Getz Club

**whynot100** · 17-01-2011 03:43 PM

يا جامعه انا كنت عاوز اركب سارينه واشتريتها فعلا وروحت للكهربائي واذا بيا اوفاجئ وانا بفتح الكبوت اني
مش لاقي مكـــــــــــــــــــان كل حاجه جنب بعضيها مفيش اي حته والسرينه البوق بتاعها عامل زي الداهيه من هنا لهنا قلنا نحطها في الاكصدام من جوه لقيت ان فوانيس الشبوره واخده نص المكان فروحت ناشر شويه من البوق ده وحطيتها جنب تنك زيت البور بالظبط وربنا يستر

**_Ahmed_casper_** · 17-01-2011 05:06 PM

فعلا موضوع الكبوت الصغير ده مشكله ولا سرينه ولا فلتر ولا اى حاجه

**mada_76** · 17-01-2011 06:26 PM

المشاركة الأصلية كتبت بواسطة _ahmed_casper_

ماهو المشكله لو شلت الفلتر الاصلى و ركبت الفلتر مكانه بظبط مش هيبقا اداء كويس لأنه هيبقا فوق الموتور و الهواء هيبقا سخن جدا يعنى يعتبر ملهاش لازمه انما كل اللى مركب بيمد ماسوره لحد مكان فاضى يقدر ياخد منه هواء بارد على قد مايقدر و ده صعب عندنا خالص

بالعكس
ده انا شايف ان مكان الفلتر الاصلي ده احسن مكان مش بيجيله هواء سخن خالص والدليل على كده ان اللى اخترع العربية حطه في المكان ده ولا ايه ؟؟؟؟

**alisamy64** · 17-01-2011 11:42 PM

المشكلة العربية الحجر بتاعها ( الكبوت ) صغير واحد مش لاقى مكان يركب السرينة و واحد مش عارف يركب فلتر رياضى فين نركب بقى برة العربية ولا ايه انا مش فاهم
بس بالنسبة لموضوع الفلتر انا سألت و عرفت ان انت ممكن تركبة عادى بس تخرم مكان للفلتر فى الاكسدام و تحط الفلتر فيه دة بردوا واحد قالى على الحل دة بس مش عارف صح ولا ايه بس انت ممكن تروح عند ميكانيكى افضل و تسألة لان كلنا سمعنا فى ناس عادية مش خبيرة و دى مشكلة .
بس مادا قبل كدة كان حاطط صور جيتز مركبلها فلتر و تربو و كلة حاجة مركبها تقريبا فى مكانها

**alisamy64** · 17-01-2011 11:46 PM

لاحظ هنا الراجل مركب الفلتر فين و المواسير بتاعتة مركبها خلف البطارية و بالنسبة للسرينة مركبها قدام البطارية قريبن من الاكصدام

**_Ahmed_casper_** · 18-01-2011 03:52 AM

ايوووووه الله ينور عليك كده انا فهمتك و ده اخسن مكان فعلا

**alisamy64** · 18-01-2011 07:09 PM

يا ريت يا باشا تقولى هتجيبة بكام؟ و ركبتة عند مين؟ و هل هو ماركات مختلفة ولا ايه؟ و هل فلتر عن فلتر يفرق الاداء فى العربية ولا ايه؟ عشان انا بفكر اركب واحد و عايز اركب شكمان كامل للعربية من اول الماتور .

**mada_76** · 19-01-2011 07:15 PM

المشاركة الأصلية كتبت بواسطة _ahmed_casper_

ايوووووه الله ينور عليك كده انا فهمتك و ده اخسن مكان فعلا

شوفت بقى اننا مش هانطلع احسن من اللى اخترعها . هو ده احسن مكان فعلا . يلا فرجنا بقى على الفلتر بتاعك ان شاء الله بعد مايركب .

**mada_76** · 19-01-2011 07:16 PM

المشاركة الأصلية كتبت بواسطة alisamy64

يا ريت يا باشا تقولى هتجيبة بكام؟ و ركبتة عند مين؟ و هل هو ماركات مختلفة ولا ايه؟ و هل فلتر عن فلتر يفرق الاداء فى العربية ولا ايه؟ عشان انا بفكر اركب واحد و عايز اركب شكمان كامل للعربية من اول الماتور .

انا كمان مستني اعرف المعلومات دي

**_Ahmed_casper_** · 19-01-2011 08:00 PM

يا رجاله ادعولى بس دا فاضل بلااااااوى مش عارف تلاقيها منين ولا منين انا عايز فرش و ساوند سيستم و فلتر ربنا يسهل انا هبدأ بالساوند و بعد كده الفرش و بعدين الفلتر لأن الفلتر لعربيه زيرو مش مهم اوى مش مستاهله و ربنا يسهل بس ادعووولى