ايه أكبر عمق ممكن العربية تمشي فيه (مناقشات)

**heshamzaky** · 14-12-2010 12:31 AM

باشمهندس محمد otefa أنت مالكش حل هههههههههههه أزيك تسلم يا باشا و أنا معاك فى رأيك و حا أقولك حاجة تأكيدا لكلمك مرة كنت بغسل موتور العربية ال 127 عند الميكانيكى راح جايب فوطة و حطها على الفلام من برة علشان الجاز و المية و طبعا نسيها ههههههه دورنا العربية دارت و بعد شوية سمعنا صوت صرخة فى الموتور و العربية وقفت و دخنت أفتكر الفوطة الى كان حاططها و شدها بالعافية بالراحة و العربية دارت تانى و بص كدة صور فتيس التمبرا

**heshamzaky** · 14-12-2010 12:35 AM

و بص الصورة دى كدة

**otefa** · 14-12-2010 12:41 AM

هشام بيه منور ياباشا أخجلتني بكلامك ببعض مما عندكم
أهو الواحد بيحاول ميقولش كلمة ألا أذا متأكد من تجربة شخصية أوقاري عنها من أكتر من مكان
ونفس الفتحة ألي في 127 موجودة في فتيس الجولف كمان وبعدين معظم سلك عدادات السرعة أحتمال كبير لو غطس في ميه هايدخل عن طريقه ميه من ناحية الفتيس نتيجة لضغط الماء

**otefa** · 14-12-2010 12:43 AM

كده يبقي الدفيرنشال والفتيس بيدخلهم ميه حسب أرتفاع الميه ونوع العربية......... وبالصور تمام هشام باشا

**heshamzaky** · 14-12-2010 12:49 AM

العفو يا باشا على أية و الصورة واضحة جدا و أنا حكيت تجربتى الشخصية و تصدق و الله كان عندة كليب تمبرا مشيت فى المية بارتفاع حوالى 50 سنتى بس عدى بسرعة نسبيا بس للأسف مش لاقى الكليب بس كان لحظى و عدى بسرعة و غير موضوع الشكمان و الفتيس العربية لو عامت فى المية حا تتبهدل الكهرباء بتاعتها و تعمل قفلة و خصوصا لو عربية فيها كمبيوتر

**tamertamer** · 14-12-2010 02:10 AM

انا حصلت معاية مرة وكانت المية ارتفعها موزهل فعلا بس مدخليش مية داخل الكبينة العوازل ممتازة فى الاوبل بس خفت المية توصل للكهربا بس ربنا ستر الكوتشات اختفت فى المية

**pro_samir** · 14-12-2010 03:24 AM

نسيت اقولكم امبارح بالليل بطلت مني في الميه بس مش عارف السبب ، في نفق علي الطريق والدنيا كانت بتمطر بقالها 3 ساعات يعني يا عالم المياه كانت بعمق نص متر علي الأقل ،، وانا كنت منمتش اخويا اللي سايق ومسقطين خالص ان النفق متحوش فيه مياه .. علي سرعة 80 ومخدناش بالنا من الميه غير وخلاص داخلين عليها وجنبنا عربيه نقل و تشششششششششش

زي ما تكون دخلت في رمل وهتغرز نفس الاحساس العربيه كننت من الصدمه والميه طارت دخلتنا من الشبابيك وغرقت العربيه كلها والزجاج الأمامي بقي بني

والعربيه بطلت لكن دارت علي طول .. يمكن بطلت من الصدمه معرفش كان دايس دبرياج ولا لأ خصوصا انها كانت بارده جدا فوق الكولد بشرطه

وبعد النفق كان واقف عربيه 128 مبطله برضو وتقريبا مش راضيه تدور، كنا هنخبط فيه لولا ستر ربنا

**shaddadfalcon1** · 14-12-2010 10:06 AM

فكرتني بشتا السنه اللي فاتت كنت ماشي علي الزراعي باتجاه القاهره بعد كوبري ابيس وكان في المقابل عربيه نقل ماشيه في الشمال وزي ماالناس عارفه المكان ده في الزراعي بيبقي عليه ميه كتيير قوي وصاحبنا ده دخل في الميه ولقيت والله العظيم زي مايكون موجه عاليه لدرجه اني مكنتش شايف قدامي ولا فوقي ولا اي حته وهووووووووووب تييجي فوقي وملحقتش اقفل اقفل القزاز
يوميها العربيه غرقت ميه من جوه ومن بره والدواسه كان واقف فيها ميه
قلت الحمد لله ان مكنش حد قدامي لاني فعلا ساعتها اتعمين من كثرة الميه

**otefa** · 14-12-2010 12:31 PM

المشاركة الأصلية كتبت بواسطة cyborg_ift

لعلمك انا أول سنة 2010 كنت بالعربيه 128 وكان ساعتهه فيه السيول اللي نزلت على القاهره ومشيت بيهه في المايه وكان ارتفاعهه عالي جدا ومبطلتش ولا حاجه بس بيني وبينك ربنا اللي بيستر

أكيد شكمان العربية ما كنش محكم وكان فيه تنفيس من عند الفرن

-

الموضوع: ايه أكبر عمق ممكن العربية تمشي فيه (مناقشات)

LinkBack

أدوات الموضوع

عرض

-

-

-

-

-

المواضيع المتشابهه

لازم دوسة زيادة عشان العربية تمشي

دلوقتي أنا هجدد العربية كلها وهركب جنوط مقاس أكبر ..ايه ايه اللي لازم أعمله في العفشة

هل ممكن العربية تمشي وزيت الفتيس قليل جدا؟وايه اعراض واسباب نقص زيت الفتيس؟

أخطر طريق في العالم ممكن تمشي عليه ؟؟؟!!!

الكلمات الدلالية لهذا الموضوع

المفضلات

المفضلات

ضوابط المشاركة