الى كل من عانى من مشاكل مع زيت فسكو ياريت يتفضل

**P_R_I_N_C_E** · 30-12-2010 01:26 AM

بس انا ملاحظ عندى صوت تكتكة فعلا بقالى شوية
انا حطيت زيت فيسكو 5000 فى صيانة ال10000 ودلوقتى ماشى بيه حوالى 8 آلاف
فهل الصوت دا من الزيت
ولو طلع من الزيت انهى احسن زيت يتحمل الجرى والحرق ل10 آلاف كيلو من غير ريحة ولا ينقص

**msafa** · 30-12-2010 02:32 AM

المشاركة الأصلية كتبت بواسطة MMamdouh

مقارنة بموبيل 1... لا خالص

موبيل 1 بعد 5000 كيلو كان بينقص حوالى لتر على سواقتى... فيسكو 5000 نقص حوالى ربع ليتر بعد 7000 كيلو

لا... بس عادتا القرص بيسرع عملية حرق الزيت ايا كان نوع الزيت

مش عارف... دة محصلش معايا

مش لدرجة انة يقع زى الميه بس الطبيعى ان الزيت الكويس ميبقاش لزج زيادة عن اللزوم لو الموتور بارد

no comment

MMamdouh

انا معنديش تعليق، بس حبيت اشكرك للايضاح

**msafa** · 30-12-2010 02:35 AM

معلش انا عندي تعليق صغير على موضوع ان الزيت خفيف
الزبت ال 5000 لزوجته 5/40 يعني لو العربية باردة هتلاقيه خفيييييف جدا - 5 - و ده ميزة علشان لما تدور العربية الزيت ينتشر بسرعة في العربية - بعد الوصول لدرجة الحرارة المثالية اللزوجة بتزيد و تبقى 40

بس خلاص :)

**pro_samir** · 30-12-2010 05:11 AM

كنت كتبت الكلام ده في موضوع زيوت فيسكو "م محمد التازي" ، لكن هقول تاني اللي حصل معايا بس بالتفصيل أكتر وهو زي اللي حصل مع ناس كتير:

1) حطيت فيسكو 2000 ، بعد فتره مش فاكر الحقيقه كان عمل كام كم لكن تقريبا 1500 أو حاجه كده الزيت نقص 2 مم علي المقاس وزودته شويه .. لحد ما نزلته منقصش تاني

2) قبل 4000 كم بشويه ابتدي يظهر ريحة شياط اكتر من مره ، والريحه دي مكانتش من الحرق أصلا زي ما حصل مع استاذ توت لأنها ظهرت مع والدي أكتر من مره وهو واخد العربيه يعمل فيها شغل وهو أصلا بينقل بدري مبيحرقش بعربيتي نهائيا بالعكس انا بسوق هادي لو هو معايا وبرضو شايف اني بحرق علي الغيارات

3) عند وصول 4000 كم صوت التاكيهات (التنقير) بقي عالي زي متكون التاكيهات مفتوحه بزياده وصوت الموتور عموما بقي خشن

4) غيرت الزيت وحطيت برضو فيسكو 2000 ، صوت التاكيهات اتظبط ورجع زي الأول ، وصوت الموتور اتحسن لكن ما زلت حاسس انه لسه خشن شويه و ريحة الشياط مظهرتش حتي الأن بعد 400 كم علي الزيت الجديد

- مع العلم اني اصلا حطيت فيسكو 2000 بترشيح من مهندس محمد التازي بعد ما قلتله ان الموتور تويوتا 91 وقالي انه يتغير علي 10000 كم ! ، وكذلك العامل اللي غيره كان شايف ان الزيت لسه كويس وكده بدري عليه !

- من الملاحظ دلوقتي ان ريحة حرق الزيت ظهرت مع استاذ توت مع الكيك داون و صوت التنقير ظهر مع استاذ prince ، والعربيتين gen2 يعني عربيات جديده !

والخوف ان الناس اللي مش حاسين بحاجه سلبيه ظاهره يكون بيحصل عندهم ضرر علي المدي الطويل لو الزيت فعلا مش كويس

**MMamdouh** · 30-12-2010 10:35 AM

المشاركة الأصلية كتبت بواسطة msafa

معلش انا عندي تعليق صغير على موضوع ان الزيت خفيف
الزبت ال 5000 لزوجته 5/40 يعني لو العربية باردة هتلاقيه خفيييييف جدا - 5 - و ده ميزة علشان لما تدور العربية الزيت ينتشر بسرعة في العربية - بعد الوصول لدرجة الحرارة المثالية اللزوجة بتزيد و تبقى 40

بس خلاص :)

+1

الناس فاكرة ان الزيت الكويس هو اللى يبقى قافش فى مقاس الزيت اكننة ملزوق بغرا و العربية باردة... للعلم 60% من تاكل اجزاء المحرك الداخلية بتحصل اثناء ادارة المحرك فى جو بارد

دة بيحصل عشان الزيت بيبقى كلة فى الكارتيرة و لزوجتة لسه عالية و موصلش لكل اجزاء الموتور... و هنا تظهر ميزة ان الزيت يبقى خفيف و هو بارد عشان طلمبة الزيت تقدر تضخة بسهولة خلال دورة التزييت و يقلل من موضوع الاحتكاك دة و انت بتدور العربية و دى نلاحظها فى الزيوت التخليقية اللى بيبقى دايما رقم اللزوجة الاول رقم صغير... من صفر الى 5 فى الغالب

MMamdouh

**MMamdouh** · 30-12-2010 10:39 AM

المشاركة الأصلية كتبت بواسطة khaled_sabry

بصو من اجمالى المشاركات
الكل بيعيب فى فيسكو 2000 ... و اللى بيشكر فى الزيت ده بيبقى بيتكلم على فيسكو 3000 او 5000
وبالتالى هل فيسكو 2000 (اللى متعبى فى مصر ) هو اللى فيه العيوب و الباقى فل ؟؟ ولا كل زيوت فيسكو اى كلام

ممكن.... التحيل منطقى بس مقدرش ااكد الكلام

انا جربت ال 5000 و ماشى علية من 4 سنوات بدون اى مشاكل... لا نقص فى المستوى ولا اصوات ولا ريحة

ال3000 اول مرة اجربة فى عربية الوالد لانى كنت بستعمل ال 5000 و هو بيمشى بالعربية قليل اوى فا كان الزيت بيفضل فى العربية مدة كبيرة جدا و العربية عاملة كيلومتر قليل (اخر مرة الزيت فضل فى العربية سنتين و العربية مشيت 6000 كيلو فقط على الزيت) فا اخر مرة غيرت من 5000 الى 3000 عشان التكلفة.... اخر مرة اخدت العربية و سوقتها بمعرفتى (حرق و جرى) لم تظهر مشاكل الصوت او الريحة و مستوى الزيت لم يتغير حتى الان

ال2000 مجربتوش فا مقدرش احكم علية... مجرد انة بيتعبى فى مصر حاجة مش لطيفة اصلا

MMamdouh

**maka** · 31-12-2010 11:57 PM

المشاركة الأصلية كتبت بواسطة khaled_sabry

انا دلوقتى حاطط شيل الاحمر (3000 كيلو )
بس للامانه انا ماكنشى بشم ريحة الزيت و هو محروق ..... بس مثلا مشوار مصر الاسكنددريه رايح لاقيت الزيت نقص 4 مم على المقياس . زوته
و انا راجع لاقيته نقص 4 ميلى تانين - يعنى وصل للنص بعد 400 كيلو سفر على سرعه عاليه

وكنت بشوف الزيت مغرق غطاء التاكيهات بكثافه فكان واضح ان الزيت علشان خفيف بيتنطر بالكثافه دى و بيتبخر بالغباء ده
لكن ماكنشى بينقص وانا فى البلد

يا باشا الغلطة مش غلطة زيت بينما هى غلطة اختيار لان شل الاحمر بيناظره فيسكو موتور اويل وليس فيسكو 2000

شل الاحمر ---- فيسكو موتور اويل

شل الاصفر --- فيسكو 2000

شل الازرق -- فيسكو 3000

شل الترا --- فيسكو 5000

-

-

الموضوع: الى كل من عانى من مشاكل مع زيت فسكو ياريت يتفضل

LinkBack

أدوات الموضوع

عرض

-

-

-

-

-

-

-

المواضيع المتشابهه

كولت 2007 ياريت الكل يتفضل يساعدني

ياريت الكل يتفضل بخصوص فيرنا 2011

زيت فسكو كان هايبوظ العريبة

مشاكل و ياريت نقدر نحدد مع بعض

رجاء خاص الى عندة معلومات عن البورا ياريت يتفضل وشاكر جدا له

الكلمات الدلالية لهذا الموضوع

المفضلات

المفضلات

ضوابط المشاركة