سؤال مهم جدا بخصوص سرقة البومه

**A.Saad** · 07-01-2011 08:59 AM

المشاركة الأصلية كتبت بواسطة kfarouk

بص يا سيدي انا لسة جايب العربية دي بس للاسف جية بمفتاح واحد فرحت امبارح لواحد اعرفة في العمرانية بتاع مفاتيح و انذار و اتفقنا ان انا حركب جهاز انذار يتبرمج على نفس مفتاح العربية الاصلي و حيشغلي الاتنين ريموت الي معاه بردة على العربية و حيعملي مفتاح جديد مشفر اسيبة في البيت احتياطي زائد ان هما ممكن يغيروا شفرة المفتاح الي معاك يعني لو حد معاه نسخة من المفتاح القديم مش حيعرف يعمل بيه حاجة و قالي لو عايز اغيرلك الاول السنان بتاعت الكونتاكت و الباب و الشنطة بحيث ان المفتاح القديم ما يشتغلش لا شفرة و لا سنون ممكن بس انا قلت لأ مش مشكلة و معادي معاه النهاردة بعد صلاة الجمعة نعمل الكلام ده و حقلكم ان شاء الله اتكلف كام

لو غيرت السنون كمان احسن واكتر امان
الموضة دلوقت بعض النصابين اللى بيبيعوا العربيات بيكون معاهم نسخة عاملها من المفتاح وطبعا هو عارف عنوانك من العقد
ويسرقوا العربية بالنسخة اللى معاه
هتقولى كان هيدينى النسخة التانية ويبقى عامل غيرها
هقولك اه
بس كن حذرا افضل

**waleedss** · 07-01-2011 09:42 AM

من لسان ظابط شرطه صديق
اامن حاجتين عشان السرقة
انك تركن في شارع مسدود ان امكن
كلبش الدركسيون
والمفتاح المبرمج زيادة امان

**hondaman** · 07-01-2011 10:33 AM

بس مش العربيات لانسر بس اللى بتتسرق انا عربيتى الكرولا 2008 حاولو يسرقوها بس معرفوش عشان مبشلش حاجة فيها تتسرق تنقنية الحرامى واحدة عشان عندنا فى التجمع عربيات كتير اتسرقت بس مش العربية كلها
بيكسر الهواية اللى ورا ( المثلث ) بيفتح مسوجر الباب اللى ورا بيدخل بيقلب العربية اول حاجة بياخدها الكاسيت وأى عدة صوت دة لو ملقاش فلوس او لاب توب ملقاش حجات تقيلة بيفتح الشنطة ياخد المثاث والطفاية و الكوريك الخ فى عربيتى معرفش ياخد الكاسيت عشان بتاع التويوتا لو فصل مش هيشتفل تانى اصلا والشنطة عندى مش بتتفتح الا لو معاك الريموت ( سمارت كى اصلها ) حتى من جوة ميعرفش يفتحها ... كل العربيات اللى اتسرقت عندنا كان بنفس الاسلوب وتلاقى مثلا فى شارع واحد اربع او خمس عربيات كدة نفس الحكاية ووصلت بيهم حتى للصاج بتاع العربية بس دى مرة واحدة ليا جارى فى الشارع اللى ورايا نزل الصبح بيشيل الغطا تخيلو ملقاش اية ( ياريت الجنوط دى كانت تقريبا موضة وانتهت من ساعات الجنوط الصينى ) ملقاش كبوت عربيتة ايوة الكبوت يا جدعان تخيلو بقا المنظر والاندهاش الللى ظهر على صاحب العربية .... عادى يعنى العيب بقا مش فى الحرامى ولا فى صاحب العربية العيب فى اللى سايبين الدنيا كدة تضرب تقلب ورخص وتحليل وشنطة طبية دة حتى الحرامى بيشوفها ومبيرضاش يسرقها ..... وكل من عانى الموضوع دة استعوض ربنا والحمد الله على كل شئ

**kfarouk** · 08-01-2011 11:29 AM

انا رحتلة فعلا و ركبلي جهاز الانذار و عملي مفتاح مشفر جديد على الي معايا و ركبت جهاز الانذار ولف 12 ب 250 جنيه و المفتاح اتكلف 150 جنيه بس معرفش يشغل ريموت العربية الاصلي مع جهاز الانذار و قالي انه حيتصل بالشركة و يعرف تتعمل ازاي و يقولي. فاتصلت انا النهاردة بتوكيل ولف و سالتهم على الموضوع ده قالولي اه فعلا بس هي مش برمجة دي سلوك بتتوصل بنظام ريموت الانسر و خلي الريموت الي جي معاك احتياطي او تعالى و احنا نعملهالك من غير فلوس.
بصراحة حسيت ان الناس محترمين و خدوا رقم تليفوني و حيتصلوا بيا يقولولي اقرب مركز معتمد لولف ليا علشان اروحلة يظبطلي الجهاز.
و ده الموقع بتاعهم للي عايز يعرف الموديلات او التليفونات و العناوين.

www.wolfegypt.com

**tamersab** · 10-01-2011 04:47 PM

ربنا يعوضك خير و خلى بالك حاول تركنها فى جراج أفضل

**MohamedGobran** · 10-01-2011 10:13 PM

موضوع سرقه الانسر ده بقى كتيييييييييييييير أوى انا فيه عربيه لانسر 2007 مسروقه من سنتين و مفيش اى اخبار عنها لحد دلوقتى و واحد فى الشارع إلى ورانا فى نفس اليوم اتسرق منه برضو لانسر !!!

**waleedss** · 11-01-2011 11:16 AM

المشاركة الأصلية كتبت بواسطة mohamedgobran

موضوع سرقه الانسر ده بقى كتيييييييييييييير أوى انا فيه عربيه لانسر 2007 مسروقه من سنتين و مفيش اى اخبار عنها لحد دلوقتى و واحد فى الشارع إلى ورانا فى نفس اليوم اتسرق منه برضو لانسر !!!

خلاص دي شكلها اتقطعت وتباعت من زمان.
هوا في حل كويس انك تامن عليها بحوالي 1700 جنيه سنويا ويكون ضد السطو ايضا

**fouad19852002** · 11-01-2011 02:47 PM

الحمد الله تم التصليح

اولا احب اقول لكل الناس شكرا جدا على الردود وأسف على تأخير الرد لأنشغالى فى تصليح العربيه

ثانيا عملت ايه روحت اشتريت كونتاك وطبلة باب أستيراد بامفتاح بتعهم ب 170ج من المنصوره ورحت عند واحد بتاع مفاتيح فك الكونتاك بتاعى وفك طبلت الباب وعدل الكونتاك و الطبله بتاعت الاستيراد على المفتاح بتاعى أذاى مش عارف بس متفتحوش ولا جرلهم اي حاجه عدلهم وفضلو زى ما كنت شريهم بالظبط وركبهم وكله بقا تمام الحمد الله و المفتاح الي كان جاى معاهم معدلوش لزمه ورجع كل حاجه زى الاول الحمد الله لسه بس الكاسيت .
وشكرا واى استفسار انا تحت امركم

**ahmedsmg** · 15-01-2011 10:21 PM

المشاركة الأصلية كتبت بواسطة kfarouk

بص يا سيدي انا لسة جايب العربية دي بس للاسف جية بمفتاح واحد فرحت امبارح لواحد اعرفة في العمرانية بتاع مفاتيح و انذار و اتفقنا ان انا حركب جهاز انذار يتبرمج على نفس مفتاح العربية الاصلي و حيشغلي الاتنين ريموت الي معاه بردة على العربية و حيعملي مفتاح جديد مشفر اسيبة في البيت احتياطي زائد ان هما ممكن يغيروا شفرة المفتاح الي معاك يعني لو حد معاه نسخة من المفتاح القديم مش حيعرف يعمل بيه حاجة و قالي لو عايز اغيرلك الاول السنان بتاعت الكونتاكت و الباب و الشنطة بحيث ان المفتاح القديم ما يشتغلش لا شفرة و لا سنون ممكن بس انا قلت لأ مش مشكلة و معادي معاه النهاردة بعد صلاة الجمعة نعمل الكلام ده و حقلكم ان شاء الله اتكلف كام

متابع باهتمام