الموضوع: انا بجد زهقت من الرينجات

والله انا فرحان عشان انت فرحان

الف مبروووووووووك وشكل العربيه فعلا اتغير خالص
وده كافى انها تاخد عين حلوه وموضوع الشكرتون واللمبه دى اقل حاجه الحمد لله انها جت على اد كده

بس تحس ان العربيه قلبت على كيا سيراتو ههههههههههههه

المشاركة الأصلية كتبت بواسطة funnymickey

ياميسو انتا قافل تليفونك ليه
اتهريت اتصالات بيك انهارده عشان اضحكك معايا

الناس كلها اتلمت عليا انهارده
وانا بركب

وكل شويه واحد ييجي يلف حوالين العربيه ويمشي
مكسوف يسأل

وواحد جي يسألني بكام دول
فيه منهم للاوبترا

قلتله ياباشا انا عاملهم بايدي
قاللي ازاي

فقعدت احكيله
قاللي
بسسسسسسسسسسسسسسسسسسسسسس
ايه ياعم كل ده
ده حوار
ربنا يكون في عونك

وسابني ومشي

مش عارف ياميسو انا بقيت خايف ارش العربيه واظبطها اوي تتحسد
الحمد لله اني مفلس دلوقتي



قول لشنوري ينجز ياعم ويعمل مقابله
وحشتوني ياجدعان

ههههههههههههههه كل لما اروح للكهربائى اعمل حاجه الاقى واحد واقف يتفرج ويقوللى جبتهم منين دول اقعد اشرحله انه انا الى عاملهم وعاملهم ازاى الاقى بقه اتفتح وسهم الله نزل عليه
ومره لقيت واحد حسيت انه بياخدنى على قد عقلى فاكرنى بشتغله
ومره واحد جاى فى وشى بعربيه نص نقل ووقفنى وقاللى جاااااااايبهم منييييين دول قولتله لا انا عاملهم ممكن توسع عشان اعدى هههههههههههههههه سكت ووسعلى

عااااااادى طول منت ماشى حتلاقى الناس بتبصلها بأستغراب وخصوصا انك مركب فوانيس كرستال معدله
ربنا يحميهالك

انت حظك انى فعلا قافل التلفون انهارده عشان اخدت اجازه وقعدت فى البيت فقفلت التلفون بالمره كنت بعتلى رساله هنا فى المنتدى ما انا من بدرى قاعد كنت فتحت التلفون كلمتك

والمقابله اكيد حتبقى كمان اسبوعين تلاته الجو يكون هدى والاجازه ابتدت عشان الناس كلها حكلم شنورى وارد عليك

بس بسم الله ماشاء الله حاجة زى الفل ربنا يباركلك فيها
هتخلينى افكر اعمل كدة فى فرنتى العزيزة بس اصلا شكل الفانوس من جوة زبالة مش ممتع للتغير هنشوف وربنا يكرم

لو سمحت يا ميكي هي دايرة الرينج مش كاملة ليه وأنا آسف على السؤال اللي كان قسم تاني

المشاركة الأصلية كتبت بواسطة smsm_nabawy

اسمحلي أرد عليك على ما ميكي يرد هو كمان :e_braces[1]:

ده للشكل و للمضمون ،، بمعنى ،، كده شكلها أجريسف أكتر ...

ثانياً مينفعش الرينج يكون كلو منور ،، عشان في حته حتكون مقطوعه منه اللي هي بنحط فيها الليدات و المقاومة و نوصلهم ببعض و نلف عليهم شيكارتون :f_eyeb1[1]:

بس بشوفها في البي ام مدورة كاملة وعربيات تانية كتيرة كاملة

المشاركة الأصلية كتبت بواسطة puyol

بس بشوفها في البي ام مدورة كاملة وعربيات تانية كتيرة كاملة

حضرتك الى فى البى ام دى الى هى الرينجات النيون ودى الصينى بتاعتها فى حدود ال 100 جنيه واكتر وبتشتغل بمحول بيجى معاها
والنوع التانى ده ابو 20 او 30 جنيه ده الى هو الليدات

وعلى فكره فيه رينجات نيون وراكبه فى البى ام برضه مقطوع حته من فوق كده زى الرينجات بتاعتنا بالظبط

وهى فى النهايه ازواق وكل واحد وعربيته حيليق عليها ايه