Getz Club

**_Ahmed_casper_** · 21-01-2011 02:02 AM

يا باشا و انت خارج فى اى وقت عدى عند اى بتاع كاسيت هيقولك ايه اللى بيتعمل فيها بس بصراحه هى شكلها عادى مش وحش و بتنفع برضه . بس انا محتار اغير الكاسيت ولا اسيبه

**aymoz** · 21-01-2011 11:27 AM

المشاركة الأصلية كتبت بواسطة Mr.Aboody

تكييف - سنتر - 4 زجاج كهربا - التحكم بالمرايات ومش فاكر لو في حاجة تاني
بس هوا السؤال عمو غبور شال ايه من العربية ( فوانيس الشبورة - الاسبولير - الجنوط - multifunction - المسّاحة الخلفية - airbag - abs

بس هيا بجد عربية حلوة جوا البلد وللسفر بس لسرعة 150 - 160 وان شاء الله مع الجنوط الثبات يزيد اكتر

صلي ركعتين استخارة وان شاء الله ربنا يوفقك

ألف شكر على النصيحة أنا إن شاء الله حصلي الاستخارة و ربنا يقدم مافيه الخير بس الامتحانات تخلص
دي كده متقلبة هيا كده المشكلة في ال ABS و الشبورة بس برضه دول مش عيب في العربية
إن شاء الله لما آخد خطوة هبلغكم و انضم لل club

**ABDULLAH AHMED** · 21-01-2011 01:45 PM

المشاركة الأصلية كتبت بواسطة aymoz

ألف شكر على النصيحة أنا إن شاء الله حصلي الاستخارة و ربنا يقدم مافيه الخير بس الامتحانات تخلص
دي كده متقلبة هيا كده المشكلة في ال abs و الشبورة بس برضه دول مش عيب في العربية
إن شاء الله لما آخد خطوة هبلغكم و انضم لل club

العفو
وربنا يسيرلك بما فيه الخير ان شاء الله
وبانتظارك معانا :d
ولو عاوز تشتري من موزع معتمد لو مش عاوز تستنى قولي وانا معاك لو عوزت اي حاجة

**Mohab555** · 22-01-2011 02:54 AM

سؤال يا رجالة ؟؟؟
صيانة ال 40 الف ايه الى بيتم فيها ايه الى بيتغير و كدة؟؟؟ و بتتكلف كام ؟؟؟
و اروح ابورواش ولا اروح اى مركز خدمة زى الكويت و البلاد العربية ؟؟؟

**mohamedenzo** · 22-01-2011 07:57 PM

السلام عليكم ورحمة الله وبركاته.............

جماعة كان عندى استفسار بسيط عن حاجة فى عربيتى هيونداى جيتز اتوماتيك 1600 سى سى

انا لسه مغيرها رداخ (طبعا لا يعلى عن رداخها الاصلى قعد 4 سنين بس خلاص) المهم انا اصلا كنت جبت رداخ مش تمام قعد معايا 6 شهور وبس وطبعا العربية بسببه عطلت فاضطريت اغيره وغيرت كمان البوجيهات وعملت نظافة لبوابة الانجكشن والمنظم

لكن لسه وانا بدور العربية على الصبح او ساعات واقف فى وضع المور الاقى فى رجة خفيفة اوى فى الموتور مش عارف بسبب ايه?

فياريت حد يقولى بجد انا لسه ناوى اكشف بالكمبيوتر عليها

نسيت اقول ان انا غيرتلها فى الصيانة اللى فاتت من شهر بالضبط زقت موتور وفتيس وفتر زيت

فمش عارف ليه بقى الرجة دى؟ ده غير ان السحب بتاع مورتوها بقى بطى

ياريت الاقى الافادة من عندكو

**mohamedenzo** · 22-01-2011 08:02 PM

كويس بجد ان الواحد لقى رابطه للعربيات الجيتز
عربية فعلا جميلة جدا معايا من 2006 تحملت كتير معايا فى سفر وفى كله
اتمنى ان انا اشاركو الرابطة دى
انا اسمى محمد من بورسعيد

**mada_76** · 23-01-2011 02:25 AM

المشاركة الأصلية كتبت بواسطة mr.aboody

سؤال صغير يا جيتزاوية
الحتة اللي في التابلوه

ممكن تتشال ولا لازم وش مخصوص ؟؟؟
وشكرا مقدما

بالنسبة للمنطقة دي فلا يوز انها تتشال لانها جزء من الكونسول . انا سالت وطلع ماينفعش وفي واحد بواب وعامل فيها صنايعي قالي انه ممكن يقصها . طبعا قولتله عند امه يا ادهم .
الكونسول اللى بينزل مصر مصصم على كاسيت عادي مش دبل . لو عايز بتغير الكونسول كله من اول الساعة كده لغاية تحت عند زراير التكييف كده وده بتجيبه استيراد لان العربيات الجيتز بره مصر بتنزل بكاسيت دبل ومش في كل البلدان . بالنسبة لسعره استيراد معنديش فكرة بصراحة .

**mada_76** · 23-01-2011 02:33 AM

المشاركة الأصلية كتبت بواسطة mohab555

سؤال يا رجالة ؟؟؟
صيانة ال 40 الف ايه الى بيتم فيها ايه الى بيتغير و كدة؟؟؟ و بتتكلف كام ؟؟؟
و اروح ابورواش ولا اروح اى مركز خدمة زى الكويت و البلاد العربية ؟؟؟

بص يا باشا
انا مش فاكر بالظبط التكاليف كام بس هي صيانة عادية مش من النوع المكلف اوي .
اللى هايزيد المرة دي اعتقد البوجيهات هاتتغير وممكن فلتر الينزين وفلتر الهواء . ده طبعا غير الزيت والفلتر بتاعه اللى بيتغيروا كل 10,000 كيلو .
البوجيهات في رينج 60 جنيه وفلتر البنزين حوالى 130 وفلتر الهواء حوالى 80 جنيه
الصيانة اللى بتوجع هي صيانة ال 60,000 كيلو وال 120,000
يارب اكون قدرت افيدك على قد ذاكرتي
وانصحك بابو رواش

**mada_76** · 23-01-2011 02:35 AM

المشاركة الأصلية كتبت بواسطة mohamedenzo

السلام عليكم ياباشا........

انا قريت انك لقيت الفوجات...... انا بدور عليها من زمان اوىىىىىىىىىىىىىىىىىىىىىىى ىىىىىىىىىىىىىىىىىىىى
لدرجة ان انا قولت ادور عليها فى السعودية
ممكن اعرف جيبتها منين؟

اللى كان كاتب الكلام ده زميلنا هنا اسمه كريم من الاسكندرية وبقاله فاصل مظهرش ويارب يكون المانع خير .
هو فعلا كان لقى الفوجات في اسكندرية بس المكان بالظبط مش عارف .