الموضوع: ما هى مميزات و عيوب كورولا 2010 اتوماتيك الجنوب أفريقى

بعد اذن جميع الاخوه الافاضل انا عندى راى مبنى على تجربه حقيقيه ممكن تساعد صاحب الموضوع : انا معايا تويوتا كورولا 2008 كويتى الفتيس الاتوماتيك العادى (مش mmt) ووالدى معاه اسكودا اوكتافيا a5 مانيوال 2009 وكيل و تقريبا بسوق العربيتين يوميا واللى انا شايفه ان الاسكودا افضل من التويوتا من ناحيه برامج الثبات(tcs) وكمان من ناحيه الصاج الاسكودا افضل اما التويوتا تتفوق فى السحب و التجميع و بالنسبه للثبات فالاتنين مميزين و متقاربين (ايوه ثبات الشكل الجديد من الكورولا ممتاز) ولكن الاسكودا ادائها افضل على الملفات وانا شايف ان ده بسبب فرق الوزن بين العربيتين لصالح الاسكودا طبعا

المشاركة الأصلية كتبت بواسطة gobeltoffire

بعد اذن جميع الاخوه الافاضل انا عندى راى مبنى على تجربه حقيقيه ممكن تساعد صاحب الموضوع : انا معايا تويوتا كورولا 2008 كويتى الفتيس الاتوماتيك العادى (مش mmt) ووالدى معاه اسكودا اوكتافيا a5 مانيوال 2009 وكيل و تقريبا بسوق العربيتين يوميا واللى انا شايفه ان الاسكودا افضل من التويوتا من ناحيه برامج الثبات(tcs) وكمان من ناحيه الصاج الاسكودا افضل اما التويوتا تتفوق فى السحب و التجميع و بالنسبه للثبات فالاتنين مميزين و متقاربين (ايوه ثبات الشكل الجديد من الكورولا ممتاز) ولكن الاسكودا ادائها افضل على الملفات وانا شايف ان ده بسبب فرق الوزن بين العربيتين لصالح الاسكودا طبعا

رأى مميز و عن تجربة .. و تشكر عليه
عايزك بس تقولى هل أداء الكورولا على الملفات بيحسسك ان العربية خفيفة و تخوف و اللا بس هو أقل نسبياً من أداء الأوكتافيا .. وايه أقصى سرعة ممكن تجيبها بالكورولا وانت مطمن وحاسس انك مسيطر عليها سواء على طريق مستقيم أو فى الملفات .. و ايه أبرز العيوب اللى اكتشفتها فى العربية عموماً ,... و شكراُ

المشاركة الأصلية كتبت بواسطة TarekGaafar000

رأى مميز و عن تجربة .. و تشكر عليه
عايزك بس تقولى هل أداء الكورولا على الملفات بيحسسك ان العربية خفيفة و تخوف و اللا بس هو أقل نسبياً من أداء الأوكتافيا .. وايه أقصى سرعة ممكن تجيبها بالكورولا وانت مطمن وحاسس انك مسيطر عليها سواء على طريق مستقيم أو فى الملفات .. و ايه أبرز العيوب اللى اكتشفتها فى العربية عموماً ,... و شكراُ

اولا انا اسف جدا على التاخير فى الرد بس فعلا انا مزنوق جدا فى الامتحانات اليومين دول اصل اخوك هندسه اسكندريه وما ادراك ما هندسه اسكندريه نيجى بقى لاسئله حضرتك:اولا:اداء العربيه جيد جدا على الملفات وهو فعلا نسبيا اقل منa5
ثانيا: السرعات اللى انا بجيبها على الطريق الدولى 170 وباخد غرز كمان ومش حاسس غير لما بصيت على العداد اما بقى الملفات فانا بجيب 110 على البحر و اكيد حضرتك فاهم يعنى ايه ملفات البحر اما ابرز العيوب الاكصدام الامامى للعربيه كلبساته ضعيفه جدا وتقدر تقول ان صاج العربيه عموما ضعيف اقل يعنى من الاسكودا بس هو ده حال اليابانى والكورى. و انا تحت امرك فى اى استفسار تانى

المشاركة الأصلية كتبت بواسطة tarekgaafar000

يا باشا مفيش تأخير ولا حاجة .. انت تشكر
بس عايزك تقولى ايه رأيك فى موضوع إن التعليق الخلفى للكورولا هو تورجين بيم .. و هل ده له تأثير فى الإحساس بالمطبات و النقر , و ثبات العربية.. و نعومة العربية بشكل عام أخبارها ايه .

يا باشا ثبات العربيه ممتاز واظن الارقام اللى قولتها لحضرتك تأكد كده وبعدين البلد عموما بقت زحمه جدا ومفيش الطريق اللى يشجع انك تجرى عليه فاظن الاولويه دلوقتى لعربيه واسعه ومريحه واستهلاك البنزين يكون قليل وقطع الغيار متوفره وده كله موجود فى الكورولا اما بقى بالنسبه للتورجين بيم فهو مش فارق معايا خالص لان انا بمشى على طرق مفيهاش نقر والمطبات انت كده كده لازم بتهدى وتاخد المطب بالراحه فمش هتحس بالفرق بين تورجين بيم او دبل لينك او ملتى لينك الحاجات دى بتفرق على السرعات العاليه وده انا وضحته فى تعليقى اللى فات

المشاركة الأصلية كتبت بواسطة TarekGaafar000

أنا متشكر جداً على ردودك و رأيك .. بس إسمحلى و متزعلش منى .. أنا ملاحظ إن زى ميكون فى تار بايت بينك و بين الكورولا .. و بينى و بينك عايز أعرف السبب .. لأنى لاحظت إنك متحفز لأى حد بيجيب سيرتها , حتى فى المواضيع التانية اللى موجودة فى المنتدى .. لدرجة إنى بصراحة و بدون زعل شكيت إنك يكون ليك مصلحة فى التشكيك فيها أو منافس لوكيلها .. لأن بصراحة كمان موضوع إتزان العربية و ثباتها إنه مش كويس أنا معاك فيه بالنسبة للموديلات اللى قبل 2008 يعنى الشكل القديم , لأن فعلاً كنت بسمع شكاوى من العربية على السرعات , و ده ممكن كان بسبب تصميم العربية اللى كان عالى عن الأرض مع صغر عرض العربية , ولكن مع الشكل الجديد 2008 و اللى بعده أنا مسمعتش شكاوى من اتزان و ثبات العربية , و لكن الشكاوى كلها كانت مركزة على الجير ال mmt , و الجير ده انا مش عايزه , أنا عايز الجير الأتوماتيك العادى , فعايز رأيك بصراحة فى الأتوماتيك العادى .. و متزعلش منى

بصراحة أنا كمان ملاحظ الموضوع ده قوي, و في واحد كمان برده مش فاكر اسمه بس برده متضايق قوي من الكورولا
أنا نزلت بعربية اخويا انهارده و هو اخد الهوندا قلت أهو اراجع نفسي و ما شاء الله مازلت عند رأيي, العربية ممتازة
ده أول لما شافني قالي هات المفتاح وانا كنت لسة هقوله طب اخدها بكرة كمان
ماحدش يفهمني غلط أنا بعشق هوندتي بس الكورولا سحبها غريب والفتيس متعة في الشد , أنا لو كنت لقيت الهوندا مانيوال كنت جبتها من غير تفكير و بلا اوتوماتيك بلا بتاع

المشاركة الأصلية كتبت بواسطة gobeltoffire

بعد اذن جميع الاخوه الافاضل انا عندى راى مبنى على تجربه حقيقيه ممكن تساعد صاحب الموضوع : انا معايا تويوتا كورولا 2008 كويتى الفتيس الاتوماتيك العادى (مش mmt) ووالدى معاه اسكودا اوكتافيا a5 مانيوال 2009 وكيل و تقريبا بسوق العربيتين يوميا واللى انا شايفه ان الاسكودا افضل من التويوتا من ناحيه برامج الثبات(tcs) وكمان من ناحيه الصاج الاسكودا افضل اما التويوتا تتفوق فى السحب و التجميع و بالنسبه للثبات فالاتنين مميزين و متقاربين (ايوه ثبات الشكل الجديد من الكورولا ممتاز) ولكن الاسكودا ادائها افضل على الملفات وانا شايف ان ده بسبب فرق الوزن بين العربيتين لصالح الاسكودا طبعا

تخيل بقى سحبها يبقى عامل إزّي بالموتور الجديد ...
و برده شوف السكودا بكام والكورولا بكام
و أرجع و اقول السكودا دي الألمان نفسهم اللي هي المفروض تبعهم مش راكبينها, زي ما الفرنساويين ميعرفوش يعني إيه فلوإنس كده.

و فيه نقطة اخيرة, بالنسبة إن الكورولا هي أفضل السيارات مبيعا على وجه الكرة الأرضية, هل كل اللي شارينها دول مبيفهموش و بهايم !!!!!

المشاركة الأصلية كتبت بواسطة unendlich

بصراحة أنا كمان ملاحظ الموضوع ده قوي, و في واحد كمان برده مش فاكر اسمه بس برده متضايق قوي من الكورولا
أنا نزلت بعربية اخويا انهارده و هو اخد الهوندا قلت أهو اراجع نفسي و ما شاء الله مازلت عند رأيي, العربية ممتازة
ده أول لما شافني قالي هات المفتاح وانا كنت لسة هقوله طب اخدها بكرة كمان :pointiy2[2]:
ماحدش يفهمني غلط أنا بعشق هوندتي بس الكورولا سحبها غريب والفتيس متعة في الشد , أنا لو كنت لقيت الهوندا مانيوال كنت جبتها من غير تفكير و بلا اوتوماتيك بلا بتاع



تخيل بقى سحبها يبقى عامل إزّي بالموتور الجديد ...
و برده شوف السكودا بكام والكورولا بكام
و أرجع و اقول السكودا دي الألمان نفسهم اللي هي المفروض تبعهم مش راكبينها, زي ما الفرنساويين ميعرفوش يعني إيه فلوإنس كده.

و فيه نقطة اخيرة, بالنسبة إن الكورولا هي أفضل السيارات مبيعا على وجه الكرة الأرضية, هل كل اللي شارينها دول مبيفهموش و بهايم !!!!!

اسمحلى برضه انا مستغرب انك حابب الكورولا عن الهوندا .. تقريباً ده نادر جداً

المشاركة الأصلية كتبت بواسطة tarekgaafar000

اسمحلى برضه انا مستغرب انك حابب الكورولا عن الهوندا .. تقريباً ده نادر جداً

أنا مش حابب حاجة عن حاجة, اللي بقوله إن ال 2 ممتازين و كل واحدة بتتفوق في حتة. بس لما اقول على أحسن سيارة مبيعا في العالم إنها وحشة يبقى حاجة من 2: ياإما هم 35 مليون مبيفهموش حاجة وانا الوحيد اللي بفهم, ياإما أنا اللي فيَّ حاجة غلط. مش شرط إني اشتري العربية, ما أنا كنت عارف المعلومة دي و مع ذلك اشتريت الهوندا بس مقدرش اقول على الكورولا وحشة.
هتلاقي حضرتك ناس راكبة الهوندا (و ناس عمرها ماركبتهـا ) و يقولك أصلها لا تقارن بالكورولا, زي ماتكون الهوندا في فئة الفراري مثلا والكورولا فئة ال 128 !!!
ال 2 ممتازين و منافسين بشدة, و زي ما الهوندا عجباني في حاجات كتير, مضايقاني قوي في المطبات مثلا, مضايقاني إني التيل الأمامي مقعدش حاجة و مضايقاني في صوت كسر الدركسيون و بصراحة مفيش حاجة من دول حصلت عند اخويا ما شاء الله ولا حتى قصص الفتيس المتداولة.
بالنسبة للكماليات خد عندك:
أنا عندي كاسيت أوديو و سماعتين فقط (صباح النتانة من هوندا اجيبت) و هو عنده mp3 و 4 سماعات
هو عنده أنوار شبورة وانا لأ
أنا عندي مثبت سرعة و هو لأ
هو طاسة 16 وانا 15 والكاوتش عندي 195 و هو 205 , يعني أنا لو عايز اركب جنط يبقى لازم ارمي الكاوتش في الزبالة
لكن أنا يعجبني شكل الهوندا أكتر و يعجبني قوي التابلوه الفضائي بتاعها (بالليل ماحكيلكش على لونه)
الكورولا مابيعجبنيش التابلوه (شكلا مش خامات) مقارنة بالهوندا بس أنا أنا أكتر حاجة عجباني فيها الفتيس بتاعها, عشان أنا طول عمري سايق مانيوال و كان نفسي تبقى االهوندا مانيوال.
في النهاية العملية مسألة أذواق, و كل العربيات وارد إن يكون فيها عيوب و اللي يقولك العربية مش ثابتة عند ال 160 اسأله هو عايش فين عشان أنا الحقيقة شايف إن بلدنا مفيهاش أماكن تستحمل السرعة دي و تخيل لو لا قدَر الله كاوتشة ضربت على سرعة دي, يا ترى هيحصل إيه ؟

الكورولا عن تجربة في ألمانيا لحد ال 200 كانت تحترم زي ما الهوندا برده تحترم بشدة على سرعة و هي أكثر من ممتازة لكن لو كاوتشة ضربت نعمل إيه, يبقى الأحسن الواحد يمشي على مهله و ربنا يستر طريقنا.
والكورولا كانت أفضل من الهوندا من حيث المبيعات في ال 4 دول اللي رحتهم
ده مش تحيز للكورولا إنما دي وقائع شفتها بـعيني و مش هكدب و اتحاسب قدام ربنا عشان اثبت إني راكب أحسن عربية في العالم.

و ملحوظة اخيرة للأستاذ أحمد, موضوع تفضيل الهتشباك ده صحيح بـنسبة كبيرة إنما موضوع الميجان الهتشباك لأ , أنا مشفتش منها غير واحدة فقط في فرنسا و مشفتش منها خالص لا في المانيا ولا سويسرا ولا النمسا (أكتر حاجة بيحبوها في الفرنساوي هي البيجو)

المشاركة الأصلية كتبت بواسطة unendlich

أنا مش حابب حاجة عن حاجة, اللي بقوله إن ال 2 ممتازين و كل واحدة بتتفوق في حتة. بس لما اقول على أحسن سيارة مبيعا في العالم إنها وحشة يبقى حاجة من 2: ياإما هم 35 مليون مبيفهموش حاجة وانا الوحيد اللي بفهم, ياإما أنا اللي فيَّ حاجة غلط. مش شرط إني اشتري العربية, ما أنا كنت عارف المعلومة دي و مع ذلك اشتريت الهوندا بس مقدرش اقول على الكورولا وحشة.
هتلاقي حضرتك ناس راكبة الهوندا (و ناس عمرها ماركبتهـا ) و يقولك أصلها لا تقارن بالكورولا, زي ماتكون الهوندا في فئة الفراري مثلا والكورولا فئة ال 128 !!!
ال 2 ممتازين و منافسين بشدة, و زي ما الهوندا عجباني في حاجات كتير, مضايقاني قوي في المطبات مثلا, مضايقاني إني التيل الأمامي مقعدش حاجة و مضايقاني في صوت كسر الدركسيون و بصراحة مفيش حاجة من دول حصلت عند اخويا ما شاء الله ولا حتى قصص الفتيس المتداولة.
الكورولا مابيعجبنيش التابلوه (شكلا مش خامات) مقارنة بالهوندا بس أنا أنا أكتر حاجة عجباني فيها الفتيس بتاعها, عشان أنا طول عمري سايق مانيوال و كان نفسي تبقى االهوندا مانيوال.
في النهاية العملية مسألة أذواق, و كل العربيات وارد إن يكون فيها عيوب و اللي يقولك العربية مش ثابتة عند ال 160 اسأله هو عايش فين عشان أنا الحقيقة شايف إن بلدنا مفيهاش أماكن تستحمل السرعة دي و تخيل لو لا قدَر الله كاوتشة ضربت على سرعة دي, يا ترى هيحصل إيه ؟

الكورولا عن تجربة في ألمانيا لحد ال 200 كانت تحترم زي ما الهوندا برده تحترم بشدة على سرعة و هي أكثر من ممتازة لكن لو كاوتشة ضربت نعمل إيه, يبقى الأحسن الواحد يمشي على مهله و ربنا يستر طريقنا.
والكورولا كانت أفضل من الهوندا من حيث المبيعات في ال 4 دول اللي رحتهم
ده مش تحيز للكورولا إنما دي وقائع شفتها بـعيني و مش هكدب و اتحاسب قدام ربنا عشان اثبت إني راكب أحسن عربية في العالم.

و ملحوظة اخيرة للأستاذ أحمد, موضوع تفضيل الهتشباك ده صحيح بـنسبة كبيرة إنما موضوع الميجان الهتشباك لأ , أنا مشفتش منها غير واحدة فقط في فرنسا و مشفتش منها خالص لا في المانيا ولا سويسرا ولا النمسا (أكتر حاجة بيحبوها في الفرنساوي هي البيجو)

وجهة نظر تحترم ..
استأذنك بما انك معاك سيفيك ... ممكن تقولى ايه موضوع البطاح اللى بيقولو انه بيبوظ .. و ايه البطاح ده أصلاً