تقرير مفصل و مصور عن الايفو مانيوال pk2

**foffos** · 14-12-2010 11:48 AM

مبروك عليك

ربنا يباركلك فيها ويكفيك شرها

وألف شكر على التقرير

**wael17** · 15-12-2010 01:20 PM

متشكر لكل الناس اللي باركولي
و اول مره اخد بالي ان الموضوع بقي مثبت

**salaheldin1986** · 19-12-2010 06:39 PM

السلام عليكم و رحمة الله و بركاته
ياجماعة انا خلاص عايز أشتري البونتو ايفو انشاء الله بس كنت عايز اتأكد منكو من كام حاجه كده قبل ماشتريها
اهم حاجه العربيه ايه أخبارها مع المطبات و هي محمله" اربع افراد صح يعني" وبتحك ولا؟؟؟!
ومن جوا مساحتها معقوله و لا صعبة شويه؟
و ايه أخبارها على الطريق و هاتستحمل تسافر ولا لأ؟ وسحبها عامل ازاي؟
اصل انا من اسكندريه و ممكن اطلع بيها شغلي في دمياط مش على طول يعني بس لو لزم الأمر!!
انا أصلا معايا السكودا فيليشيا فمتهيالي مش هلاقي مشكله في سحب العربية خالص بس احب أتاكد منكم برده الأول!
أنا هاكون ممتن و شاكر جدا لو حد من الزملاء ملاك الإيفو رد علي و فادني في المواضيع ديه
و الف شكر مقدما!!!

**wael17** · 19-12-2010 11:00 PM

المشاركة الأصلية كتبت بواسطة salaheldin1986

السلام عليكم و رحمة الله و بركاته
ياجماعة انا خلاص عايز أشتري البونتو ايفو ان شاء الله بس كنت عايز اتأكد منكو من كام حاجه كده قبل ماشتريها
اهم حاجه العربيه ايه أخبارها مع المطبات و هي محمله" اربع افراد صح يعني" وبتحك ولا؟؟؟!
جربتها ب 4 افراد..مش بتحك..و انا طبعا باخد مطبات علي الهادي حتي لو مش محمل
ومن جوا مساحتها معقوله و لا صعبة شويه؟
انا كان معايا سبيرانزا..و مقارنة بها...اللي قدام قاعدين مستريحين قوي...زي الاسبيرانزا...النسبة للكنبة الخلفية..طبعا ضيقة شوية....بس تاخد اتنين مستريحين قوي و ممكن تلاتة س ماكونوش احجام كبيرة
و ايه أخبارها على الطريق و هاتستحمل تسافر ولا لأ؟ وسحبها عامل ازاي؟
هي بصراحة عربية مدينة...بس مش هاتقول لأ في سفر...انا ساكن في اكتوبر و باعمل 80 كم رايح جاي كل يوم و زي الفل...بس لو بتسافر مسافات طويلة بصفة مستمرة يبقي الافضل تشوف حاجة متورها اقوي شوية...و بالنسبة لسحب...افضل من اللانوس و الكيا ريو و السبيرانزا 1600 و دي العربيات اللي كانت معايا قبل كده
اصل انا من اسكندريه و ممكن اطلع بيها شغلي في دمياط مش على طول يعني بس لو لزم الأمر!!
انا أصلا معايا السكودا فيليشيا فمتهيالي مش هلاقي مشكله في سحب العربية خالص بس احب أتاكد منكم برده الأول!
سحب احسن من السكودا بكتير...و طبعا ثبات و امان و رفاهية اعلي بمراحل...هاتحس بنقلة جامدة لما تنزل من السكودا و تركبها...و بالنسبة للاوبشنز اللي فيها...هي نازلة باوبشنز وهمية مش موجوده في العربيات التاانية اللي من نفس الفئة و لكن موجوده في الجولف و الليون مثلا...يعني هتاخد اوبشنز بتنزل في عربيات تمنها 160 الف وانت طالع
أنا هاكون ممتن و شاكر جدا لو حد من الزملاء ملاك الإيفو رد علي و فادني في المواضيع ديه
و الف شكر مقدما!!!

**eng_ghazaly** · 20-12-2010 02:23 PM

الف مبروك عليك,,, ماشاء الله ربنا يباركلك ,,, انا حبيت العربية من خلال شرحك و اتمنى ان لما اغير العربية اجيب فيات برده بس يكونوا تقدموا شوية في موضوع التوكيل ده,,,,شكرا

**moh.aboelkheir** · 20-12-2010 03:21 PM

بالنسبه للمطبات عملت تجربه و حملت العربيه و اخدت مطب على 20 و ما شاء الله محكتش تماما ... و ده مطب اصلا متعود اجرب فيه العربيات بتحك ولا لأ :)

**salaheldin1986** · 20-12-2010 10:51 PM

ألف شكر يا أستاذ وائل على الإهتمام و الرد
و جزاك الله عنا كل خير

**mohamedgamall** · 22-12-2010 08:45 PM

المشاركة الأصلية كتبت بواسطة moh.aboelkheir

بالنسبه للمطبات عملت تجربه و حملت العربيه و اخدت مطب على 20 و ما شاء الله محكتش تماما ... و ده مطب اصلا متعود اجرب فيه العربيات بتحك ولا لأ :)

ههههه و الله ضحكتنى يا محمد بتختبر اخلاق العربية

**moh.aboelkheir** · 22-12-2010 09:07 PM

المشاركة الأصلية كتبت بواسطة mohamedgamall

ههههه و الله ضحكتنى يا محمد بتختبر اخلاق العربية

بجد و الله فيه شارع ورا بيتي كده " بختبر فيه الsuspension " ... و فيه شارع تاني لاختبار الفرامل " علشان فاضي" ... و كام ملف كده قدام المنطقه برده لتجربه الثبات .... و كمان المطب ده ساعات انا و اصحابي بنتحدى بعض مين عربيته مش هتحك

**mohamedgamall** · 23-12-2010 08:43 PM

هههههه يعنى عامل شارع لكل حتة فى العربية ههههههه ماشى
على فكرة انا مستنى التقرير بتاعك يا محمد طبعا التقربر بتاع وائل جامد جدا بس برضة عايز اعرف رايك اية فى العربية