Getz Club

**mzaher** · 29-01-2015 02:08 PM

عايز اجيب جيتز اتوماتيك 1600 للمدام عامله في حدود 70 الف كيلو

سعرها كام دلوقتي؟

**romeofero** · 10-02-2015 04:36 AM

ياجماعه مين احسن واحد في التوفيقيه اشتري من عنده قاعده موتور اصليه للجيتز ؟ انا سالت عند جورج حلمي. لقيتها ب 450 وسالت عند ابراهيم. البنا قاللي الاصليه ب 350 مين مضمون اكتر وازاي اصلا اعرفها انها اصليه مش كوري ولا تقليد.. حد يرد عليا ضروري ف اقرب وقت

**momyaismomya** · 10-02-2015 06:53 PM

انا عندي مشكلة في التكييف تنصحوني بمين فاهم

**esgamo7** · 12-02-2015 12:53 AM

لو سمحت يا رجالة الجيتز كنت عايز اعرف رايكم انهي احسن موديل 2004 ولا 2006 و مميزات وعيوب كل موديل واية اخبار قطع الغيار و يا سلام لو حد يقولي سعرهم كام دلوقتي معلش يا شباب طولت عليكم بس فعلن محتاج المساعدة ضروري و يا ريت في اقرب وقت ....وهنيالك يا فاعل الخير

**looloo1000000** · 13-02-2015 12:54 PM

المشاركة الأصلية كتبت بواسطة esgamo7

لو سمحت يا رجالة الجيتز كنت عايز اعرف رايكم انهي احسن موديل 2004 ولا 2006 و مميزات وعيوب كل موديل واية اخبار قطع الغيار و يا سلام لو حد يقولي سعرهم كام دلوقتي معلش يا شباب طولت عليكم بس فعلن محتاج المساعدة ضروري

و يا ريت في اقرب وقت ....وهنيالك يا فاعل الخير

السلام عليكم ورحمه الله وبركااته
هكلمك عن رأى الشخصى لانى معايا 2004 من اكترمن 6 سنين موفرة جدا للبنزين ورغم انها 1100 سى سى الا انها سريعة جدا جدا وقوية الحمدلله لدرجة ان فى ناس كانوا فاكرينى مسقطة لها موتور 1600
بالنسبة لقطع الغيار الحمدلله متوفرة ومفيش حاجة احتاجتها مالقيتهاش لال ف التوكيل ولا فى المحلات المعروفة وكلنا مسجلينها هنا فى المشاركات القديمة وقصة ان قطع غيارها قليلة ومش متوفرة كدب وعن تجربة !!!

سعرها انا عربيتى فابريكه بالكمل جوه وبره وفول اوبشن مانيوال ولسه من كام شهر معدية ال100 الف فكنت بفكر ابيعها من تقريبا 8 او 9 شهور وكانو ال بيشوفوها بيسعروها من 49 ل 52 الف وال قال 49 الف دا كان تاجر

لو العربية ال قدامك حالتها كويسة جدا اشترى وانت مغمض شرط الحالة

**david_boles64** · 29-03-2015 07:01 PM

معايا فوانيس شبورة هيونداى جيتز اصلية جديدة
جواها لمض فيلبس كنت جايبها علشان اركبها على اكسل بس منفعتش
Hyundai getz fog lights original genuine parts
01205555600 المكان شبرا او وسط البلد او اى محطة مترو

**looloo1000000** · 30-03-2015 12:58 PM

المشاركة الأصلية كتبت بواسطة david_boles64

معايا فوانيس شبورة هيونداى جيتز اصلية جديدة
جواها لمض فيلبس كنت جايبها علشان اركبها على اكسل بس منفعتش
Hyundai getz fog lights original genuine parts
01205555600 المكان شبرا او وسط البلد او اى محطة مترو

عايز كام ؟؟؟

**david_boles64** · 31-03-2015 02:52 PM

المشاركة الأصلية كتبت بواسطة looloo1000000

عايز كام ؟؟؟

300 جنيه بس دى اللى هى مستطيلة
ممكن ابعتلك الصور على الواتس لو عايز تشوفهم

**M_KHATEEB** · 06-04-2015 01:48 PM

السلام عليكم
ازيكم يا شباب
انا معايا جيتز 2008 اوتوماتك ومن زمان بدور علي جروب للجيتز علي الفيس بس ملقيتش وبالصدفة اكتشفت التجمع ده
وانا طبعا عندي مشكله قاعدة المتور وقرفاني كل شويه
وياريت فعل لو حد او صاحب الموضوع يعمل جروب علي الفيس هيكون احلي واسهل

**mada_76** · 05-05-2015 03:54 PM

ازيكوا يا جيتزاوية وحشتوني والله كلكم .
اخبار العربية ايه معاكو . معلش اعذروني على الغيبة الطويلة بس الظروف بقي .
بمناسبة دخول الصيف والحر. وبما ان احنا مابنفحتش الكبوت ولا بنبص على المياه خالص والحمد لله . عايزكو تفتكروا تبصوا بصة كده على المياه في الرياديتير والقربة ولو في نقص حاولوا تزودوها وتتابعوا بعديها بيومين تلاتة لو في نقص حصل تاني يبقي في مشكلة ولازم تتلحق .
لان انا شخصيا موضوع قلة المياه عمل معايا مشكلة كبيرة وندمت اني مكنتش بتابع . بس الحمد لله على كل حال .
طمنوني عليكم