الموضوع: يعنى ايه عربيه 2008 ورشه نظافه

عادى جدا ما هو العربية طول ما هى فى الشارع لازم تتحك فالمحافظ على العربية بيرشها عادى يعنى و حضرتك ممكن تشوف العربية واخده معجون كتير ولا لأ و اساسيات العربية ( الدواخل و موتور و عفشة ) سليمة وحالة الصالون ممتازة ( لانها موديل عالى) فيبقى توكل على الله و ميهمش راشة ولا لأ

والله أنا شايف ان لما تكون العربية 2008 ورشة خارجي ده يبقى صاحبها مهمل ومش محافظ عليها أي كان السبب إيه وحتى لو فيها تجاريح بسيطة من الركن والكلام دا عادي جدا انما رش اربع ابواب او رش كبوت دا أكيد والله اعلم حادثة لأن مش ممكن هرش الكبوت والرفرفين عشان شوية تجاريح او خرابيش يبقى انا صرفت على العربية وكمان نزلت من تمنها يبقى خسارة من جميع الجهات ولا ايه أنا كان معايا لانوس موديل 2000 بعتها في 2006 فبريكة برة وجوه بس طبعا كان فيها تجاريح اللي عاوز يشتري كدا اهلا وسهلا على عينك ( وجهة نظري أنا فقط ) .
أنا رأيي لحضرتك تشتري عربية فبريكة برة وجوة وحتى لو غالية شويتين لأن الغالي تمنه فيه

المشاركة الأصلية كتبت بواسطة puyol

والله أنا شايف ان لما تكون العربية 2008 ورشة خارجي ده يبقى صاحبها مهمل ومش محافظ عليها أي كان السبب إيه وحتى لو فيها تجاريح بسيطة من الركن والكلام دا عادي جدا انما رش اربع ابواب او رش كبوت دا أكيد والله اعلم حادثة لأن مش ممكن هرش الكبوت والرفرفين عشان شوية تجاريح او خرابيش يبقى انا صرفت على العربية وكمان نزلت من تمنها يبقى خسارة من جميع الجهات ولا ايه أنا كان معايا لانوس موديل 2000 بعتها في 2006 فبريكة برة وجوه بس طبعا كان فيها تجاريح اللي عاوز يشتري كدا اهلا وسهلا على عينك ( وجهة نظري أنا فقط ) .
أنا رأيي لحضرتك تشتري عربية فبريكة برة وجوة وحتى لو غالية شويتين لأن الغالي تمنه فيه

بالعكس .. أنا شايف ان فى بلدنا عادى جدا ان العربية تكون 2008 و رشه نضافه .. حضرتك لو بتمشى على الدائرى أو وسط البلد فى يوم و رجعت عربيتك مش متخربشه يبقى انت حظك حلو .. من اسلوب سواقة الناس و الزنق .. ده غير انك ممكن تكون راكن العربية و ترجع تلاقى حاجة واقعة عليها عاملة لك نقرة فى السقف .. أو واحد كان بيركن و خبط لك الاكصدام أو الرفرف.

اللى ساكن فى المدن الجديدة هو اللى معندوش المشكلة دى . شوارع واسعة و المحلات فى مكان منفصل و جراجات تحت العمارات .. ده اللى ممكن عربيتة تفضل نضيفة لفترة طويلة.

المشاركة الأصلية كتبت بواسطة mmamdouh

لو حضرت مقابلة الخميس ان شاء الله حوريك عربيتى و ساعتها حتعرف ايه هى العربية اللى محتاجة رشة نضافة

mmamdouh

هى مقابلة الخميس دايو بس ولا كله؟

ههههه حلوة يا MMamdouh باشا
موضوع رشة بره ده موضوع اخترعوه السمسارة والتجار اهم حاجة اساسيات السيارة مش مهم رشة ولا لأ وبعدين فى مصر قلة الضمير كتير تلاقى ولد ماشى بعجلة يحك فى العربيات وواحد تانى بمسمار وفيه ناس بتزعل من المنظر ده فترش عادى يعنى