عيب التوكيل واباطرة الميكانيكية عجز عن حلة

**samirayad** · 04-01-2011 05:57 PM

المشاركة الأصلية كتبت بواسطة أبو صلاح

ما هو ياباشا ما باليد حيلة
لما ميكونش في مواتير أصلي
والحل البديل في اني اشتري طرمبة كاملة ب 750 اصلي
يبقى ايه الحل ؟

مش حتصدق لو قولتك

أنا حاليا مشغل موتور صينى ب 65 ج ( فى النوبيرا )

وبيستعمل فى الأكسنت

وعلى بنزين 80

بسبب تلف موتور تانى أستيراد وأصلى ( بسبب شوائب فى بنزين 80 )

وأنا غيرت طلمبة البنزين بنفسى وسط الطريق ( داخل الأسماعيليه )

وشغال زى الفل ( وعامل بيه 3 آلاف كم للآن )

بس حاليا بأتابع ضغط البنزين من خلال جس خرطوم الخارج من الفلتر ( بشكل تقريبى )

ومحافظ على التفويل بأستمرار من بنزينه نظيفه بأتعامل معاها

**swimmer25** · 04-01-2011 08:59 PM

المشاركة الأصلية كتبت بواسطة samirayad

من أين لك بهذا الكلام

جرب كده لما الكمبيوتر اللى بتشتغل عليه حاليا يهنج معاك بسبب خلل فى البروسيسور

أو مروحته عطلت شويه

وطفيه شويه وأرجع شغله وظبط أمورك مع مروحته

حتلاقيه رجع زى الرهوان ( وليس الحصان )

ياريت تبين للراجل أزاى يكشف بسهوله على سخونة الكارته نتيجة مرور التيار الكهربى إليها ( ليل ونهار )

لتشغيل وحدة التحكم

ما اهو اني اطفي الكمبيوتر عشان يبرد ده مش لازم اطفيه يوم بحالة..هطفيه لحد ما يبرد يعني ساعة مثلا...وبعدين لو تهويته سليمة من الاول..مش هطفيه اصلا...يا استاذي اجهزة الكمبيوتر وخاصة السيرفرات زي سيرفر المنتدي كده مثلا بيشتغلوا بالسنين متواصل بدون حتي ريستارت ممكن يقعد لمدي الحياة من غير ريستارت الا لو كان فيه صيانة..كان عندنا جهاز قعد 4 سنوات بدون لمس ولا ريستارت والله اعلم لما سبت المكان قعد قد ايه بعد كده

ثانيا الكمبيوتر بتاعنا غير كمبيوتر العربية..قصدي هنا حاجة واحدة بس..ان الكمبيوتر بتاعنا كل ما بنحمل عليه برامج كل ما يزيد من الحمل علي البروسيسور والذاكرة..وعشان كده بينزل اجهزة احدث..بسرعات اعلي وذاكرة اعلي عشان تواكب التقدم في البرامج..يعني الهاردوير بيطوروه عشان يواكب السوفتوير...لكن في العربية النظام ثابت بدون تغير ولا باضافة ولا نقصان..ده غير نظام التشغيل العقيم اللي احنا بنستخدمه في اجهزتنا..الا وهو نظام النوافذ

الحرارة الزيادة بتاثر علي اداء البروسيسور..اه.زوممكن تؤدي الي تلفه...اكيد...بس مش نعمله ريستارت..ده مش حل..الحل اننا نشوف ايه اللي بيزود حرارته...

اولا الحرارة لعدم كفاية العزل او تلفه..وده يتكشف عليه حول مكان وجود الكمبيوتر..هل العزل تمام..هل فيه مصدر بيرمي عليه حرارة...وخاصة ان العربية ممكن يكون اتعمل فيها شغل في اماكن كتير...ده هيبان ازاي...هيبص علي كمبيوتر عربية تانية حرارته ازاي في نفس ظروف التشغيل...دايما الجزء المعدني اللي بيغطي اي جهاز الكتروني او اي كمبيوتر هو اللي بيعمل علي تبريده او طرد الحرارة منه..زي نظام الردياتير...فبالتالي الكشف علي الجزء ده بنقدر نعرف حرارته......في اجهزتنا في البيت..البروسيسور بيدي اشارة بدرجة حرارته لبوردة الكمبيوتر اللي بالتالي بتعرضهالنا علي الشاشة وبتقدر كمان تدينا صفارة اذا كانت الحرارة زادت عن الحد المسموح بيه للتشغيل...بس اعتقد ده مش موجود في كمبيوتر العربية

ثانيا الحرارة لمرور تيار زيادة..... برده اكيد الزيادة دي هتخرج علي الجزء المعدني الخارجي...وهتظهرلنا عن طريق جس الجزء ده ومقارنته بعربية تانية...نشيك ازاي عليه بقي ليل او نهار....مش عارف....بس الاكيد انه في اي وقت لازم حرارته تبقي زي حرارة اخوه في نفس ظروف التشغيل....برده مش حل اننا نعمله ريستارت...الريستارت ده مسكن بس الجرح موجود

وسامحوني اذا كنت اخطات في حاجة..واذا كان فيه حاجة غلط في كلامي ياريت تصححوه لان كلامي مش منزل

**samirayad** · 04-01-2011 09:44 PM

ياحج : مصطفى

الهدف من كلامى أساسا

عاوز أعرف

الكارته ليها دخل بالقصه دى ولا لا .............؟

**تامر.محمد** · 04-01-2011 11:17 PM

سلام عليكم
انا حابب بس اسلم على باشمهندس سمير
:)

**Hany A Fattah** · 04-01-2011 11:23 PM

يا جماعه انا قريت الموضوع اكترمن مر ه وحصرت الحاجات اللى المفروض تتغير لقيت الراجل هيغير نص العربيه ولسه بنجرب هاينفع ولا لا
فياريت اللى مش عارف ممكن نحدد العطل ازاى يستمع بس علشان مانكلفش الراجل على الفاضى

**samirayad** · 04-01-2011 11:38 PM

المشاركة الأصلية كتبت بواسطة tlrsiap

سلام عليكم
انا حابب بس اسلم على باشمهندس سمير
:)

الله يخليك ياهندسه

**swimmer25** · 05-01-2011 07:04 AM

المشاركة الأصلية كتبت بواسطة samirayad

ياحج : مصطفى

الهدف من كلامى أساسا

عاوز أعرف

الكارته ليها دخل بالقصه دى ولا لا .............؟

يا باشمهندس سمير..اولا انا مش حاج..قولي يا مصطفي بس...وبدون القاب....ربنا يرزقني واحج باذن الله...
علي فكرة مش كتير في المنتدي عارفين اسمي..انت اللي لقطه في مداخلات سابقة...وده ينم عن ذاكرة قوية....

ثانيا انا برد علي كلام حضرتك..الكارتة اكيد مش بيتكشف عليها عن طريق اني افصل عنها البطارية يوم...ومقلتش اي فتي في اي حاجة تانية لاني مش عارف اي حاجة تانية...ومن قال لا اعلم فقد افتي

هو حضرتك مش عايز اي حد يرد عليك...!
انت متنشن ليه بس...اللي عايز يرد يرد واللي عايز يقول يقول...واذا حد قال حاجة غلط وحد رد عليه..الاختيار لصاحب الموضوع والمشكلة...
هدي اعصابك مفيش حاجة مستاهلة كل ده...وكمان مش معني ان محدش وصل لحل من الناس اللي ردوا ان كل الناس تسكت وواحد بس ياخد الكلام...الناس بتعمل اللي تقدر عليه عشان تساعد صاحب المشكلة...وربنا يجازيهم خير...ويجازيك خير

**samirayad** · 05-01-2011 07:37 AM

يا باشمهندس سمير..اولا انا مش حاج..قولي يا مصطفي بس...وبدون القاب....ربنا يرزقني واحج باذن الله

أنا مش حقولك يامصطفى كده بس

أنا حناديك

بأخى / مصطفى

وربنا يكرمك ويكرمنى العام القادم

ونحج سويا

وتبقى أنت الحج / مصطفى

وأنا الحج / سمير

**MMamdouh** · 05-01-2011 10:45 AM

المشاركة الأصلية كتبت بواسطة samirayad

هو حيعرف الدبرياج بيفوت أزاى أو المكنه عزمها بيقل

ماهو ده بيعرفه من خلال أحساسه بعجز السياره على التسارع والسحب

الطريقة سهلة جدا....

فرق سرعة لفات الموتور عن سرعة السيارة هو الفيصل... لو الموتور لفاتة بتزيد بدون تسارع للعربية يبقى دة مشكلة فى طقم الدبرياج.... لو المكنة هى اللى مش قادرة تزود سرعتها تبقى مشكلة فى المكنة نفسها

MMamdouh