الموضوع: أخيراً... تم التعاقد على لوجان 2011

للأسف مالقيتش غير الفضي كاملة و البيضاء هاف

و مافيش فيراني

هنضطر نستنى ليوم الأثنين إن شاء االله عشان العربيات في ميناء الاسكندرية و مستنين الجمارك تفتح الأثنين بأذن الله

بس الحمد لله خلصت إجراءات البنك و أخدت منه الموافقة و جواب المرور

ربنا يكرم و ييجي بقى يوم الأثنين

المشاركة الأصلية كتبت بواسطة ahmedabotalb33

قدر الله وماشاء فعل ان شاء الله يكون التاخير ده خير

الحمد لله على كل شئ ، و أكيد التأخير ده خير من عند الله

المشاركة الأصلية كتبت بواسطة gebreel

سمير ريان معتقدش انو موزع لرينو

أكيد هو مش موزع لرينو بس ممكن كانوا يقصدوا معارض تانيه

و ان شاء الله تستلم على خير اكيد التأخير ده ربنا عاملو لسبب ما

ربنا يسهل إن شاء الله أنا واثق في أن التأخير ده خير من عند الله

أحب أقول أن مدير مبيعات سمير ريان حاول أنه يجيبهالي من أي معرض تاني بيتعاملوا معاه و فعلاً مافيش فول أوبشن فيراني غير عند واحد بس و كان شادد في العريض قوي يعنى كان عاوز يبيعها لسمير ريان نفسه ب 68000 جنيه و سمير كان هيطلعهالي ب 68500 جنيه يعنى المبلغ الـ 750 جنيه اللى كان عملهوملي خصم كان هيرجع يضيفهم تاني

بصراحة أنا قلقت من العربية اللي كان هيجيبهالي من التاجر الجشع ده ، قولت أستنى و بلاش أقع تحت جشع التجار و أنا أولى بكل مليم خصوصاُ إن لسه في مصاريف تانيه زى المرور و كسوه للفرش و إنذار و حبة إكسسوارات كده

على الرغم إني كنت مضايق جداً إني ما أستلمتش النهاردة ، بس الحمد لله على كل شئ أكيد التأجيل ده خير من عند الله

صباح الفل يا وحوش

كنت عاوز أسأل على سعر حبة حاجات كده و أرخص أماكن اللى هلاقيها فيها إن شاء الله :

1- غطاء اللوجان ( القماش العادي أحسن ولا الووتر بروف )

2- جهاز الإنذار يفضل أنه يكون بوحدة رفع الزجاج ( بيتهيقلي إن ماركة Wolf كويسة و شغاله ) ، و تكلفة تركيبه

3- الموديلاتور الإنفينيتي اللى فيها ريموت يركب في الطارة

4- كسوه الفرش الداخلي للوجان و هل يفضل جلد و لا قماش و يا ريت برضه سعره بالتركيب.

5- مسند الزراع اللى بيبقى بين الكرسين الأماميين


بس كده مش فاكر حاجه تانيه دلوقتي لو عندكوا أي إقتراحات تانيه يبقى مستنيكوا تقولوهالي مع سعرها و سعر تركيبها و أرخص الأماكن اللي هلاقيها فيها بأذن الله

معلش يا وحوش تاعبكوا معايا

أيـــــــــــــــــــــــ ــــــــــــــــه يا وحوش أنتوا فين

المشاركة الأصلية كتبت بواسطة gebreel

احنا هنا يا باشا و تحت الامر و السيادة :f_eyeb1[1]:

حبيب قلبي و الله العظيم يا وحش الوحوش جبريل باشا ربنا يخليك يا كبير

بالنسبة لغطاء اللوجان انا مبحبش فكرة الغطاء دي بس من رأيي هات القماش العدي لأكثر من سبب
اولا انو ميكنش مطمع لأي حرامي ياخدو و يمشي
ثانيا الكلاب مش هتسيبو في حالو و هتلاقيه اتقطع بسرعة
ثالثا هيبقى اغلى ببتاع مش ال من 20 او 30 جنيه عن القماش العادي

تمام بس الغطا طبعاً بأذن الله بيشيل عن العربية بلاوي برضه يعنى الهوا و المطر و الكلاب و العيال الصغيرة و حاجات كتير و بالنسبة للغطاء القماش هل أفضل ولا الووتر بروف و من جوه متبطن ؟ و هيعملوا مثلا الغطاء 100 جنيه ؟؟؟
و هل سمير ريان بيسلم غطاء و لا ايه ؟

جهاز الانذار التوكيل ممكن لو حصل حاجة في كهربة العربية يعملك فيها مجنون و يقلك انا مش مسؤول عن اللي جرى بعد لعبك في الضفيرة لي معاك كويس و نطمن ان مفيش اي عيب في كهربة العربية و ركبه عند اي حد نضيف زي ادريان مثلا و خليه يركبو على ترملات علشان ميقصش في الضفيرة

طيب يعني أجيب الولف ده مثلاً و لا spy one way و سعرهم أيه؟

الموديلاتر الانفينيتي انا جايبه في شهر 11 كان ب 50 جندي

كسوة الفرش انا بفضل القماش على جلد و ده اللي انا مركبو بس مش فاكر كان بكام بصراحة انا مركبو نوع نضييييييييييف جدا و سعره متوسط كان بحوالي 320 جنيه بالتركيب تقريبا و ممكن تجيب فرش ب 150 جنيه و ممكن تجيب فرش ب 1000 جنيه بس الوسط حلو

تمام ممكن نبقى نركب بأذن الله اللي بـ 350 جنيه ده

المسند معلش معرفش عنو ايييييييييييي حاجة

تسلم يا جبريل باشا أنا عارف أنك تعبان معايا بس ربنا يجازبك خير و بجعله في ميزان حسناتك