الموضوع: نيفا و شركة الأمل

المشاركة الأصلية كتبت بواسطة mnmmnmmnmmnm

أستاذ/ كريم
شكرا على اهتمامك بالموضوع و حرصك على مصلحة رواد المنتدى

أنا أقسم بالله إن الموضوع ما فيه أى محاولة تشهير و تقدر تتابع دوة فى تعليقاتى
لأنى لقيت مهندس أكرمنى و آخر أهنى و بهدلنى
يعنى الخير قلت عليه و الشر قلت عليه
و أنا ما قلتش ما حدش يشترى العربية دى عربيات كذا و كذا و لكنى قلت أنا اتبهدلت و اللى زى و مش عايز بهدلة يعرف إزاى يصرف نفسه مش أكتر.

و أنا و ضحت للأستاذ عماد مشاكلى علشان يتلافاها مع العملاء اللى موجودين حاليا

أما أنا ليه ما و ضعتش بياناتى لأنى فعلا متضايق أشد الضيق يعنى أنا و الله دافع شقى عمرى فى العربية حوالى 70,000 جنيه بالترخيص و خلافه , فا حزين بمعنى الكلمة و الله تحويشة 10 سنين و و ورث أمى و مش عايزنى أتضايق.

و أنا شاكر ليك إنك مهتم بإننا ما نتعرضش لمشاكل و لكنى أرجو منك إضافة فقرة 18 فى قوانين المنتدى تحذر من التشهير و كيف يكون التشهير حتى لا يقع أى مشكل لأى عضو أو حتى للمنتدى نفسه و عموما بما أنك كصاحب و رئيس للمنتدى و صديق للأعضاء فأرجوا منك حذف الموضوع برمته طالما أنه سيجلب مشاكل لا داعى لها مع أنى أكرر أنى لم أكن أقصد التشهير و إنما كنت أشكو حزنى و أسفى على تحويشة العمر مش أكتر.

و بالنسبة للأستاذ / عماد حبيب أنا عدم اتصالى بك لأنى متضايق ضيق لن ينتهى من قلبى بسهولة و أكرر مثلما قلت سابقا أن رعايتك للعملاء الحاليين هو ما سيصفى نفسى تجاهكم. و أنت تعلم أن ليس فى نيتى التشهير و إنما أنا أتكلم فى المنتدى كمكان للفضفضة مش أكتر عشان اللى عنده نفس المشاكل يحلها و ياخد باله. لأنى لو كنت بتاع مشاكل كنت رحت حماية المستهلك و دهولت الدنيا بس أنا عايز المصلحة للغلابة اللى زيي راعوهم مش أكتر.

أستاذ/ كريم
أنا صاحب هذا الموضوع و أنا أطلب حذفه لأنى لا أريد الأذى لأحد.

ثق تماما اني مصدقك تمام التصديق
وانا محدش اتصل بيا من اي توكيل زي ما بعض الاعضاء بتتهمني زورا وبهتانا
الحمد لله لم اخشى في الحق لومة لائم طوال 4 سنوات هي عمر المنتدى وقبلها كنت افصح عن رايي بكل صراحة في كل المواقع والمنتديات الاخرى

كل ما هناك اني لا ارضى الاذى لشخص عن طريق المنتدى

اما عن شكواك اعذرني انت صاحب قضية وتحويشة عمرك زي مابتقول وورث والدتك
ليه عايز تسيب حقك؟
من فضلك اتصل باستاذ عماد حبيب وروح مرة واحدة بس ليهم وشوف هايعملو معاك ايه
لانهم مسئولين عن التوكيل وسمعته في مصر
يمكن هما اهتمامهم اكثر بال byd لكن طالما باعو منتج ولو موتسيكل هايكونو مسئولين عنه
مسئوليه كاملة
من فضلك اجري اتصالك بيهم وخد ميعاد وروح وخليك محدد في شكواك عما تعاني منه في السيارة من اعطال او اداء سيئ
ورجاء بلغني عملت ايه
سواء هنا او على الخاص او على الميل اللي في توقيعي
او تليفوني 0101263030


اما عن الصيانات الدورية لو ماستريحتش هناك ممكن ادلك تعمل صياناتك فين هاتشرفني في الحرفيين بدل الميكانيكي الف وبدل المركز 10
ده مش تشكيك في توكيل الامل ولكنها راحة نفسية للعميل


ملحوظة: يا ريت تراسلني على الخاص لتعديل اسم دخولك لانه عامل مشكلة في تنسيق الصفحة العامة للمنتدى

اخر حاجة بخصوص الموضوع وده موجه لكل اعضاء المنتدى:
بشخصى ك كريم منير
وبصفتي كمالك للمنتدى ورئيس مجلس ادارته

هدفي الاول مصلحة الاعضاء والحرص اشد الحرص على اموالهم وسياراتهم
لان التوكيل يستطيع تعويض استثمارته بشكل او باخر
لكن صاحب السيارة هي كل ما يمتلكه
ولن اقف مع توكيل ضد صاحب سيارة مهما كانت المغريات او المقابل
ولن احيد عن هدفي ومبدئى ما حييت ان شاء الله

تحياتي
كريم منير