ايه أكبر عمق ممكن العربية تمشي فيه (مناقشات)

**ZALABANY** · 13-12-2010 08:50 AM

بحلول فصل الشتاء فكره طرأت على دماغي
لو الدنا مطرت مطرة شديده والشوارع غرقت ومستوى الميه علي جدا فيها ايه هو أقصى عمق للميه ممكن العربية تمشي فيه من غير ما تعطل كان معايا ال 28 لو مشيت في شوبة ميه صغيرين بمجرد ما الميه جت على الاسبراتير العربية وقفت وده لأن الإسبراتير منخفض ومكشوف العربيات الجديده الوضع فيها مختلف الإسبراتير غالبا بيبقى فوق ومكانه ما يوصلوش ميه بسهوله ده بالاضافه ان في عربيات مصفحه
طيب لو الميه وصلت لإرتفاع نص متر مثلا ايه الليم ممكن يخلي العربية تقف اظن الشكمان لو اتغطى بميه العربية هاتقف طيب ايه تاني ممكن يعطل العربية لو الميه جت عليه وايه اكتر عربية مؤمنه انها تمشي في ميه عاليه شويه اظن العربيات ال 4x4 هاتكون احسن حل في الحالة دي

**heshamzaky** · 13-12-2010 10:37 AM

قول يا زلبانى أعتقد لغاية 50 سنتى العربية ممكن تمشى

**Eng_Mostafa_89** · 13-12-2010 10:47 AM

وبرضة لو مدخل الهواء للموتور وصلة مية يبقى كدة الموتور هيقف
علشان كدة تلاقى بعض العربيات ال 4*4 ليها زى ماسور بتاخد الهواء من مكان عالى اعلى من كابينة العربية

**ZALABANY** · 13-12-2010 10:59 AM

بس أعتقد الكلام ده الو الميه ارتفعت لحد نص الموتور مثلا لكن لو الميه من تحت اظن العربية مش هاتقف ولو على الشكمان ممكن نعمله وصله تخلي فتحته من فوق زي الأتوبيسات تخيلوا معايا كده لو حصل ده ايه اللي ممكن يخلي العربية تقف