يعنى ايه عربيه 2008 ورشه نظافه

**Amr_tika88** · 22-12-2010 05:08 AM

انا ليا راي ان الاساسيات هيا الاهم وهوا ده الفيصل لانه اللي سايق العربيه يقدر يحافظ عليه انما اللي بره العربيه ده ملك الشعب :d

**firstknight_eg** · 22-12-2010 09:11 AM

انا ممكن ارش عربيتي حتي لو موديل السنة ومش مهم اخسر فيها بس ما ابقاش سايق العربية وانا مضايق عشان واحد ابن ...... وهو بيركن حكها او واحد حقود بمسمار راح جايب الكبوت والشنطة ولما اجي ابيعها اللي مش عاوز يشتريها بالسعر اللي انا عاوزه مش مهم.

انا عربيتي فضلت واقفة شهرين لغاية ما واحد جه اشتري بالسعر اللي انا عاوزة، واللي كان يقولي ديه راشة بره السعر ده كتير اقول له يا سيدي بين البايع والشاري يفتح الله ، الموتور بحالة الزيرو والدواخل مش مرشوشة والعفشة زي الفل واي حاجة بتحتاج تتغير بتتغير في التوكيل، يبقي عاوز ايه تاني

**yahyanaabil** · 22-12-2010 09:31 AM

موضوع الرش ده مش سبب اساسى ان العربيه تكون سيئه لأن فى ناس كتير بتعمل خبطات بسيطه او بتنزل تلاقى عربياتها مدمره وهيه واقفه تحت البيت أهم شىء تروح التوكيل تكشف عليها لأنى حاليا فيه مواضيه اهم من الصاج والرش والكلام ده

زى العداد مثلا فيه ننس بتلعب فى عداد المسافات وده بيبتقفش فى التوكيل على طولوححكى قصه ظريفه حصلت فعلا
عربيه كروز كانت عامله 1800 كم اصحاب المعرض حاولوا يعيدوا بيعها على أنها زيرو فلعبوا فى العداد بس لسوءحظهم ان كارته التحكم الرئيسيه ضربت والعربيه وقفت جثه هامده

**cyborg_ift** · 22-12-2010 09:46 AM

انا شايف انه عادي ده الواحد بيبقا لسه راشش العربيه ومكملش جمعه وينزل الصبح يلاقيهه مخبوطه

**M.Mostafa80** · 22-12-2010 10:48 AM

المشاركة الأصلية كتبت بواسطة cyborg_ift

انا شايف انه عادي ده الواحد بيبقا لسه راشش العربيه ومكملش جمعه وينزل الصبح يلاقيهه مخبوطه

والله حصلت معايا فى بابين

**levelpower** · 22-12-2010 03:21 PM

المشاركة الأصلية كتبت بواسطة احمد المصرى

انا معاك ان لازم تتحك بس ايه الدافع انه يرشها وهيا لسه زيرو وجديده ومش مكمله سنتين لما تقولى عربيه موديل 84 او حتى 2000 ورشه نظافه يبق ممكن بس 2008 او 2009 يعنى بقالها سنه ورشه اعتقد ان لازم الواحد يقلق

++++++111111111