الى كل من عانى من مشاكل مع زيت فسكو ياريت يتفضل

**LORD.ADeL** · 04-01-2011 02:49 PM

السلام عليكم
طبعا مش هزيد عن اللى اتقال من بشمهندس سمير اللى وحشنا كتير والله
وكان لي شرف انى اتكلمت معه وبجد شخصيه قمه الاحترام والذوق الله يبارلك
فعلا زي ماقل دكتور حازم عن ذهابي للمحطة واكد لي رئيس محطه انه اتسحب لمعالجتها وزيادة قدرة للابقاء عليه لفترة 7000 كيلو بدلا من 5000 مع اضافات اخرة مع استيراد مباشراا من الامارات ووجودة مغلف..؟ وثمنه قفز ليصل ال85 ج بدلا من 79 ج ...؟ وقالي انه من اجود الزيوت والا ماكان جميع سيارات الفيرناا لانوس بيغيروو ع طول مع توصيه توكيلهم بهذذا الزيت ودة كلام السيد مدير محطه ... وقال انه منه زيت سايب ؟؟؟؟ وطبعا اقنعنى وانصرتفت عنه بشياكه وتوكلت ع الله ومشيت؟؟
ذاهبي كان من باب العلم بالشي فقط لان مع كلامي مع دكتور حازم وبشمهندس سمير
قررت انى انزل فيسكوو نهائي واغير فلتر واحط مكانه يا موبيل xhp او شيل الاصفر..؟ والله مستعان ونرجع لقواعدنا كمان كنا بالسابق قبل ما يظهر هذا الفسيكو والله اعلم ....؟

اقتباس
المشاركة الأصلية كتبت بواسطة h_zahra

كويس الكلام ده قوى
بس هو لازم الواحد يغيير فلتر كام لما ينزل الفيسكو
يعنى زيادة الغرامة غرامتين

تمام يابشااا غرامه *2
ولا تعليق وقدر الله وماشاء فعل
وللعلم حضرتك برضو حتى اذا كنت ابقيت ع الزيت فسيكووو دة...؟
حضرتك برضوو كنت هتغير فلتر لان خواص الفيسكو القديم غير الجديد اللى كنت هتجيبه فااا عمليه واحدة
فطبعااا نروح للزيوت الاصليه ومجربه والله اعلم ....
تحياتى

**samirayad** · 04-01-2011 03:30 PM

ياريت تنقلنا تجربتك فى زيت فيسكو 3000 بما انك ماشى بيه فى الوقت الحالى

أكيد حيحصل يا أبو يوسف

نحن يهمنا أولا وأخيرا

مصلحة جميع الأخوه الزملاء ومصلحتنا

وده أأقل واجب علينا

بس مبدئيا ............

أنا شايف آداؤه إلى الآن مش بطال

وأفضل فعلا من فيسكو 2000

كفايه أنه معبأ ومصنع بالأمارات

طبعا الحكم الصح ..........حأجله شويه

على ما أحرق على المكنه شويه فى كذا مشوار سفر

انا حاطت ال 3000 فى عربية الوالد بس هو مشاويرة قليلة جدا جدا بالتالى استخدامة مش مقياس للحكم على الزيت

وبلاشك

فطريقة قيادة السياره والتحريق على المكنه

حتكون مقياس آخر لجودة الزيت

وبالتالى

طريقة أستهلاك ( والدنا الفاضل )

للسياره الانوس 99

مش مقياس حاليا

إلا أذا كنت أنت جربته فى سيارتك

فأنت حدينا تقرير جيد فى الوقت الراهن

لأن أنا عارف طريقة سواقتك

عمرى ما حكون زيك فى السواقه أساسا

لأنك بطبيعتك بتحب التحريق على المكنه

**samirayad** · 04-01-2011 03:32 PM

طبعا مش هزيد عن اللى اتقال من بشمهندس سمير اللى وحشنا كتير والله
وكان لي شرف انى اتكلمت معه وبجد شخصيه قمه الاحترام والذوق الله يبارلك

الله يخليك ( أخونا الفاضل )

وأنا شاكر ليك على أتصالك وكلماتك الرقيقه

**LORD.ADeL** · 04-01-2011 03:47 PM

المشاركة الأصلية كتبت بواسطة samirayad

الله يخليك ( أخونا الفاضل )

وأنا شاكر ليك على أتصالك وكلماتك الرقيقه

الشكر لله يابشمهندس دي حقيقيه بجد

وكنت منتظر رائيك فى كلام البيه مدير المحطه ((:

**samirayad** · 04-01-2011 03:58 PM

وكنت منتظر رائيك فى كلام البيه مدير المحطه ((:

أنا النهارده بالذات كنت بأتكلم مع صديق

يعمل مهندسا بالجمعيه التعاونيه للبترول

وسألته على الأسباب دى

قالى أكيد شركة فيسكو بيستعملوا زيت أساسى مصرى وليس مستورد

وقالى كمان

أن الزيت الأساسى وقت تصنيع الزيوت بالخلط واصله مصرى

بيكون وحش أساسا

وعندهم فى الجمعيه التعاونيه للبترول مبيستخدموش زيت أساسى base oil

أساسه بترول مصرى وقت تصنيع منتجاتهم

وأقسملى بالله العظيم

أنهم بيستوردوا ( كجمعيه تعاونيه للبترول )

الزيت الأساسى لتصنيع زيوتهم من خارج مصر

وقالى على نوع زيت ( بيشكر فيه جدا )

أسمه زيت التعاون SL ( وبعلبه صفراء )

وبأفكر أـجربه

لو مرتحتش مع فيسكو 3000 ( كمان )

لأن الحكم على الزيوت بيكون من خلال التجربه الشخصيه

وفعلا عندى فى الشغل بيستعملوا زيت التعاون SJ ( أقل كمان من SL (

ولى زميل مهندس ( فى قسم الخدمات )

شكرلى أوى فى زيوت التعاون

وقالى بنستخدم الزيت بال 6 آلاف كم

فى عربيات ملاكى ( لزوم الشغل )

طرازات عريقه ( زى التويوتا والأوبل والصنى والبيجو )

وآداؤها لا يقل فى الجوده عن شركة موبيل وشيل

وأرخص بكتير من شيل وموبيل

_____________________

هذا ماتم بالنص فى حواراتى مع زميلى ومهندس شركة التعاون

**AHMEDCAR** · 04-01-2011 04:04 PM

فيسكو 3000 بستخدمه فى الفيرنا من الزيرو و بقالها 50 الف كيلو حاليا الحمد لله مانقصش منى ولا مره مع العلم بغيره على 5000 كيلو متر

و كذلك بحطه فى الاوكتفيا من الزيرور و بقالها 10000 كيلو و مش بينقص خالص و الحمد لله

**MMamdouh** · 04-01-2011 04:13 PM

المشاركة الأصلية كتبت بواسطة samirayad

إلا أذا كنت أنت جربته فى سيارتك

فأنت حدينا تقرير جيد فى الوقت الراهن

لأن أنا عارف طريقة سواقتك

عمرى ما حكون زيك فى السواقه أساسا

لأنك بطبيعتك بتحب التحريق على المكنه

انا سوقت العربية مرة واحدة فى مشوار من التجمع الخامس الى فيصل و العكس و ملقيتش اى من مشاكل رائحة الشياط اللى ذكرها البعض فى زيت فيسكو 2000... و حتى الان و الحمد لله مستوى الزيت ثابت

MMamdouh

**samirayad** · 04-01-2011 04:15 PM

المشاركة الأصلية كتبت بواسطة ahmedcar

فيسكو 3000 بستخدمه فى الفيرنا من الزيرو و بقالها 50 الف كيلو حاليا الحمد لله مانقصش منى ولا مره مع العلم بغيره على 5000 كيلو متر

و كذلك بحطه فى الاوكتفيا من الزيرور و بقالها 10000 كيلو و مش بينقص خالص و الحمد لله

المشاركة الأصلية كتبت بواسطة mmamdouh

انا سوقت العربية مرة واحدة فى مشوار من التجمع الخامس الى فيصل و العكس و ملقيتش اى من مشاكل رائحة الشياط اللى ذكرها البعض فى زيت فيسكو 2000... و حتى الان و الحمد لله مستوى الزيت ثابت

mmamdouh

كل دى مؤشرات طيبه

عن فيسكو 3000

وقلبى ميال إلى جودته عن فيسكو 2000 ( بمراحل )