الموضوع: أرجو الإيضاح علميا: لماذا نفصل الفتيس عن المحرك بالضغط على الدبرياج أثناء نقل الحركة؟

الأخ otefa ألف شكر لمتابعتك للموضوع

جمييل جدا يعني عملية التعشيق دي مفيهاش مشكلة لأن السنون مش بالبساطة اللي أنا متخيلها كدة أنا عديت الحتة دي
بس إيه اللي بيعمل الصوت العالي أو الزعقة اللي بتحصل لما بحرك الفتيس من غير ما أضغط دبرياج
أنا لما بحرك عصاية الفتيس بحرك الحلقة البنفسجية ليه مبتتحركش وبيحصل الصوت ده بينما لو ضغط على الدبرياج الموضوع هيتم بسلاسة؟؟؟؟
معلش دوختكم معايا

المشاركة الأصلية كتبت بواسطة m.nasr

انا هامشى مع حضرتك مع الصورة اللى حاطيتها فرضا ان دى هى نفسها اللى فى اى عربية مانيوال

هو اللى بيحصل ان الترس الاخضر اللى هو بينقل الحركة من الموتور لعلبة التروس مش بيتحرك زى ماحضرتك متخيل هو كده كده ثابت مع الترس الاحمر والدبرياج لما بتدوس عليه بيفصل الكلاتش clutch عشان ماينقلش حركة من الموتور للجيربوكس وبالنسبة للترسين اللى لونهم ازرق واحد بس منهم بيشتغل ينقل الحركة والتانى بيلف على الفاضى لحد مايتعشق بعصاية الفتيس يقوم هو اللى ينقل الحركة والاول يلف على الفاضى وفى وضع المور بيكون ال collar ده اللى لونه بنفسجى فى النص بين الترسين اللى لونهم ازرق وفى الحالة دى بيكونو الترسين بيلفو على الفاضى مش ملحومين يعنى فى العامود الاصفر اللى رايح لل differntial

جميل جدا يا باش مهندس الكلام ده كله أنا فاهمه
بس الإشكالية دلوقتي
هي أن إيه اللي بيعمل الصوت العالي أو الزعقة اللي بتحصل لما بحرك الفتيس من غير ما أضغط دبرياج
أنا لما بحرك عصاية الفتيس بحرك الحلقة البنفسجية ليه مبتتحركش وبيحصل الصوت ده بينما لو ضغط على الدبرياج الموضوع هيتم بسلاسة؟؟؟؟

ليه مبتتحركش وبيحصل الصوت ده بينما لو ضغط على الدبرياج الموضوع هيتم بسلاسة؟؟؟؟هذه الجملة هي المشكلة
مع أن المفروض زي ما حضرتك قلت أنك ينفع تنقل في وقت معين من غير ما تضغط دبرياج طيب ليه في الوقت المعين ده بالذات ومش في أي وقت مع عدم وجود ما يعوق حركةالcollar

المشاركة الأصلية كتبت بواسطة m.nasr

انا هامشى مع حضرتك مع الصورة اللى حاطيتها فرضا ان دى هى نفسها اللى فى اى عربية مانيوال

هو اللى بيحصل ان الترس الاخضر اللى هو بينقل الحركة من الموتور لعلبة التروس مش بيتحرك زى ماحضرتك متخيل هو كده كده ثابت مع الترس الاحمر والدبرياج لما بتدوس عليه بيفصل الكلاتش clutch عشان ماينقلش حركة من الموتور للجيربوكس وبالنسبة للترسين اللى لونهم ازرق واحد بس منهم بيشتغل ينقل الحركة والتانى بيلف على الفاضى لحد مايتعشق بعصاية الفتيس يقوم هو اللى ينقل الحركة والاول يلف على الفاضى وفى وضع المور بيكون ال collar ده اللى لونه بنفسجى فى النص بين الترسين اللى لونهم ازرق وفى الحالة دى بيكونو الترسين بيلفو على الفاضى مش ملحومين يعنى فى العامود الاصفر اللى رايح لل differntial

الجملة اللي متلونة بأحمر دي
هو الترس الأزرق اللي مش متعشق مبيلفش خالص مش بيلف على الفاضي
اللي بيلف فقط هو الترس الأزرق المتعشق مع الكولار
المفروض تبقى كدة ولا ايه رأي حضرتك