الموضوع: مؤشر الحرارة وصل للاخر

المشاركة الأصلية كتبت بواسطة ahmed_mido1889

روح لبتاع الريدراتير خليه يلحمه بالنحاس او القصدير

انا معرفش بصراحة خامة المواسير اية و هل يقبل اللحام و لا لأ .

بس الصح انة يروح لبتاع رادياتيرات و يفك الردياتير و يفك العلبة اللى فوق و اللى تحت و يقفل الماسورة المخرومة دى من اساسة سواء باللحام او اى حاجة . طبعا الردياتير لو مواسيرة نحاس يلحم بقصدير و يقفل الماسورة المخرومة

المشاركة الأصلية كتبت بواسطة bakkarahmed

هات غطا الماني وتابع منسوب المياه ولون الزيت وسحب العربيه.
ان شاء الله هاتكون سليمه

+1

المشاركة الأصلية كتبت بواسطة karimfahmy99

كلام كل الاخوة سليم . راجع على مقاس الزيت و شوف لو لون الزيت طبيعى و لا عامل زى الطحينة لو طبيعى يبقى تمام
تانى اختبار افتح غطا القربة و شوف اذا فى اى بقع زيت على وش الميية و لا مفيش او لون الميية متغير . لو ملقتش بقع و اللون طبيعى يبقى تمام
بس زى الاخ ما قال هات غطا قربة بتاع العربية مش اى غطا و اتاكد من ان الخرم اتسد و مش بيسرب تانى و حاول كدة تدور على واحد استيراد
يفضل تغير الميية دى و تحط ميية خضرا بس بعد التاكد من منع التسريب او تغير الرداتير

+1

المشاركة الأصلية كتبت بواسطة ahmed_mido1889

روح لبتاع الريدراتير خليه يلحمه بالنحاس او القصدير

اهو ده بقا يا صديقي حل غير عملي بالمره وعن تجربه :-)

المشاركة الأصلية كتبت بواسطة karimfahmy99

انا معرفش بصراحة خامة المواسير اية و هل يقبل اللحام و لا لأ .
بس الصح انة يروح لبتاع رادياتيرات و يفك الردياتير و يفك العلبة اللى فوق و اللى تحت و يقفل الماسورة المخرومة دى من اساسة سواء باللحام او اى حاجة . طبعا الردياتير لو مواسيرة نحاس يلحم بقصدير و يقفل الماسورة المخرومة

للاسف ياكريم باشا الحل ده مش هينفع بكل المقاييس , لان الحراره العاليه للريدياتير بتضرب اللحامات دي بعد فتره بسيطه جدا , بالاضافه اللي ان حكايه انه يلغي الماسوره من بدايتها ده بيأثر على كفاءه التبريد

الحل الافضل فعلا في قصه الردياتير ده هو التغيير بواحد استيراد في حدود 250 جنيه , ويكون حالته ممتازه , لان غير كده يبقا مضيعه للفلوس

السلام عليكم يا جماعة انا لسة راجع من برة كان عندي مشوار بعد الصلاة و الحمد لله الحرارة في وضعها الطبيعي بس لما فتحت القربة قبل لما ادور الموتور كانت ناقصة حوالي نصف سنتيمتر وطول المشوار كانت السرعة التانية للمراوح هي اللي شغالة

اللحام بالظبط كان عبارة عن ان الراجل جاب سائل كدة في ازازة صغيرة و رش نقطتين علي الجزء الي بيسرب في الريداتير وثني حتة من الماسورة علي الجزء وجاب لمبة لحام زي بتاعت السمكري وفضل علي الجزء دة لغاية لما حسيت انة الريداتير هيسيح من السخونة وبعد كدة جاب عجينة او خامة مش عارفها وحطها علي الماسورة المخرومة وسابها حوال 15 دقيقة .... دة بالظبط اللي حصل

بعد كدة اشتريت غطاء للقربة ولما سألت علي اللي زي بتاعي كل الناس قالت اشتري بتاع الاوبل احسن من دة وفعلا دورت علية لغاية لما لقيتة اصلي عشان كان في صيني ب 10 جنية

الريداتير بتاعي خامتة الومنيوم وطبعا لحام نحاس فية مينفعش لانة هيسيح الريداتير ولما سالت الراجل علي لحامة برضو بالومنيوم قالي برضو مينفعش لانة هيبوظ الدنيا من السخونة بتاعة اللمبة وفعلا قالي الاحسن تشتري واحد تاني انا سالت علية لقيتة ب 225 جنية جديد زيرو و ب 250 جنية استيراد بس حالة الاستيراد مش مضمونة اوي

العريية كان فيها مية خضراء من حوالي شهرين ولا يمكن تكون هي اللي خرمت الريداتير لانة المفروض انها تحافظ علية من الاملاح اللي في المياة العادية وانا ناوي فعلا احط مياة خضراء تاني بس لما الامور تستقر ةنشوف اللحام دة هينفع ولا لأ

انا لسة مبصيتش علي الزيت واذا كان عمل زي الطحينة ولا لا وكمان مخدتش بالي اذا كان في نقط زيت علي المياة بس المراوح دلوقتي شغالة علي السرعة التانية مش عارف لية

بجد شكرا لكل اللي رد عليا انا هنزل مشوار بالليل واجرب تاني وربنا يستر انا خايف علي الوش يكون حصلة حاجة لانها مش هتبان دلوقتي و ممكن اكون مسافر ويعمل حاجة مني في الطريق