المشاركة الأصلية كتبت بواسطة dell2000
ابويا كان في الخليج 30 سنة و عشت معاه 18 سنة منهم .... رجع بأمراض الدنيا و اتوفى بعد سنتين قبل ما يستمتع بحياته
على ايه بقى كل ده؟
السلام عليكم و رحمة الله و بركاته
أنا كنت بس عاوز أقول رأيى بخصوص النقطة دى و ده لأنى بالفعل سمعتها من ناس كتير و هى أن الأب أو رب الأسرة بيفضل فى الخليج و مابيرجعش الا و يفارق الحياة بعد مابيرجع مصر بكام سنة و غالبا مابتداهمه أمراض العصر المتعددة و هو هناك و بترجع معاه لمصر و ده للأسف حقيقى لأن الوضع فى الخليج غير الدول المتقدمة و المحترمة اللى احنا بنتكلم عنها رغم أنها مش الجنة و لا حاجة , بس هناك فيه نظام لكل حاجة بتخلى الواحد يشتغل كويس و يتقدم لو كان عنده طموح و تخطيط جاد و سليم لحياته و فى نفس الوقت بيتعلم هناك ازاى بيستمتع بحياته هو و أسرته كويس أوى لأن ببساطة صاحب العمل فى الدول دى عارف كويس أوى أنه هياخد من اللى شغال عنده كتير أوى لو كان اللى شغال عنده ده شغال و هو نفسيته مرتاحه و مبسوط لكن التانيين اللى فى الخليج اللى أكترهم بيعانى من أغلب عقد النقص اللى فى الدنيا , بيقى غرضه أنه يتنك و يتأمر و يهين الأجنبى اللى شغال عنده و بالتالى لما تلاقى واحد بقاله سنين طويلة شغال تحت ضغط عصبى و نفسى رهيب غير مجهود العمل نفسه, أكيد لازم تداهمه أمراض العصر من ضغط و سكر و قلب و قرحة بالمعدة و خلافه كتير جدا اللى بيكون السبب الأساسى ليها هو الStress, أنا ضد أن أى حد عاوز يسيب البلد , يقوم يروح يدفن نفسه فى الخليج , الا ادا كان فى ظروف عمل مميزة جدا و خاصة جدا , لكن التخطيط الجيد, أن دول الخليج و الفلوس اللى هناك تعتبر سلمة بتطلع عليها لحاجة أعلى و أفضل و أرقى , بص على أى مصرى بقاله 20 سنة بالخليج , هتلاقى فعلا أنه داهمته الأمراض و فقد معنى الحياة , لكن بص على المصرى اللى بقاله 30 سنة فى أى دولة أوروبية و لا فى أميركا و لا كده , هتلاقيه انسان محترم جدا و منظم جدا و مستمتع بحياته جدا و لا يعانى من أى أمراض و حياته مابتدربكش الا لما يرجع مصر أجازة شهر و لا حاجة فى السنة .
ده رأيى و أنا آسف لو كان هيختلف مع أراء السادة الأفاضل هنا فى المنتدى .
المفضلات