يعنى ايه عربيه 2008 ورشه نظافه

**mmmmgogommmm** · 19-12-2010 11:18 PM

المشاركة الأصلية كتبت بواسطة احمد المصرى

انا معاك ان لازم تتحك بس ايه الدافع انه يرشها وهيا لسه زيرو وجديده ومش مكمله سنتين لما تقولى عربيه موديل 84 او حتى 2000 ورشه نظافه يبق ممكن بس 2008 او 2009 يعنى بقالها سنه ورشه اعتقد ان لازم الواحد يقلق

طيب واية الدافع انى اركب عربية شاريها زيرو ومحكوكة ومتجرحة تفتكر انى المفروض امشى بيها كدة عشان بعد4 سنين لما احب ابيعها ميجليش واحد مش فاهم او تاجر او كومسيونجى ويقولى اصلها رشة برة طالما اتحكت واتجرحت لازم تترش واللى عايز يشترى يكشف عليها فى التوكيل----اللى بيحصل عندنا دة شغل ناس تعبانة -- لما حذائى يتسخ لازم المعة ولما دهان حوائط البيت يتسخ او يبهت لونة لازم ادهنة من جديد--------------------------الكشف فى التوكيل هو الفيصل

**drsharra** · 20-12-2010 12:10 AM

كلمة رشة نضافة دى خصوصا فى الموديلات الجديدة معناها إن العربية عملت حادثة واتقلبت واتخرمت والنصاب اللى بيبعها يقوللك رشة نضافة نصيحتى بلاها خالص

**zakar0tta** · 20-12-2010 03:26 PM

إذا كان علية انا نفسي أرش كل خربوش في العربية بس فين الوقت ؟؟؟؟
انا مش عارف هو انا ممكن استخدم ازايز الرش الي عند بتوع الحدايد والبويات ولا هي لازم تتدرب الاول ؟؟؟

**Ahmed Nasser** · 20-12-2010 03:56 PM

اللى اعرفة ان الرشة دى بتنزل من ثمن العربية 2000 جنية

**eldell** · 20-12-2010 03:57 PM

باشا انا عربيتى موديل 2010 والعيال عملين يرسمولى عليها قفشت فى مره عيل كلته علقه كنت هموته وكنت هوديه القسم بس الناس حشونى مش مقياس الموديل والله بس اكشف عليها عند حد محترم وحد بيفهم والعربيه الى تلقيها رشه حزام بيبقى احتمال كبير انها عمله حدثه من قدام او من الابواب وكده حزام يعنى رشه ابواب ورفرفين قدام وكبوت

**M.Mosaad** · 20-12-2010 04:14 PM

في ناس بترش علشان التامين و دة برضة عادي لانه لو في حكات في في الابواب او الكبوت بيتشال التامين علي الدهان للمنطقه المحكوكه

**lakany** · 20-12-2010 07:19 PM

بمناسبة موضوع التامين انا مامن على العربيه و بدفع من 2500 الى 3000 جنيه فى السنه عشان امشى بالعربيه مبهدله و مجرحه ؟
انا شغلى فى المهندسين و السياس لما بيركنو العربيات بيزقو العربيات فى بعض و لما بيحبو يوسعو لعربيه بيزقو العربيات الى راكنه كلها مع بعض يعنى بيزقو عربيه و العربيه تزق الى وراها و الى وراها و هلم
و النتيجه ان العربيه بأت منظرها يقرف الكلب و الكبوت مطبق من الزق و الجلوس عليه
اسيبها كده و لا ارشها و خصوصا انى مش هادفع حاجه ؟
عملت الحل الوسط رشيت الاكصدامات و الكبوت بس عشان يجيلى نفس اركبها

**Rerii** · 20-12-2010 10:05 PM

عادى جدا انا مرة ركنت عربيتى ونزلت اشترى حاجات رجعت لاقيت البابين متروقين وملعوب فيهم البخت وشكلها بقى زبالة
ومرة تانيه رجعت لاقيت حد مبهدلى الشنطة بمفتاح وهرشها فى الصيف ان شاء الله لانى كرهت شكلها كده

المهم اساسيات العربية