الى كل من عانى من مشاكل مع زيت فسكو ياريت يتفضل

**mahmoudbadr** · 27-12-2010 10:32 PM

المشاركة الأصلية كتبت بواسطة khaled_sabry

انا حطيت فيسكو 200 و لاحظت التبخير بتاعه عالى ... لكنى صوت المكنه هدى و

و كمان رفعوا سعره من 72 إلى 79

**Silenty** · 27-12-2010 10:45 PM

المشاركة الأصلية كتبت بواسطة 3ateef

مش فكرة تشكيك,,,بس انا شايف ان فيسكو اتعملوا بروباجندا جامدة فى المنتدى هنا وكتير جربوه والمعظم قال كويس,,,ومن وجهة نظرى على مفيش....الميزة الوحيدة فيه هى رخص تمنه..

ولله الحمد زى الفل,,,نسبة بخر قليلة جدا,,,والصوت اهدى ولله الحمد..
جرب تجيبوا من اى بنزينة امارات مصر لما تنزل القاهرة..
:)

انا متفق مع حضرتك يا استاذ عاطف انو اتعملو بروبجاندا جامدة جدا هنا فى المنتدى ودة اكيد اهم سبب اللى خلى بعض الاعضاء او معظمهم يجربوة وانا منهم
وعشان اوضح نقطة بس انا مش ضد الزيت دة نفسة بس انا ضد البروباجاندا اللى اتعملتلو دى اللى وصلتلى فكرة ان فيسكو دة رقم 1 فى مصر وانى حبقى ساذج جدا لو مغيرتلوش
اما الاقى زيت بيقد 5000 كيلو وكفأتة عالية جدا فى التبريد وفى هدوء صوت الموتور وفى نعومة السحب وصناعة انجليزى وكل دة وب65 جنية بس ابقى ساذج فعلا لو ماجبتوش

**muslim_nsb** · 27-12-2010 10:45 PM

الحمد لله من يومين كنت ناوي اغير زيت الماتور واحط فيسكو زي ما قرأت عنه في المنتدى وتجربته مع الاعضاء .
لاكن الحمد لله لقيته مش موجود عند الراجل بتاع الزيت فكبرت دماغي وقلت الاسبوع القادم احط زيت شيل الاصفر 5000 كيلوا ب 105 جنيه وافضل زي ما انا احسن
وبعدين هو مريح المكنه معايا والحمد لله

**Silenty** · 27-12-2010 10:53 PM

المشاركة الأصلية كتبت بواسطة 3ateef

انا مجربتش شيل..
وجربت فيسكو 3000
وامارات مصر التخليقى اللى بيقعد 5000

كل اللى استخدموا شيل ارتاحوا معاه.,وانا مرتاح مع امارات مصر :)

جرب وعيش حياتك يا ريس..
:)

بعنى حضرتك جربت فيسكو 3000 ولاقيت فى نفس العيوب دى ؟؟!!
عشان انا كنت بفكر اغير ل فيسكو 3000 اعتقادا منى ان العيوب دى موجودة فى(( فيسكو 2000 بس))
بما انو ارخصهم والوحيد اللى معبأ فى مصر

المشاركة الأصلية كتبت بواسطة 3ateef

احمدك يا رب ان زيت فيسكو طلع من صنع بشر ومش كل اللى بيتقال فيه مدح مدح مدح...

+11111111111

**3ateef** · 27-12-2010 11:43 PM

المشاركة الأصلية كتبت بواسطة Silenty

بعنى حضرتك جربت فيسكو 3000 ولاقيت فى نفس العيوب دى ؟؟!!
عشان انا كنت بفكر اغير ل فيسكو 3000 اعتقادا منى ان العيوب دى موجودة فى(( فيسكو 2000 بس))
بما انو ارخصهم والوحيد اللى معبأ فى مصر

بص يا باشا انا كنت حاطط امارات مصر وكانت الحياة زى الفل,,

وبعد كده حطيت فيسكو 3000 بناء على تجارب الاعضاء العظيمة والمبشرة وبدأ الصوت المستفز ده يظهر,,,

قلت يمكن المكنة بتستعبط ولا حاجة,...

بس لما ربنا شاء ان وانا بجدد الترخيص مقياس الزيت ميتحطش مكانه والمكنه تطلع بتاع (لتر) زيت بره,,

ساعتها غيرت وحطيت موبيل XHP لأنى كنت بره القاهرة وكان الزيت فى المكنه بقاله 3000 كيلو :( ,, ويومها الصوت اختفى.,,,

وبعد كده حطيت امارات مصر اللى بيقعد 5000 والحمد لله لغاية دلوقتى مفيش ولا صوت ولا اى حاجة....

وبصراحة ده اللى اكدلى ان الزيت هو سبب التكتكه اللى كانت بتحصل....

وبس يا باشا,,,

جايز فيسكو بيحب عربيات وعربيات لأ...

كل شئ وارد...

**masrtamin** · 28-12-2010 12:49 AM

هو امارات مصر اللى بيعد 5000
سعره كام؟؟؟

**Haitham10** · 28-12-2010 04:54 AM

انا بس مستغرب لما كنت بستعمل فيسكو معرفتش ولا مرة اقيس الزيت صح

دايما غريب خصوصا الصبح تنزل تحس ان العربيه فيها لترين او لتر

بأمانة اول ما جربته لاول كام يوم كان كويس فعلا

**mrwho1982** · 28-12-2010 07:09 AM

طيب انا لسه امبارح حاطط فيسكو 3000

عربيتي ويرا 99 انجكشن وجبت الجركن ب 115

هجرب واتابع

**tutankhamoun** · 28-12-2010 07:35 AM

أنا أستخدمت زيت فيسكو كالآتي
3000 ..... في الجين 2 صندوق سرعات يدوي (كان ممتاز و لم الاحظ أي بخر أو ريحة شياط نتيجة حرق الزيت ) و كنت بسيبه 10 الاف كم .

2000 ..... في الجين 2 ... صندوق سرعات أوتوماتيك .......
لسة حالا نازل قايس الزيت
لزوجة ممتازة ............. مفيش أي تبخير .......... عمره 7000 كم لغاية دلوقتي
ملحوظة
سواقتي هادية قوي ......... يعني أغلب الوقت عداد سرعة الموتور دائما مابين 2000 إلى 3000
نادرا لما بعمل ضغطة تعجيل (كيك داوون )
مرة واحدة عملت ضغطة التعجيل و شمت ريحة حرق زيت ......... كانت مرة واحدة ووحيدة من المرات اللي عملت فيها عملية التعجيل
يمكن أنا مش بعمل تعجيل كتير
ممكن أعد عدد مرات التعجيل في أخر 7000 كم أنهم ما يزيدوش عن 20 مرة أو بالكتير 25 مرة .

و المرة اللي شمت فيها الشياط كان الجو حر قوي و كنت بعدي مقطورتين ورا بعض و كنت عايز أعملها بسرعة علشان كنت في المعاكس على طريق شرم الشيخ .

إنما زي ما قلت ..... هو كويس
أعتقد بس أنه مش بيعيش زي ما بتوع البنزينة بيقولوا
يعني عمره زي أي زيت تاني و الله اعلم

بس زي ما قلت الموضوع بيرجع لطريقة السواقة برضه

**tutankhamoun** · 28-12-2010 07:36 AM

حاجة كمان
أنا حاسس أنه لازم يتغير دلوقتي
السحب أقل بقاله يومين .............. (درجة الأستجابة و النعومة الخاصة بالموتور )

الموضوع: الى كل من عانى من مشاكل مع زيت فسكو ياريت يتفضل

LinkBack

أدوات الموضوع

عرض

-

-

-

-

-

المواضيع المتشابهه

كولت 2007 ياريت الكل يتفضل يساعدني

ياريت الكل يتفضل بخصوص فيرنا 2011

زيت فسكو كان هايبوظ العريبة

مشاكل و ياريت نقدر نحدد مع بعض

رجاء خاص الى عندة معلومات عن البورا ياريت يتفضل وشاكر جدا له

الكلمات الدلالية لهذا الموضوع

المفضلات

المفضلات

ضوابط المشاركة