الموضوع: زياره منصور و تغيير قاعده الموتور

المشاركة الأصلية كتبت بواسطة khaled ayman

والله يا باشا انا شخصيا مش مقتنع ان العربيه دى المانى ...كان معانا استرا برازيلى تقفل مصرى ..اجدع من دى مليون مره ...بس النصيب بقى

مش للدرجة...
انا بحس انهم عاملين عربية مخصوص لمصر يجربوها علينا...
يعني لو شوفت منتديات برة هتلاقي العربية عاجباهم جدا..
الاختلاف في الموتور (طبعا المعظم بيفضل الديزل 150 حصان 1.9 او البنزين 2.0 تربو 175 حصان) والفتيس ياما اوتو تيبترونيك او مانيوال 6 سرعات,,,
بس المازدا عاجباني اكتر من الفيكترا...

شوف ياخالد لو قاعدة الاشارة الشمال ترك عاليمين يبقى اجيبلك بتاعتي لما اشتري الفانوس الجديد...

شوف انت الى بايظ و صلحه و ممكن تزنق اللمبة بسلك أو حاجة المهم تنور

كوبرى على الجزء البايظ
عيش حيياتك مش هو كدا كدا بايظ عيش بقى

المشاركة الأصلية كتبت بواسطة bedo13

شوف ياخالد لو قاعدة الاشارة الشمال ترك عاليمين يبقى اجيبلك بتاعتي لما اشتري الفانوس الجديد...

لا يا عبد الرحمن ..
اصل الموضوع فيه 3 اجزاء
1-الاشاره ودى سليمه
2-الدوى الى الاشاره بتركب فيه وده بردو سليم
3-الجزء الى فى جسم الفانوس وده لا بيتفك ولا بيركب ..ده الى بايظ ...
انا بس لما اخلص امتحانات هشوفلها حل ..اصل مستحيل اجيب فانوس يعنى ده يبقى هبل ومستعد امشى من غيرها مفيش مشكله ...
ومتشكر يا عبده على العرض الرائع ..مبروك كسبت كاسيت وشاشه جرافيك انا روحت شوفتهم على فكره ..لقيتهم راكبين فى النص ..ومرمى فى الشمس ..ولونه ضااااايع هيبقى لونه مختلف اوى لما يركب فى التابلوه ..بس هو عنده واحد كمان قالى مش متبهدل ..هبقى اعدى عليه تانى لانه كان فى المخزن

المشاركة الأصلية كتبت بواسطة lancerevolution

شوف انت الى بايظ و صلحه و ممكن تزنق اللمبة بسلك أو حاجة المهم تنور

كوبرى على الجزء البايظ
عيش حيياتك مش هو كدا كدا بايظ عيش بقى

ازيك يا حسين بيه ؟؟
الامتحانات تخلص بس و هتعامل ...ولو باظ يبقى قضاء و قدر ههههه

المشاركة الأصلية كتبت بواسطة أبو صلاح

2000ج بس
تحت أمرك ياباشا

هاتلي عربيتك حطها عندي رهن واعملي توكيل
وخد ال 2000ج

طيب ياباشا بجد ليه ما تحاول تفكك من العربية دي
يعني تبيعها

احسب متوسط مصاريفك المتوقعة وشوف خسارتك ايه لو بيعت حاليا عن سعر ما اشتريت
وقرر

ده مجرد رأي بس

هههههههههه لا خليهم 3000 و انا اعمل الى انت قلت عليه ..
شوف يا باشا موضوع المصاريف انا بحاول بقدر الامكان اسيطر عليه ..ومش بعمل غير الضرورى ..انما انا عندى كذا حاجه فى العربيه و انا عامل مش واخد بالى ...طبعا انا مش مبسوط و انا بدفع المصاريف دى ...
بس هى مبدئيا من غير حسبه ..بيع العربيه شبه مستحيل ...على الاقل حاليا ...
لان مفروض اجيب عربيه بدل الى الاوكتافيا الى عامله حادثه ...او ادفع تمن تصليح الاوكتافيا ...وطبعا لا دى ولا دى مبلغ قليل ...اذن فهو مش وقت مناسب لبيع الفيكترا و شراء عربيه غيرها ...
بالنسبه للحسبه ...الفتره الى جايه مصاريف العربيه هتقل جامد ...لانى مش هوديها التوكيل تانى (انا وديتها المره دى عشان كان اصلا بينى و بينهم مشاكل وبعتت للشركه الام ..فكان لازم العربيه تروح ..)
تانى حاجه هتقلل مصاريف العربيه ان المشاكل الى فيها "تم حصرها" و التأقلم عليها ...وانا مش هصرف عليها غير فى الحاجه الى "هتعطلها" فقط ..طبعا ناس كتير هتستغرب ازاى دى فيكترا ؟؟ وازاى المانى ؟؟ وازاى انا اعمل كده حرام لازم تحافظ عليها ..بس الى متابع معايا ...هيعرف انا بعمل كده ليه
برده خساره العربيه عن ما اشتريت ...لو فرضا العربيه جابتلى 120 الف دلوقت يبقى انا خسرت 95 الف جنيه فى سنه و نص ...مستعد اخسرهم ..بس حد يشوفلى صفقه مخدرات اعوضهم بيها
انا فكرت كتير جدا فى بيع العربيه ...وطبعا والدى فكر كتير جدا جدا جدا ...بس للاسف مينفعش

المشاركة الأصلية كتبت بواسطة ahmedbahgat

يعني إيه يا جماعه ليه كده ؟

ده العربيات الكورى من أول أصغر فئة فيها مفهاش المشاكل دي !!!!

أنا مش فاهم بعيدا عن فرق الأداء ليه العربيات الأوبل مليانة مشاكب كده وكلها مشتركه !!!!

شركة أوبل فاشلة ؟؟ مش عارفه تعمل عربية (من حيث الإعتمادية وقلة المشاكل) تضاهي حتي العربيات الكوري ؟؟!!! مش الياباني والألماني

مش هتكلم في أسعار قطع غيار أو تعقيد في الصيانة لأن ده طبيعي لكن لييه المشاكل المتكررة دي !!!

ع كدا يبقى حضرتك مش عارف منصور وعربياته
الكلام دا والمشاكل دى كلها من وراه منصور
اوبل نفسها عامله ضمان مدي الحياه ع عربياتها
يعني بتتحدى العالم كله ف اي مشكله ما بتحصل ف عربياتها؟؟
وبالفعل حصل الكلام دا

المشاركة الأصلية كتبت بواسطة AhmedBahgat

يعني إيه يا جماعه ليه كده ؟

ده العربيات الكورى من أول أصغر فئة فيها مفهاش المشاكل دي !!!!

أنا مش فاهم بعيدا عن فرق الأداء ليه العربيات الأوبل مليانة مشاكب كده وكلها مشتركه !!!!

شركة أوبل فاشلة ؟؟ مش عارفه تعمل عربية (من حيث الإعتمادية وقلة المشاكل) تضاهي حتي العربيات الكوري ؟؟!!! مش الياباني والألماني

مش هتكلم في أسعار قطع غيار أو تعقيد في الصيانة لأن ده طبيعي لكن لييه المشاكل المتكررة دي !!!

بص يا باشا ...
والدى ركب كل موديلات الفيكترا ..من على الزيرو ..يعنى لسه بشوكها ...
لما ركب الفيكترا دى ..قالى بص يبنى ..دى "اقذر" موديل فيكترا نزل...
والدى بيسوق من 30 سنه ..
وقالى الموضوع من اول الفتيس ..لحد الباور ...والثبات ..والعفشه ...والتعقيد و قطع الغيار و المشاكل ...والدى عمره ما عمل حاجه فى العربيه غير الصيانه (طبعا انا قصدى على العربيات الى قبلها مش دى)
فلو هنتكلم على فشل ...نقول الفيكترا سى فاشله ...على الاقل فى المبيعات..ولو انى انا اول ما جبتها كنت مصدووووووم من الرفاهيه و الفخامه و الجمال ..بس زى ما بيقولو ده للوهله الاولى ...بعد كده بدات كل حاجه تظهر ...قلت حاله فرديه ...بس لا ..انا روحت التوكيل كذا مره ..وانا من النوع الرخم الى بروح اسأل اى واحد معاه فيكترا عن رايه فى العربيه و اساله على المشاكل ...المشاكل شبه مشتركه ...