الموضوع: Getz Club

المشاركة الأصلية كتبت بواسطة georock

فينك ياراجل من زمان و أيه اللى حصل معاك طمنى

أنا عن نفسى لسه مغير الدينامو والبطارية علشان مشكلة بسيطة الصباع الموجب للبطارية طلع من جنبه أحماض و بدأ ياكل فى الأوطاش الموجب لحد ما أتاكل خالص وبدأ يشرز و ضرب لى الديانمو ووراه البطارية الحمد لله غيرتهم بسيور المجموعة بالمصنعية بما يساوى 4200 جنيه

انا العربية سخنت فجاه والمياه اختفت وانا مش واخد بالي فجابت جوان وش السلندر .
بس الحمد لله عملتها وبعديها غيرت الدينامو برضه.
قولي تفاصيل السعر اللي انت كاتبه ده ياعم ده رقم فخم برضه.

المشاركة الأصلية كتبت بواسطة georock

الرقم ده علشان أنا فى قطر

الدينامو جديد من التوكيل 1300 ريال

طقم سيور المجموعة من التوكيل 127 ريال

بطارية جديدة acdelco سعودى 55 أمبير 330 ريال

مصنعية فك و تركيب برة التوكيل 240 ريال

الإجمالى 2000 ريال

:_alshmokh08[1]:

بص أنا قطع الغيار الدورية عندى فى التوكيل رخيصة ياعنى فلتر الهوا الأصلى 24 ريال فلتر الزيت الأصلى 16 ريال تيل فرامل أمامى 200 ريال تيل فرامل خلفى 160 ريال سير طرمبة الياور 20ريال سير الديانمو 30 ريال سير الكمبرسور 70 ريال مش عارف ليه ده اللى غالى البوجيه الأصلى الطقم 40 ريال كده ياعنى

بس قطع الغيار المعمرة غالية خالص

أخبار قطع الغيار فى التوكيل فى مصر كام و قولى الجيتز عاملة معاك كام كيلو لحد دلوقتى أنا جيجى (أسم عربيتى) قربت على 68000 كيلو

عمار يا قطر ههههههههه
انا بحسبها بعملة البلد يعني 1000 ريال = 1000 جنيه فكده تعتبر رخيصة.
انا الدينامو هنا في التوكيل غالبا في رينج 3000 طقم السيور بجيبه من بره التوكيل بس بجيب الاصلي بحوالي 500 بالبليتين. تيل فرامل امامي 180 وخلفي 250.
بالنسبة لعربيتي انا حاليا بلا فخر 270000 كيلو.
والعربية كويسة معايا الحمد لله مقارنة طبعا بالكيلو متر. ساعات بحس ان العفشة بتخبط كتير خصوصا اني محتاج علبة دروكسيون ومش عارف اجيبها لانها في التوكيل بحوالي 6000 جنيه وبره التوكيل 3500 مش اصلي واستيراد 1500 مثلا وده معناه اني مش هاجيبها حاليا لاني عايز اجيبها جديدة واصلي. لو لقيت نفسك جنب توكيل او موزع اسالي عليها سعرها كام عندكو جايز تبقي فارقة كتير وانا ليا ناس في قطر ممكن يجيبوهالي.
الشوارع هنا بقت مراجيح اوي وفعلا العفشة في اي عربية بقت بتعاني اوي.

شباب بعد اذنكم عربية جيتز ١٣٠٠ سي سي اوتوماتيك وارد كوريا مجهزة طبيا ليا ،، العربية ديه حلوة ؟؟ارجو من المساعدة و الافادة

المشاركة الأصلية كتبت بواسطة kareemafifi

شباب بعد اذنكم عربية جيتز ١٣٠٠ سي سي اوتوماتيك وارد كوريا مجهزة طبيا ليا ،، العربية ديه حلوة ؟؟ارجو من المساعدة و الافادة

والله يا باشا اي عربية جيتز فهي جاية من كوريا مافيش منها تجميع مصري وكمان مجهزة طبيا هناك فاعتقد انه احسن من التجهيز هنا . ده في حالة اننا بنجهز عربيات طبيا في مصر وانا بصراحة معنديش معلومات عن الموضوع ده.
لكن كعربية الناس هنا كلهم بيشكروا فيها لان هي هي ال 1600 مع اختلاف حاجات بسيطة في الشكل , وبالنسبة لقوة الموتور فانا اعتقد ان حجم الجيتز اصلا كفاية عليه اوي 1300 ولما نزلوا 1600 قولنا كده كتير اوي .
ومعانا زميل هنا في الجروب عايش في قطر ومعاه جيتز 1400 وبرضه بيشكر فيها ومافيش اي شكوي من ضعف موتور او عزم قليل او اي حاجة من دي .
انا راي انك تكشف عليها كويس عشان تكون سليمة من حيث التجهيزات والكماليات وكده وربنا يوفقك للاحسن ليك وتحت امرك في اي مساعدة اقدر اقوم بيها

المشاركة الأصلية كتبت بواسطة mada_76

والله يا باشا اي عربية جيتز فهي جاية من كوريا مافيش منها تجميع مصري وكمان مجهزة طبيا هناك فاعتقد انه احسن من التجهيز هنا . ده في حالة اننا بنجهز عربيات طبيا في مصر وانا بصراحة معنديش معلومات عن الموضوع ده.
لكن كعربية الناس هنا كلهم بيشكروا فيها لان هي هي ال 1600 مع اختلاف حاجات بسيطة في الشكل , وبالنسبة لقوة الموتور فانا اعتقد ان حجم الجيتز اصلا كفاية عليه اوي 1300 ولما نزلوا 1600 قولنا كده كتير اوي .
ومعانا زميل هنا في الجروب عايش في قطر ومعاه جيتز 1400 وبرضه بيشكر فيها ومافيش اي شكوي من ضعف موتور او عزم قليل او اي حاجة من دي .
انا راي انك تكشف عليها كويس عشان تكون سليمة من حيث التجهيزات والكماليات وكده وربنا يوفقك للاحسن ليك وتحت امرك في اي مساعدة اقدر اقوم بيها

باشا كتر الف خيرك و متشكر علي ذوقك و ردك السريع جدا ده هي هتيجي من برة عادية بس هتتجهز هنا ( يعني جهاز القيادة هنا ) بس هي شكلها نضيف و اتكشف عليها و كله تمام انا كنت خايف بس من الموتور بس ردك كان كفيل اني اطمن و هل قطع غيارها متوفرة زي ال ١٦٠٠ ؟؟

وهاحاول اخلي الخبير بتاعنا في الهيونداي المهندس / هاني ميخائيل يقولك رايه ايه ان امكن.