الموضوع: Getz Club

المشاركة الأصلية كتبت بواسطة ahmedalaa88

صباح الفل على كل الجيتزاوية و سلامى للجميع و اسف على الانقطاع و عدم المشاركة لظروف الشغل و الحمد لله جاتلى فرصة اكلمكم و اسلم عليكم و استفيد من خبراتكم الكبيرة فى عالم السيارات و بالاخص الهيونداى جيتز و كان عندى استفسار عن امكانية تركيب فوجات لجيتز موديل 2008 فكنت عاوز القول الفصل و النهائى فى الموضوع ده ضرورى جداً لحسن الفلوس تتصرف منى انا عاوز : فوجات تكون نوعها كويس مش صينى حاجة تستحمل الحرارة . depo او الى نوع بتاع عربية تانية ينفع يركب عليها
لمض قوية تتناسب مع قوه الفانوس.
مفتاح الفوج الاصلى علشان يستحمل و يكون متوافق مع العربية و اكون شاكر جداً لو تدلونى على الاماكن و الاسعار علشان محدش ينصب عليا . اسف على الاطالة

حمد الله على سلامتك يا باشا وربنا يعيننا جميعا على الشغل ده .
هو احنا هانفضل نشتغل كده يا جماعه لغاية امتى ؟؟؟؟؟؟؟؟؟؟؟؟؟؟
موضوع الفوجات ده زي ما هوبا قالك كده بالظبط .
بلاش تركب بتوع الفيرنا او بتوع اي عربية تانية لان بصراحة بشوف مناظر مش ظريفة خالص .
ياريت لما تركب ان شاء الله تقولنا على تفاصيل التجربة والاسعار عشان انا كمان بفكر .

المشاركة الأصلية كتبت بواسطة SE_coralsea

الأخوة الكرام / نجوم هيونداي ..

يسعدني و يشرفني أن أنضم ألي نادي الجيتز رسميا بسيارة (هيونداي - جيتز) بالمواصفات التالية :
- موديل 2007 سماوي اللون
- أوتوماتيك كاملة
- فتحة سقف
- جنوط 15

يا باشا السعادة والشرف لينا والله بانضمامك لينا .
وبكده بقى لينا ضهر في المنتدى
الف مبروك يا باشا على العربية وربنا يباركلك فيها ويكفيك شرها .
انا معايا 2007 مانيوال لونها اسود
ياريت بقى صورة لعربيتك وتقييمك وملاحظاتك وشكوتك ....... كده يعني .

المشاركة الأصلية كتبت بواسطة se_coralsea

الأخوة الكرام / نجوم هيونداي ..

يسعدني و يشرفني أن أنضم ألي نادي الجيتز رسميا بسيارة (هيونداي - جيتز) بالمواصفات التالية :
- موديل 2007 سماوي اللون
- أوتوماتيك كاملة
- فتحة سقف
- جنوط 15

المشاركة الأصلية كتبت بواسطة ahmed1006

الف مبروك
نورت الموضوع وهستني من حضرتك تقيمك للعربية لاني بفكر فيها
وهل هشعر باختلاف من كورولا 2004 لو اتنقلت لجيتز
واخبار الثبات لحد كام والفرامل اخبارها ايه ناس كتير بتقلقني منها مقارنة بالكورولا مثلا
واخيرا العزل
فانتظار تقيم السيارة
واراء الاخوة وفي انتظار مادا يرجع يخش تاني :u_thin1[1]:
تقبل مروري اخي الكريم

مادا رجع يخش تاني
اي خدمة يا باشا

اشكرك ياباشا انك افتكرتني وبعتذر عن الانقطاع لكن كان غصب عني .
لو عايز رأيي في المقارنة بين العربيتين اقدر اقولك وعن تجربة لان صديقي معاه تويوتا برضه اعتقد نفس الموديل :-
- الوسع طبعا لصالح التيويوتا سواء داخليا او الشنطة . هي بس الجيتز تكسب اي عربية في التابلوه . ( انا كنت بحط عليه اللاب توب )
- الثبات اعتقد هايكون لصالح التويوتا الا في حالة الجنوط .
- الخامات والتقفيل الداخلي للصالون برضه لصالح التيويوتا .
- لو التويوتا دي زي عربية صحبي (1300 سي سي ) يبقى السحب والجري والقوة لصالح الجيتز.

نصيحة مني خليك في الكورولا لو كنت هاتبيعها وتشتري جيتز لكن لو هاتجيب الجيتز بجانب التويوتا يبقى اتكل على الله .
ياريت اكون قدرت افيدك وفي انتظار اراء بقية الاعضاء .

المشاركة الأصلية كتبت بواسطة mada_76

يا باشا السعادة والشرف لينا والله بانضمامك لينا .
وبكده بقى لينا ضهر في المنتدى
الف مبروك يا باشا على العربية وربنا يباركلك فيها ويكفيك شرها .
انا معايا 2007 مانيوال لونها اسود
ياريت بقى صورة لعربيتك وتقييمك وملاحظاتك وشكوتك ....... كده يعني .

الله يخليك و عايزين نتقابل قريب أن شاء الله
أول ما ألاقي وقت هأعمل أختبار للعربية و تقييم لها بأذن الله
الشكوي الوحيدة حتي الان هيا صوت الموتور العالي فهل ده طبيعي و لا أنا اللي مش متعود لأني معتاد علي الصوت الهادي أو مافيش صوت في التويوتا قبل كده و الالنترا حاليا

المشاركة الأصلية كتبت بواسطة survivor4e

الأخوة الجيتزاوية الجامدين اخر حاجة ..............

من 6 اكتوبر يسعدنى انضمامى اليكم انا و (جى جى)

جى جى اتوماتيك كاملة موديل 2010 لونها اسود و عامله 48000 كم

انا منضم من تالت ايام و قاريت ال 74 صفحة بتوع الكلوب و بجد انا لسة مش مصدق انكوا عاملين كل المجهود دة .
انا فى 3 ايام اتعلمت منكم و عرفت حاجات اول مرة اعرفها.

أنا عاوز اعرف اجيب الأستيكر بتاع نايل موتورز منين و هل فى استيكر لجيتز كلوب مخصوص ولا لأ .

مرحبا بك أولا في قسم هيونداي و ثانيا في نادي الجيتز

بالنسبة للاستيكر هتلاقي أماكن التوزيع في الموضوع ده :
http://www.nilemotors.net/Nile/110085-a.html

و بالنسبة للمزايا اللي هاتحصل عليها من الاستيكر :
http://www.nilemotors.net/Nile/120069-a.html

للأسف مافيش أستيكر خاص بالنادي و لكن فيه استيكر خاص بهيونداي (Hyundai Team)

المشاركة الأصلية كتبت بواسطة se_coralsea

الله يخليك و عايزين نتقابل قريب أن شاء الله
أول ما ألاقي وقت هأعمل أختبار للعربية و تقييم لها بأذن الله
الشكوي الوحيدة حتي الان هيا صوت الموتور العالي فهل ده طبيعي و لا أنا اللي مش متعود لأني معتاد علي الصوت الهادي أو مافيش صوت في التويوتا قبل كده و الالنترا حاليا

ياريت ياريت ياريت نتقابل . دي حاجة نفسي فيها والله والموضوع مش محتاج قدام اي on the run ونتجمع ده احنا كلنا على بعضنا مش هانكمل 10 .

الاول اعمل صيانة للعربية وغير زيوتك وبوجيهاتك والسرفيس العادي وبعدين ادينا تقييمك .