الموضوع: ما هى مميزات و عيوب كورولا 2010 اتوماتيك الجنوب أفريقى

المشاركة الأصلية كتبت بواسطة ahmedsadek82

يا باشا لا تار ولا حاجة و اهلا بيك ,, و معنديش تار مع اي عربية , بس كل الحكاية اني بقول ان الكورولا مش كويسة من ناحية الثبات وبس ,, و ده عن تجربة شخصية و لأصدقاء لي حصل لنا حوادث متشابهة بسبب موضوع الثبات ده,, فطبعا لما الاقي ناس بتقولك 200 على اوتوبان و كده لازم افتكر لما عومت بيا الكورولا على 130 و لفت حولين نفسها بس الحمد لله ربنا ستر(2008 خليجي) ,, لكن انا مش قاهد بعيب في السياررة وخلاص انا كل كلامي في نقطة واحدة و طبعا باين من الناحية الميكانيكية موضوع التورشن بيم, و بعدين انا نصحت بعربيات ياباني في نفس الرينج و احلى اداء و شكل لا قلت الماني ولا بتاع ...كل الحكاية ان لما ادفع 150000 ج و ده مش مبلغ قليل ,,,لازم تكون سيارة مميزة ,,,,,و بعدين عشان اثبتلك كلامي و ان الموضوع اني بكرها عشان الحادثة : قارن من ناحية الاداء بينها و بين الاختيارات التانية اللي قلتها ...حتلاقي اني واقعي جدا .....و بعدين انت لو شايف ان الفرق بسيط و مش مهم خلاص هات اللي يريحك ,,لأن اهم حاجة في العربية انك تكون حاببها ... لو تحب اقولك انواع العفشات للعربيات التانية اللي بتخليها اثبت من الكورولا ممكن. . انا مهندس ميكانيكا فبفكر بطريقة مختلفة شوية يمكن ,,,, اعمل استخارة و شوف :e_braces[1]:

عايزك يا زعيم تقولى فعلاً ايه انواع العفشات اللى فى العربيات التانية اللى بتخليها أثبت من الكورولا
و عايزك لو عندك فكرة عن مشكلة البطاح اللى فى السيفيك تقولى عليها .. و ايه هو البطاح ده أصلاً
و عايزك تقولى نوع غفشة الفلوانس , و هل عفشتها خدمة شاقة و اللا لا .. و عفشة الشارك
معلش انا بتقل عليك .. بس لو سمحت اكتبلى بالعربى علشان انا مش اد كدة فى الإنجليش
و شاكر جداً ليك

المشاركة الأصلية كتبت بواسطة unendlich

بصراحة أنا كمان ملاحظ الموضوع ده قوي, و في واحد كمان برده مش فاكر اسمه بس برده متضايق قوي من الكورولا
أنا نزلت بعربية اخويا انهارده و هو اخد الهوندا قلت أهو اراجع نفسي و ما شاء الله مازلت عند رأيي, العربية ممتازة
ده أول لما شافني قالي هات المفتاح وانا كنت لسة هقوله طب اخدها بكرة كمان :pointiy2[2]:
ماحدش يفهمني غلط أنا بعشق هوندتي بس الكورولا سحبها غريب والفتيس متعة في الشد , أنا لو كنت لقيت الهوندا مانيوال كنت جبتها من غير تفكير و بلا اوتوماتيك بلا بتاع



تخيل بقى سحبها يبقى عامل إزّي بالموتور الجديد ...
و برده شوف السكودا بكام والكورولا بكام
و أرجع و اقول السكودا دي الألمان نفسهم اللي هي المفروض تبعهم مش راكبينها, زي ما الفرنساويين ميعرفوش يعني إيه فلوإنس كده.

و فيه نقطة اخيرة, بالنسبة إن الكورولا هي أفضل السيارات مبيعا على وجه الكرة الأرضية, هل كل اللي شارينها دول مبيفهموش و بهايم !!!!!

اسمحلى برضه انا مستغرب انك حابب الكورولا عن الهوندا .. تقريباً ده نادر جداً

المشاركة الأصلية كتبت بواسطة hondaman

بص يا صاحبى انا معيا التويوتا 2008 mmt عاملة 35000 كيلو قبليها كان معيا a5 2008 بردو مرة لما كان معايا الاسكودا رايح المعادى على الدائرى قبل ما عمو اوبما يجى يعنى لما كان الطريق مكسر فى الملفات حسيت انى بعدى العربيات كلها ببص على العداد لقيت نفسى ماشى 170 بس ولا حسيت خالص انى ماشى بالسرعة دى وفى الملفات ثابتة جدا ... بالتويوتا العربية جميلة جدا بس بعد ال 160 انا قلقت منها قوى بس غير كدة جميلة فى الملفات بتاعت طريق السويس تاخد الملف 110 كيلو متخافش وتحش العربية ثابتة بعد كدة تهتك قوى حاجة بقا ملحظها فيها قوى لو انت ماشى مثلا بسرعة 100 وعدت عربية جنبك ماشى 140 او اعلى تلاقى التويوتا اتزحزحت فى الاتجاة المعاكس يعنى لو العربية عدت من الشمال انت تروح يمين دة طبيعى اى نعم فى العربيات اسمة السايد فورس بس مش للدرجادى فى التويوتا يعنى فى الاسكودا لا تكاد ان تحس بيها فى الهوندا استحالة تحس بيها الا لو عربية كبيرة زى اتوبيس سياحى او تريلا غير كدة بقا العربية مريحة جدا ناعمة العفشة ناعمة الخامات جميلة بس لو عايز ترجيح يبقى الاسكودا عشان حجات كتير قوى ابسطها طريقة استخدام الكمبيوتر السهل جدا اللى فى الدرعات لاكن فى التويوتا المسامير ايها بتاعت زمان قوى اكنك بتصفر العداد وطريقة الوصل ليهم صعبة وانت سايق مثيت السرعة اللى لية دراع لوحدة بيلف مع الدركسيون حجات بقى مقصرة بالنسبالى عشان محدش يتريق ونا مش بنم فى العربية عشان محدش يولعها

متشكر اوى لردك

المشاركة الأصلية كتبت بواسطة tarekgaafar000

اسمحلى برضه انا مستغرب انك حابب الكورولا عن الهوندا .. تقريباً ده نادر جداً

أنا مش حابب حاجة عن حاجة, اللي بقوله إن ال 2 ممتازين و كل واحدة بتتفوق في حتة. بس لما اقول على أحسن سيارة مبيعا في العالم إنها وحشة يبقى حاجة من 2: ياإما هم 35 مليون مبيفهموش حاجة وانا الوحيد اللي بفهم, ياإما أنا اللي فيَّ حاجة غلط. مش شرط إني اشتري العربية, ما أنا كنت عارف المعلومة دي و مع ذلك اشتريت الهوندا بس مقدرش اقول على الكورولا وحشة.
هتلاقي حضرتك ناس راكبة الهوندا (و ناس عمرها ماركبتهـا ) و يقولك أصلها لا تقارن بالكورولا, زي ماتكون الهوندا في فئة الفراري مثلا والكورولا فئة ال 128 !!!
ال 2 ممتازين و منافسين بشدة, و زي ما الهوندا عجباني في حاجات كتير, مضايقاني قوي في المطبات مثلا, مضايقاني إني التيل الأمامي مقعدش حاجة و مضايقاني في صوت كسر الدركسيون و بصراحة مفيش حاجة من دول حصلت عند اخويا ما شاء الله ولا حتى قصص الفتيس المتداولة.
بالنسبة للكماليات خد عندك:
أنا عندي كاسيت أوديو و سماعتين فقط (صباح النتانة من هوندا اجيبت) و هو عنده mp3 و 4 سماعات
هو عنده أنوار شبورة وانا لأ
أنا عندي مثبت سرعة و هو لأ
هو طاسة 16 وانا 15 والكاوتش عندي 195 و هو 205 , يعني أنا لو عايز اركب جنط يبقى لازم ارمي الكاوتش في الزبالة
لكن أنا يعجبني شكل الهوندا أكتر و يعجبني قوي التابلوه الفضائي بتاعها (بالليل ماحكيلكش على لونه)
الكورولا مابيعجبنيش التابلوه (شكلا مش خامات) مقارنة بالهوندا بس أنا أنا أكتر حاجة عجباني فيها الفتيس بتاعها, عشان أنا طول عمري سايق مانيوال و كان نفسي تبقى االهوندا مانيوال.
في النهاية العملية مسألة أذواق, و كل العربيات وارد إن يكون فيها عيوب و اللي يقولك العربية مش ثابتة عند ال 160 اسأله هو عايش فين عشان أنا الحقيقة شايف إن بلدنا مفيهاش أماكن تستحمل السرعة دي و تخيل لو لا قدَر الله كاوتشة ضربت على سرعة دي, يا ترى هيحصل إيه ؟

الكورولا عن تجربة في ألمانيا لحد ال 200 كانت تحترم زي ما الهوندا برده تحترم بشدة على سرعة و هي أكثر من ممتازة لكن لو كاوتشة ضربت نعمل إيه, يبقى الأحسن الواحد يمشي على مهله و ربنا يستر طريقنا.
والكورولا كانت أفضل من الهوندا من حيث المبيعات في ال 4 دول اللي رحتهم
ده مش تحيز للكورولا إنما دي وقائع شفتها بـعيني و مش هكدب و اتحاسب قدام ربنا عشان اثبت إني راكب أحسن عربية في العالم.

و ملحوظة اخيرة للأستاذ أحمد, موضوع تفضيل الهتشباك ده صحيح بـنسبة كبيرة إنما موضوع الميجان الهتشباك لأ , أنا مشفتش منها غير واحدة فقط في فرنسا و مشفتش منها خالص لا في المانيا ولا سويسرا ولا النمسا (أكتر حاجة بيحبوها في الفرنساوي هي البيجو)

المشاركة الأصلية كتبت بواسطة unendlich

أنا مش حابب حاجة عن حاجة, اللي بقوله إن ال 2 ممتازين و كل واحدة بتتفوق في حتة. بس لما اقول على أحسن سيارة مبيعا في العالم إنها وحشة يبقى حاجة من 2: ياإما هم 35 مليون مبيفهموش حاجة وانا الوحيد اللي بفهم, ياإما أنا اللي فيَّ حاجة غلط. مش شرط إني اشتري العربية, ما أنا كنت عارف المعلومة دي و مع ذلك اشتريت الهوندا بس مقدرش اقول على الكورولا وحشة.
هتلاقي حضرتك ناس راكبة الهوندا (و ناس عمرها ماركبتهـا ) و يقولك أصلها لا تقارن بالكورولا, زي ماتكون الهوندا في فئة الفراري مثلا والكورولا فئة ال 128 !!!
ال 2 ممتازين و منافسين بشدة, و زي ما الهوندا عجباني في حاجات كتير, مضايقاني قوي في المطبات مثلا, مضايقاني إني التيل الأمامي مقعدش حاجة و مضايقاني في صوت كسر الدركسيون و بصراحة مفيش حاجة من دول حصلت عند اخويا ما شاء الله ولا حتى قصص الفتيس المتداولة.
الكورولا مابيعجبنيش التابلوه (شكلا مش خامات) مقارنة بالهوندا بس أنا أنا أكتر حاجة عجباني فيها الفتيس بتاعها, عشان أنا طول عمري سايق مانيوال و كان نفسي تبقى االهوندا مانيوال.
في النهاية العملية مسألة أذواق, و كل العربيات وارد إن يكون فيها عيوب و اللي يقولك العربية مش ثابتة عند ال 160 اسأله هو عايش فين عشان أنا الحقيقة شايف إن بلدنا مفيهاش أماكن تستحمل السرعة دي و تخيل لو لا قدَر الله كاوتشة ضربت على سرعة دي, يا ترى هيحصل إيه ؟

الكورولا عن تجربة في ألمانيا لحد ال 200 كانت تحترم زي ما الهوندا برده تحترم بشدة على سرعة و هي أكثر من ممتازة لكن لو كاوتشة ضربت نعمل إيه, يبقى الأحسن الواحد يمشي على مهله و ربنا يستر طريقنا.
والكورولا كانت أفضل من الهوندا من حيث المبيعات في ال 4 دول اللي رحتهم
ده مش تحيز للكورولا إنما دي وقائع شفتها بـعيني و مش هكدب و اتحاسب قدام ربنا عشان اثبت إني راكب أحسن عربية في العالم.

و ملحوظة اخيرة للأستاذ أحمد, موضوع تفضيل الهتشباك ده صحيح بـنسبة كبيرة إنما موضوع الميجان الهتشباك لأ , أنا مشفتش منها غير واحدة فقط في فرنسا و مشفتش منها خالص لا في المانيا ولا سويسرا ولا النمسا (أكتر حاجة بيحبوها في الفرنساوي هي البيجو)

وجهة نظر تحترم ..
استأذنك بما انك معاك سيفيك ... ممكن تقولى ايه موضوع البطاح اللى بيقولو انه بيبوظ .. و ايه البطاح ده أصلاً