الموضوع: زياره منصور و تغيير قاعده الموتور

بقالى كتير اوى مش بعمل مواضيع فين ايام الاسترا كنت كل نص ساعه اعمل موضوع هههههههه
عاملين ايه يا رجاله ؟؟
العروسه عندى كان فيها قاعده موتور خلفيه جلدتها مقطوعه ....اكتشفناها فى صيانه ال 55 الف ..وطبعا مكانتش موجوده و قالولى خليها الصيانه الجايه ...
المهم لما جابوها اتصل بيا م\مصطفى الطودى مسؤول الضمان بفرع العامريه ...وتكرم و حجزلهالى لحد ما اروح اركبها ...والكلام ده كان من اسبوعين ...
المهم العربيه دلوقت ماشيه 68 الف كم ...ميعاد الصيانه جه ...وطبعا عاوز اغير قاعده الموتور ....
نبدا الموضوع ...

نزلت الصبح الساعه سبعه و نص ...مش شايف حاجه وانا طالع من الجراج ...شبوره فظييييييييعه
المهم قعدت الف فى البلد شويه لحد ما الشبوره خفت ...انطلقت الساعه 8 و ربع او 8 و نص كده ...
الساعه 10 كنت فى منصور الطريق كان جامد ....
كلمت المهندس مصطفى ...(لانه قايلى متسلمش العربيه لحد ..هنزل استلمها بنفسى)...قالى انه فى اجتماع مع لجنه من جينيرال موتورز ...وهيظبتنى و الناس هناك هتعمل الواجب ...
المهم وصلت ركنت العربيه و دخلت لبتاع قطع الغيار ...
انا :لو سمحت عاوز قاعده موتور خلفيه فيكترا سى ..
هو: موجوده بس محجوزه
انا: طيب والحل ؟
هو:نده على مدير قطع الغيار قاله الراجل عاوز قاعده الموتور المحجوزه
المدير: لا يا علاء ...دى يا عم للراجل الى كان باعت شكوى للشركه فى المانيا(انا) ...والمهندس مصطفى الطودى حاجزها بنفسه ...مش هينفع تطلع ...
انا: طيب هو الى بعت شكوى للشركه احسن منى ؟؟؟
هو: معلش يا فندم بس دى محجوزه
انا:طيب يا عم انا الى بعتت الشكوى ههههههههه
هو: هو انننننننننننت ؟؟؟؟؟؟؟؟؟؟؟ ههههههههه
المدير: خلاص يا علاء هو انت لازم تبين ادامه ان الدنيا اتقلبت(بيهزر)
هههههههههههههههه خلصت على كده و جه المهندس مؤيد(بتوصيه من مسؤول الضمان المهندس مصطفى)
استلم العربيه ...
عشان مطولش عليكو ...
تغيير تيل امامى ...وزيت 10 الاف ..وفلتر زيت ...وقاعده موتور ...
وتربيط عفشه و غسيل للعربيه ...
2165 جنيه (يا بلاش)
الى قافلنى بقققققققققققى ايييييييييييييييه
لمبه الاشاره فى الفانوس الامامى مش شغاله ...والشاشه طبعا مطلعه ايرور ان الاشاره مش شغاله ...
المهم انا كنت فاكرها لمبه محروقه عادى يعنى ...
فى التوكيل خليتهم يفكو اللمبه (لازم الفانوس يتفك و عشان الفانوس يتفك نص الاكصدام بيتفك ..الخواجه الالمانى كان مخدر وهو بيصمم الحوار ده)
المهم اللمبه سليمه ...المشكله فى الفانوس نفسه ...فى جزء فى الفانوس حوالين الاشاره ..."سنتين كده معدن " القاعده بتاع الاشاره بتلمس فيهم عشان تشتغل ...للاسف ..سايحين !! ليه وازاى و امتى و فين و منين معرفش
الكهربائى قالى لازم فانوس (7000 جنيه) يبشسيطبنسطقب34-5 ده ملخص الى قلتهولو بالادب يعنى
المهندس مؤيد خدنى على جنب قالى ...يا تروح لكهربائى بيفهم بدل الى جوا ..ده يعملهالك ..يا تجيب فانوس استيراد لو والعه معاك ...
قلتله ولو عربيتك هتعمل فيها ايه ؟؟
قالى همشى من غير اشاره طبعا ههههههههههههههه
المهم يا رجاله
انا عاوز اشغل الاشاره
اعمل اييييييييييييييييييييييه ؟؟؟؟؟؟؟؟؟؟؟