تقرير مفصل و مصور عن الايفو مانيوال pk2

**wael17** · 13-12-2010 12:42 PM

المشاركة الأصلية كتبت بواسطة loodaa

ال smart wash دي بتشتغل ازاي
عشان طالما في الايفو يبقى ممكن تكون في الجراند

هي شغالة علي طول مش اختياري....يعني لما تسحب دراع المساحة لورا و ترش ميه و المساحات تمسح مرتين..و تقف...بتلاقيها عملت مسحة كمان بعد 6 ثواني عشان تشيل اي اثار ميه نزلت علي الجزأ الممسوح

علي فكرة في كمان حساسات مطر بس مش في النوع اللي بينزل مصر و دي بتحرك المساحات أول ماتحس بنقط مطر علي الازاز ز كمان بتزود سرعة المساحة حسب شدة المطر .....و طبعا الكلام ده ملاوش اي لازمة في مصر لان احنا اخرنا الدنيا تمطر مرة او اتنين في الشتا

**wael17** · 13-12-2010 12:46 PM

المشاركة الأصلية كتبت بواسطة crazylambada

عفوا اومترا فاشله و تستحق الشنق
لما كميه العربيات و الناس اللي يوقفوني و يقولولي ايه ديه و الجديد منها بكام يبقى عربيه ناجحه الناس منبهره بيها و لكن توكيلها فاشل معملهاش اعلان واحد حتى :s

فعلا ناس كتير وقفتني و سالتني عن العربية لدرجة اني بافكر اكتب مواصفات العربية و كمالياتها و اسعارها في ورقة و اصور منها 10 او 20 صورة و اخليهم في العربية و اللي يسأل اديله ورقة عشان ساعات بتبقي عطلة و الواحد مش بيرضي يكسف الناس لاني حاسس من مصلحتي ان الناس تعرف العربية و عددها يكتر شوية و ده بينفع علي المدي البعيد في توفر قطع الغيار و سعر اعادة البيع

و انا مش فاهم ايه سر عدم اهتمام اوماترا بعمل الدعاية للعربية دي....دول لو صرفوا جنيه واحد دعاية هايخدوا قصاده 10 جنيه مكسب مبيعات

**crazylambada** · 13-12-2010 02:14 PM

بالظبط يا استاذ وائل حاجه تنرفز

**Formula** · 13-12-2010 02:35 PM

المشاركة الأصلية كتبت بواسطة wael17

و انا مش فاهم ايه سر عدم اهتمام اوماترا بعمل الدعاية للعربية دي....دول لو صرفوا جنيه واحد دعاية هايخدوا قصاده 10 جنيه مكسب مبيعات

+1111111111111
فعلا كل اللى بيشترى عربيات فيات دلوقتى بيبقا عارفها و قاصدها و بيحب الأيطالى و عارف عنها كل حاجة و عايز ركوبة نظيفة........ودول قليلين اوى

عمرى ما شوفت و احد راكب جراند او ايفو او برافو او لينيا و شاريها كده و خلاص علشان شافها مع جاره مثلا او....او...

و اعتقد النوع التانى ده ممكن يزيد اوى مع الدعاية و الأهتمام من اوماترا

**wael17** · 13-12-2010 02:40 PM

المشاركة الأصلية كتبت بواسطة crazylambada

بالظبط يا استاذ وائل حاجه تنرفز

علي العموم السلعة الجيدة بتعمل دعاية لنفسها و اكبر دليل علي كده ان كلنا اشترينا الايفو من غير ما نسمع اي اعلان عنها و اقتناعنا بالعربية غلب القلق من التوكيل و خدمة ما بعد البيع

جرب تدخل قسم الفولكس و السيات و الفورد و تسأل علي البولو او الابيزا او الفيستا و شوف هتلاقي كم رد مقارنة بقسم الفيات...العربيات دي كلها ماباعتش و الايفو بس هي اللي بتبيع و اصبر 6 شهور و هتشوف النتيجة في الشارع

**midosalah** · 13-12-2010 07:19 PM

الف مبروووك على العربية ربنا يباركللك فيها ويديك خيرها ويكفيك شرها
ليا استفسار
ليه عربيتك الطارة والفتيس مش جلد مش المفروض الباكدج2 الطارة جلد ولا ده فى الاوتوماتيك بس؟؟

**wael17** · 13-12-2010 08:43 PM

المشاركة الأصلية كتبت بواسطة midosalah

الف مبروووك على العربية ربنا يباركللك فيها ويديك خيرها ويكفيك شرها
ليا استفسار
ليه عربيتك الطارة والفتيس مش جلد مش المفروض الباكدج2 الطارة جلد ولا ده فى الاوتوماتيك بس؟؟

الله يبارك فيك
الطارة الجلد في الاوتوماتيك باكدج 2 بس

**refattosa** · 13-12-2010 09:10 PM

استاذ وائل ...... مساء الفل عليك

الف مليون مبروك و لو انها متاخرة شوية لاني كنت مستني استلم و كنت متضايق قوي بسبب الموضوع ده بس الحمد لله استلمت علي خير

ممكن بس حضرتك تشرح لي ازاي انزل الصور علي المنتدي عشان ارزعكوا واحد تقرير مصور عن الايفو auto pkg 2

و اتشرف اني احط صورة عربيتي في الالبوم بتاعك بس و حياتك واحدة واحدة كدة في الشرح

**wael17** · 13-12-2010 09:49 PM

المشاركة الأصلية كتبت بواسطة refattosa

استاذ وائل ...... مساء الفل عليك

الف مليون مبروك و لو انها متاخرة شوية لاني كنت مستني استلم و كنت متضايق قوي بسبب الموضوع ده بس الحمد لله استلمت علي خير

ممكن بس حضرتك تشرح لي ازاي انزل الصور علي المنتدي عشان ارزعكوا واحد تقرير مصور عن الايفو auto pkg 2

و اتشرف اني احط صورة عربيتي في الالبوم بتاعك بس و حياتك واحدة واحدة كدة في الشرح

الف الف مبروووووووووووووووووووك

-بص يا باشا..الاول لازم ترفع الصور علي سيرفر بحيث يكون ليها لينك و اي حد يقدر يشوفها من اللينك ده
اشهر موقع لرفع الصور ImageShack® - Online Photo and Video Hosting
رفع الصور سهل هاتعمل Browse و بعدين upload بس نصيحة اعمل احسن registeration في الموقع عشان الصور تفضل اونلاين علي طول عشان لو رفعتها من غير ما يكون لك account بتتشال بعد كم شهر...التسجيل مجاني طبعا

-بعد الصورة ما تبقي uploaded هيديك كذا وصلة ليها منهم وصلة اسمها direct link دي بتاخدها copy

-بتعمل موضوع هنا في المنتدي و في الاوبشنز الكتير اللي فوق دوس علي علامة الصورة اللي جنب الظرف الاحمر و هايطلعلك مربع تحط فيه ال direct link بتاعت الصورة

لو الحكاية مكعبلة و صعبة عليك ابعتلي الصور علي wael17@hotmail.com وانا احطها هنا جنب اخوتها

**moh.aboelkheir** · 14-12-2010 02:20 AM

المشاركة الأصلية كتبت بواسطة crazylambada

عفوا اومترا فاشله و تستحق الشنق
لما كميه العربيات و الناس اللي يوقفوني و يقولولي ايه ديه و الجديد منها بكام يبقى عربيه ناجحه الناس منبهره بيها و لكن توكيلها فاشل معملهاش اعلان واحد حتى :s

انا الوقت اللي بقف فيه و انا بمون بس ...و ساعتها بيسألني ناس كتيير

علشان بنزل On the run غير كده انا على طول شااااااررررررخ