحل المشكله باذن الله

**Nader** · 29-03-2008 05:53 PM

ايوة بالظبط زي ما قال dr mido أأمن.

انا حاسس ان المدربة دي مستعجلة

شويتين علشان تطلعك دائري كدة على طول.

كان المفروض الاول تاخدك على ابعاد العربية

وبعد كدة تخليكي تتحكمي فيها كويس واخيراً

توديكي في المعترك الحقيقي وسط العربيات

في الشوارع.

**aif** · 29-03-2008 06:02 PM

يا علا ..... عودي نفسك من غير ما حد يقوللك كي دقيقتين ... لازم تبصي في التلات مرايات .. اليمين والشمال والصالون حتي لو ماشيه طوالي ومش ح تحودي يمين او شمال .. كده انتي ح تكوني علي علم بكل ما حولك .. عارفة ان فيه عربيات حولك ولا لأ .. عشان تعرفي تتصرفي بسرعة في اي طارئ ... ده طبعا غير انك لو ح تحودي شمال او يمين لازم تبصي في المرايات عشان تشوفي الوضع حولك يسمح بكدة ولا لأ
والموضوع مش صعب مجرد تبصي بعينك من غير حتي ما تحركي رقبتك .. لكن عشان تعملي كدة لازم تظبطي المرايات الثلاثة قبل ما تتحركي ..
لازم تعودي نفسك علي كدة لأنك ح تفضلي تعملي اللي اتعودتي عليه بعد كدة علطول
ربنا معاكي
المفروض زوجتي تبدأ بكره الصبح .. زمانها خايفة وفرحانة في نفس الوقت

-

الموضوع: يومياتي في تعلم السواقة

LinkBack

أدوات الموضوع

عرض

-

-

-

-

المواضيع المتشابهه

اثناء تعلم السواقة لاول مرة

يومياتي في اول زيارة للتوكيل

تعلم مراتك السواقة و تجبلها عربية ولا لأ؟؟

السواقة في مصر

الكلمات الدلالية لهذا الموضوع

المفضلات

المفضلات

ضوابط المشاركة