الموضوع: الى كل من عانى من مشاكل مع زيت فسكو ياريت يتفضل

المشاركة الأصلية كتبت بواسطة Silenty

معلش ياجماعة هو ممكن يكون الموضو ع متكرر

بس للاسف انا مش لاقى رد على الاستفسارات اللى تخص عيوب زيت فسكو فى الموضوع الرسمى بتا ع ((انت تسئل والمهندس محمد التازى يرد ))
معظم الردود اللى فى الموضوع ياما شكر فى الزيت ياما استفسار عن النوع المناسب للعربية
بس تقريبا اهم اسئلة ماحدش مجاوب عليهم زى مثلا :-

1-هو معدل البخر فى زيوت فسكو عالى

2-هو الزيت دة بيتحرق بسرعة اما بتقرص على العربية

3-لية فى بعض المواتير الصوت بيعلى وبيبقى فى صوت تكتكة واضحة مع العلم ان دة مش عيب فنى فى الموتور
اقصد مع افتراض (كفاءة المكنة) وهدوء صوتها قبل التغيير لزيت فيسكو ودة بناء على كذا مشاركة لكذا عضو فى المنتدى قريتها بيستفسروا عن الموضو ع دة وماكانش حد بيرد

4-هو الزيت دة خفيف اوى لدرجة انو بيقع من على مقاس الزيت لية ؟؟؟


5- اهم نقطة ان البشمهندس سمير رياض قال فى مشاركة لية ((لا انصح اى زميل او مالك سيارة باستخدام زيت فسكو 2000 ))وحتى الان لا اجد تفسير للنصيحة دى

وطبعا البشمهندس سمير ما بيقولش كلام من فراغ وانا فى انتظار تفسيرة للنصيحة دى

وارجو من كل عضو جرب زيت فسكو وقابل بعض العيوب دى يدخل ويكتب مشكلتة اية مع الزيت دة عشان بصراحة
انا الموضو عالرسمى بتاع الزيت دة اللى فى المنتدى هو اللى خلانى اغير لية وانصح زمايلى كلهم انهم يغيرو لية ودة من قبل تجربتى للزيت ودة بناء على ثقتى الكبيرة فى المنتدى واعضاءة طبعا

السلام عليكم بناء على تجربة زيت فيسكو من محطة الغاز الى فى شبين الكوم و عليها شعار Bp يعنى مركز خدمة محترم
غيرت فيسكو 2000 هناك مرتين
المرة الأولى عملت 2000 كيلو بيه و غيرته عشان أغير الفلتر بتاع الزيت "نضافة للمكنة مش أكتر"
المرة التانية انا شغال بيها دلوقتى بقاله 3400 كيلو و شوية فكه
الزيت نقص تقريبا ربع كيلو مع وجود الأتى
1-تعريق زيت على الموتور
2 - قرص و حرق كتير شوية
3-فى كام خرطوم زيت عايز يتغير

مع ملاحظة إنى كنت بستعمل موبيل وان 1000 كيلو مع وجود الأسباب رقم 1 و 3 بردوا يعنى مش حاجة جديدة

النقطة التانية
انا شايف إنه من العادى

النقطة التالتة
صوت الموتور مقدرش أفيدك فيه عشان فى أصوات بتطلع من طرمبة الباور أو الدينامو أو كمبرسور التكيف بتغطى على أى صوت

النقطة الرابعة
هو الزيت خفيف بس مش للدرجة إنه يقع من على المقياس
كدا عندك حاجة غلط فى الزيت نفسه الى أنت حاطه

النقطة الخامسة
العمال فى المحطة نصحونى بال 3000 و قالوا إنه أحسن من ال2000 بس انا الصراحة إستحرمت أجيب زيت و يقعد عندى فى العربية 6 شهور من غير ما يكمل الكيلوات بتاعته
انا مغير الزيت مش فاكر من إمتى بس كان فى أواخر الصيف يا فى رمضان يا بعد العيد على طول

و يوم الخميس الى فات كنت بغير لخالى زيت العربية
و غيره ب فيسكو 2000 و كان لونه أحمر يوميها و كان وارد الإمارات و كان مغلف ببلاستك
و دى تجربتى مع الزيت

طيب بصوا على الصور كدا يا شباب
ده مقياس الزيت الصبح و الموتور بارد تمام .... آخر مرة كان شغال من 12 ساعة فاتوا

و دي صورة تانية بعد ما مسحت المقياس بقماشة و قست تاني



و ده شكل الزيت على القماشة بعد ما مسحتة

أنا شايف ان اللزوجة كويسة جدا و اللون معقول جدا

ده زيت فيسكو 2000 المصري اللي مش عاجب الناس مع ان شل برضه مصري و موبيل وان مصري !!

حاجة غريبة قوي الشجب و الشتمة في الصناعة المصرية بدون تجربة فعلية أو معرفة الأسباب الحقيقة لو حد ظهر عنده مشكلة و انا مش بادافع عن زيت فيسكو و لا ضد حد أنه يقول رأيه و لا ضد راي حد

بس بلاش لو الزيت لع وحش نقول علشان مصري !!!
ما يا ما حاجات بتطلع فيها مشاكل مستوردة و مش بنجيب سيرة بلد الصنع بحاجة و نقعد نعيب فيالمنتج بس !!

نرجع للموضوع
العربية جين 2
مدة وجود الزيت في الموتور 8000 كم دلوقتي و في اللحظة دي .
ظروف سواقتي (هادية 99 % من الوقت ) يعني نادرا لما معدل لفات الموتور يعلى عن 3000 لفة - دقيقة و في أغلب الاوقات عدد اللفات ما بين 2000 إلى 2500 لفة - دقيقة .

المشاركة الأصلية كتبت بواسطة khaled_sabry

فيسكو ال 2000 اللى نعرفه بيبقى جرككن لونه اخضر و الزيت نفسه لونه اخضر مصفر و بيبقى معباء فى مصر

صح يا أستاذ خالد و أدي الجركن

المشاركة الأصلية كتبت بواسطة khaled_sabry

فيسكو ال 2000 اللى نعرفه بيبقى جرككن لونه اخضر و الزيت نفسه لونه اخضر مصفر و بيبقى معباء فى مصر

انا عارف و شاريه مرتين و شايفه كذا مرة قبل كدا بس المرة دى الجيركن هو هو بس الزيت لونه أحمر لما سألت قاللولى دا نازل جديد معبأ فى الإمارات
بس الصراحة المصرى عامل معايا أحلى شغل الحمد لله و مستغرب من الكلام الى بيتقال عليه

متابع باهتمام