الموضوع: Getz Club

المشاركة الأصلية كتبت بواسطة mohamedenzo

كويس بجد ان الواحد لقى رابطه للعربيات الجيتز
عربية فعلا جميلة جدا معايا من 2006 تحملت كتير معايا فى سفر وفى كله
اتمنى ان انا اشاركو الرابطة دى
انا اسمى محمد من بورسعيد

اهلا بيك يا استاذ محمد
انا كنت فاكر نفسي اقدم عربية هنا بس انت كده اخدت مني اللقب . حلال عليك يا معلم
بس انت عربيتك عاملة كام كيلو عشان الخبرة بتفرق
ياريت تفضل معانا علطول وتزيدنا بخبراتك ولو في صور لعربيتك يبقى ظريف اوي .

المشاركة الأصلية كتبت بواسطة alisamy64

الحمد لله كنت انبارح فى ابو رواش و رحت هناك المهندسة قالتلى انت مبتجيش صيانة ال 5 و ال 15 و ال25 و كدة انت هتخرج من الضمان عشان ارجعك تانى هتدفع على كل واحدة 150 جنية المهم العربية طلعت فيها صوت غريب اتاريها بلية الدبرياج المهم المهندسة قالتلى لو غيرتها و انت برة الضمان هتبقى ب 1500 و عندى زرار الزجاج الخلفى بايز ( سايب كدة ) المهم انا غيرت الزيت و فيلتر و تيل الفرامل الامامى و بلية الدبرياج شحمتها بس و موضوع الزجاج دة عملوا صيانة للزرار لاكن لما روحت بالليل لقيتة باظ تانى و دى كانت 3 مرة اعملة مش عارف فى ايه و كمان الوير بتاع مراية السواق مقطوع اخد مطب ولا الحاجات الغريبة الى فى الارض دى تلاقى المراية جابت السما فوق اروح عادلها المهم اسأل المهندسة تقولى دول فى قسم الهياكل انا خاصة بالميكانيا و الكهريا بس و قاتلى هما بيمشوا بردى و كانت ساعتها الساعة 12 دافع 875 جنية و واخدين 200 جنية مصنعيات بس انا راكب العربية و انا متكيف حاسس انى لسه مستلمها من المعرض بس موضوع الزرار و المراية دة مزهقنى و بعدين سألت مركز خدمة تكنو وان على اسعار الحاجات دى قالى تيل الفرامل ب 150 جنية و انا مغيرة ب 350 جنية فمش عارف ايه بقى و المهندسة اقولها انا عايز اركب كاسيت توقلى هتخرج من الضمان لو لعبت فى اى حاجة فى العربية اقولها ضمان ايه مهو اى حاجة بتتعمل فى العربية بدفع فلوسها يبقى لزمة الضمان ايه بقى تقولى يعنى حاجة فى الموتور و كدة مش بتدفع عليها حاجة لاكن تيل او كبالين و عفشة و كدة بتدفع لان دة بيكون سوء استخدام منك انت المهم حد حصلة موضوع المراية دى قبل كدة و هل هما هيغيروها ولا هيعملوا ايه و هتتكلف كام ؟؟؟ و اسف انى طولت فى الكلام ملاخظة مسلم العربية الساعة 12 و واخدها الساعة 4:30 !!!!!!!!

طبعا المرايا هايصلحوها وماتسيبهومش وهي هاتطلع حاجة عبيطة بس ماتمشيش غير لما تجرب العربية ان شالله تطلع تلف بيها بره وهما حواليهم الشوارع مكسرة اصلا .
انا بس عايز اعرف يعني ايه لو غيرت البلية بره الضمان هاتبقى بي 1500 جنيه ؟؟؟؟؟؟؟
يعني لو واحد بره الضمان وراحلهم عشان يغير البلية هايدفع 1500 ؟ ولا انا فاهم غلط ؟ وازاي شحمت البلية بس بما انها بايظة طيب ماهو كده هما خلوك ماتسمعش صوتها وبس لكن هي لسة بايظة ودي ممكن تاثر على الديسك . اصل انا عندي البلية بايظة وسالت عليها لقيتها بـ 160 جنيه من منفذ بيع غبور .
التيل اللى انت سالت عليه في تكنو وان ده يا إما مش الاصلي يا إما بتاع الفيرنا لان بتاع الفيرنا والاكسل بيركب على الجيتز .
ومراكز الخدمة دي اغلبها مش كويسين .
كنت عايز اعرف هي دي كانت صيانة الكام كيلو ؟؟؟

المشاركة الأصلية كتبت بواسطة alisamy64

دى صيانة ال 30 الف هى كانت تقصد انى لو خرجت من الضمان هغيرها بألف و نص و قالتلى هقولك لو عايزة تتغير بس هى قالتلى انها مش محتاجة تتغير مش عارف بقى الى عملوه دة صح ولا ايه و انت عندك غيرتها ولا عملت فيها ايه

انا عربيتي عاملة 132,000 كيلو حاليا وبدات من حوالى شهر كده اسمع صوت حكة كده في الموتور ولما بدوس دربياج بتروح وكل الناس قالتلي دي البلية وبرضه كل الناس قالتلي اغير معاها الديسك والاسطوانة بالمرة بما اني هافك الفتيس وكده . احتمال كبير اغيرهم بكرة او بعده بس المشكلة مش عارف اروح فين . ابو رواش لازم احجز وقرف ومواعيد واي مركز خدمة مش بثق فيهم خالص ومش عارف اعمل ايه لسة .
اكيد اول لما هاصلحها هاقولكم عملت ايه وبكام وكل حاجة .