Getz Club

**ABDULLAH AHMED** · 20-01-2011 03:20 PM

المشاركة الأصلية كتبت بواسطة _ahmed_casper_

يا رجاله ادعولى بس دا فاضل بلااااااوى مش عارف تلاقيها منين ولا منين انا عايز فرش و ساوند سيستم و فلتر ربنا يسهل انا هبدأ بالساوند و بعد كده الفرش و بعدين الفلتر لأن الفلتر لعربيه زيرو مش مهم اوى مش مستاهله و ربنا يسهل بس ادعووولى

انا الكلام ده كله حعمله ان شاء الله كمان سنتين او 3 بالكتير
جنوط لون اسود 15 او 16
ساوند سيستك كامل
فرش جلد
فوانيس زينون و led
فلتر وممكن تيربو
body kit

العربية بقالها معايا سنة و 3 شهور وقلت حرام اعمل ايه حاجة ما عدا الفرش قبل 3 سنين
انا لحد دلوقتي فيمت العربية و زينون بس مش عاجبني اوي ان شاء الله شوية واجيب فانوس كامل مجهز بالزينون

وما شاء الله الجيتز عربية مش محتاجة اي تعديل اصلا :d

**_Ahmed_casper_** · 20-01-2011 06:23 PM

طب الضمان ايه ظروفه بعد الزينون؟

**ABDULLAH AHMED** · 20-01-2011 08:35 PM

ولا اي حاجة ,, هما شافوه بس ما حدش اتكلم مش عارف ليه الصراحة
وبعدين انا فاكر اني قرأت لو حاجة انت حتركبها في العربية لو أثرت مثلا على الكهربا كده الجزء ده برة الضمان
وانا مسألتش لما رحت

وبعدين العربية دي عربيتك زي موبايلك شقتك انت حر تعمل اللي انت عاوزه تشيل حتة تحط حتة
يعني ايه فايدة شعور اني العربية دي بتاعتي وانا خايف اعمل اي حاجة فيها
دي نظريتي وبعدين ربنا بيستر

انت حتبتدي تظبيط العربية امتى ؟

**aymoz** · 20-01-2011 10:45 PM

السلام عليكم
منورين يا جتزاوية :d
أنا دلوقتي معايا فيات لينيا تربو
عربية زي الفل الحمد لله بس اولا مانيوال ثانيا كبيرة اوي بنسبة للشوارع الضيقة والتربو في الزحمة ممكن لو سرحت لحظة تلاقي نفسك قاعد في صالون العربية اللي قدامك
المهم أنا عايز أجيب عربية صغيرة اوتوماتيك علشان المشاوير الزحمة دي وفي نفس الوقت محسش بفارق كبير في السحب
ممكن بقى بعد اذنكم معلش هتعبكو معايا لو حد يعرف الجتز دلوقتي بكام ولو حجبها إن شاء الله يبقى منين وكده

أنا مش هسأل على العيوب علشان عارف ان مفيش حاجة كاملة ومش هسأل على المميزات علشان عارفها كويس

**ABDULLAH AHMED** · 20-01-2011 10:49 PM

المشاركة الأصلية كتبت بواسطة aymoz

السلام عليكم

منورين يا جتزاوية :d
أنا دلوقتي معايا فيات لينيا تربو :e_braces[1]:
عربية زي الفل الحمد لله بس اولا مانيوال ثانيا كبيرة اوي بنسبة للشوارع الضيقة والتربو في الزحمة ممكن لو سرحت لحظة تلاقي نفسك قاعد في صالون العربية اللي قدامك

المهم أنا عايز أجيب عربية صغيرة اوتوماتيك علشان المشاوير الزحمة دي وفي نفس الوقت محسش بفارق كبير في السحب :f_eyeb1[1]:
ممكن بقى بعد اذنكم معلش هتعبكو معايا لو حد يعرف الجتز دلوقتي بكام ولو حجبها إن شاء الله يبقى منين وكده

أنا مش هسأل على العيوب علشان عارف ان مفيش حاجة كاملة ومش هسأل على المميزات علشان عارفها كويس

الجيتز اتوماتيك فل اوبشن 2011 ( 85500 )
+ فتحة سقف ( 87500 )

بالنسبة للاماكن عندك التوكيل والتسليم تقريبا بعد اسبوعين او اقل ده اللي فاكره
او الموزعين وده بيبقى التسليم فوري لو العربية موجودة

وبالتوفيق ان شاء الله ولو عاوز اي استفسار احنا في خدمتك

**aymoz** · 20-01-2011 11:10 PM

المشاركة الأصلية كتبت بواسطة mr.aboody

الجيتز اتوماتيك فل اوبشن 2011 ( 85500 )
+ فتحة سقف ( 87500 )

بالنسبة للاماكن عندك التوكيل والتسليم تقريبا بعد اسبوعين او اقل ده اللي فاكره
او الموزعين وده بيبقى التسليم فوري لو العربية موجودة

وبالتوفيق ان شاء الله ولو عاوز اي استفسار احنا في خدمتك

اولا شكرا على سرعة الرد و المعلومات
طيب معلش هي إيه كماليات دي بالضبط ؟

**ABDULLAH AHMED** · 20-01-2011 11:41 PM

تكييف - سنتر - 4 زجاج كهربا - التحكم بالمرايات ومش فاكر لو في حاجة تاني
بس هوا السؤال عمو غبور شال ايه من العربية ( فوانيس الشبورة - الاسبولير - الجنوط - multifunction - المسّاحة الخلفية - airbag - abs

بس هيا بجد عربية حلوة جوا البلد وللسفر بس لسرعة 150 - 160 وان شاء الله مع الجنوط الثبات يزيد اكتر

صلي ركعتين استخارة وان شاء الله ربنا يوفقك

**ABDULLAH AHMED** · 20-01-2011 11:56 PM

سؤال صغير يا جيتزاوية
الحتة اللي في التابلوه

ممكن تتشال ولا لازم وش مخصوص ؟؟؟
وشكرا مقدما

**_Ahmed_casper_** · 21-01-2011 01:03 AM

واللهى مخبيش عليك حكايه التظبيط محتاجه فلوس و انا لسه جايبها و طالع عينى مستنى اريح شويه و كل اللى هعمله ان شاء الله فرش جلد و جنوط و ساوند سيستم و فلتر هوا و ربنا يسهل بقا .. و بالنسبه للجزء اللى تحت الكاسيت حله انك تغير الكاسيت بكاسيت دبل بس مش عارف الصنايعيه بيشيلو الفرق اللى تحت الكاسيت ازاى علشان يركبوه بس بيتصرفو .. بس والله ليها فايده انا بحط فيها الموبايل و المحفظه و الاستاذ اللى ناوى يجيب جيتز بقولله goo on ‎‏ توكل على الله عربيه ممتازه من ناحيه كل حاجه و ربنا يوفقك فى اختيارك ان شاء الله

**ABDULLAH AHMED** · 21-01-2011 01:18 AM

المشاركة الأصلية كتبت بواسطة _ahmed_casper_

والله مخبيش عليك حكايه التظبيط محتاجه فلوس و انا لسه جايبها و طالع عينى مستنى اريح شويه و كل اللى هعمله ان شاء الله فرش جلد و جنوط و ساوند سيستم و فلتر هوا و ربنا يسهل بقا .. و بالنسبه للجزء اللى تحت الكاسيت حله انك تغير الكاسيت بكاسيت دبل بس مش عارف الصنايعيه بيشيلو الفرق اللى تحت الكاسيت ازاى علشان يركبوه بس بيتصرفو .. بس والله ليها فايده انا بحط فيها الموبايل و المحفظه

تكمن المشكلة دايما في الكاااااش :d
وانا برضوا بحط الموبايل والمحفظة بس كنت بفكر لو حجيب كاسيت دبل حتتشال ولا لأ