الموضوع: انا بجد زهقت من الرينجات

الحمد لله
والشكر لله
يارب

ياااااااااااااااااااااااا ااااااااااااااااااااااااا اااااااااااه
اجمل شئ اما تعمل حاجه بايدك وتخلص علي خير

بعد تعب ومحاولات فاشله
كنت قد قاربت علي اليأس
ولكن الحمد لله
كملت

بقالي 3 اسابيع بحاول هنا وبحاول هنا عشان اوصل لطريقه تخليني اعمل كل حاجه صح ومفكش الفانوس تاني
والحمد لله
راجعت كل حاجه مليون مره
وشريط اليدات يتقطع
واعمله
والتاني يتقطع واعمله

ياااااااااااااااااااااااا ااااااااه علي دي فوانيس
طلعت في دماغي فكره حابب اشارككو فيها
شريط الليدات اللي انا اشتريته فعلا طلع رائع بمعني الكلمه

بس كان قوي اوي اوي
اضاءته مستفززه بصراحه

حاولت اهديها بمقاومه بقي شكله بايخ
وفي النهايه جت في دماغي فكره
لو شريط الليدات ده اسود
والفانوس من جوه اسود
ياسلام عالشياكه

وفعلا
رشيت الشريط كله اسود بالسبراي المط
وسبته ينشف خالص
وبعدها مسكت مفك ولفيت عليه قطنه
وعلي كل ليد
ابل القطنه بالاسيتون
واشيل من السبراي علي شكل الليد فقط لا غير

وفضلت شغال علي كده
وجربت
طلعت التجربه هايله
بقي الشريط عامل زي ما يكون عقد لؤلؤ
مش باين في الشريط غير الليدات فقط واضاءه خفيفه

ثبتت الشريط في الفوانيس
وراجعت علي وصلات الرينجات وكله تمام

قفلت الفانوس اي كلام كده عشان اصوره واوريهولكو

ودي النتائج









الف شكر لكل واحد كتب حرف في الموضوع ده ساعدني بيه ولو حتي بكلمه اعجاب
الف شكر لميسو حبيبي اللي سخنني وقعد يلعب في دماغي اني اعملهم
وساعدني وهريته تليفونات واسئله
شكرا يامومو عالعجينه
شكرا ياسمسم وعقبال ما تعمل الباد بوي
واولا وليس اخرا الشكر والفضل لله عز وجل اللي قدرني اني اعمل حاجه زي كده في عربيتي

واخيرا اشكر دكتور المناهري اللي كان بموضوعه
http://www.nilemotors.net/Nile/193732-a.html

قوه دفع ليا وخلاني بعد ما كنت احبطت واتخنقت وكنت حرمي كل حاجه بعد ما شريط الليدات اتقطع
ارجع اكمل تاني شغل
لان شغل الايد فعلا ليه متعه تانيه
والنجاح في الحاجه دي احلي واحلي مليون مره من اني اجيب الفوانيس جاهزه

وشكرا لنايل موتورز
وربنا يخلينا لبعض يارب

والي اللقاء في عمليات اخري قريبا :) :) :)

الله يخليك ياميسو
علمناهم الشحاته مش سبقونا عالابواب
ده خدوا الابواب ومشيوا بيها
ههههههههههههههههههههههه

هوا من ناحيه فشخره حتفشخر
وحبقي مبسوط
بس وانا دافع اد كده
وارجع اعيط في البيت بقي
:)

الله يبارك فيكو كلكو
ان شاء الله اول ما اركب حاخد كام صوره كده بردو
واوريهالكو