أخيراً... تم التعاقد على لوجان 2011

**AIRSUPPLY13** · 05-01-2011 12:32 PM

الف مبروك

**hragheb007** · 05-01-2011 01:53 PM

المشاركة الأصلية كتبت بواسطة tamer61

ألف مبروك يا هاني و ربنا يباركلك فيها بإذن الله و أعتقد إن جبريل قال المطلوب كله و زياده و عموما سمير ريان بيخلصلك كل الورق في خلال يومين و حيبعتلك مندوب لحد المرور بتاعك و حيساعدك كمان في إجراءات الترخيص. و تقبل تحياتي و بالمناسبه ..... أنا كمان عايز لفه .... ما ليش دعوه!!!!!!!

الله يبارك فيك يا تموور و أكيد جبريل زى ما عودنا ما بخلش عليا بأى شئ ربنا يكرمه يا رب ، و يا حبيبى العربية أصلاً ديه مش بتاعتي ديه بتاعت نايل موتورز و أنا معايا توكيل إدارة بس يعنى أنا اللى باخد منكوا لفة بس كبيره شويه

المشاركة الأصلية كتبت بواسطة gebreel

يا باشا مفيش تتقيل ولا حاجة

الانفينيتي صوتو تحفة و الراديوشاك مع واحد صاحبي حاسس ان مفيش فرق بينهم بالعكس انا حاسس ان الانفينيتي البيز فيه واضح عن الراديوشاك

القطرة دي يا باشا بتتجط في العرية لو لاقدر الله احتجت انك تتقطر او تقطر حد بيبقى عبارة عن هوك كدة بيركب في الاكصدام بيبقا ليه فتحتين واحدة في الاكصدام الامامي و واحدة في الخلفي بيبقى محطوط عليها كوفر بنفس لون العربية بتلاقيه كدة مربع قدام و ورا

اخر الكيلومتر ملو مقياس يعني مثلا محمد زكي بيجيب العربيات على كساحات فتبقى عاملة 8 كيلو او 15 كيلو بالكثير
انا علشان عربيتي كانت اتاخرت و عملت مشكلة هناك فبعتولي واحد جابها من التوكيل سواقة علشان مش هيطلعولي كساحة لعربية واحدة بس فكانت عاملة 50 كيلو

بس ايه بقى حوار الزيادة دي بامارة ايه ان شاء الله جمارك و العربية معفية منها و بيع و العربية بتبيع

مين اللي قال لحضرتك المعلومة دي؟!!

تمام يا حبيبى تسلم على معلومة القطرة ديه ، و الكيلو متر ربنا يسهل و هنشوف الكلام هيبقى أزاي ، بالنسبة لمعلومة أن سعرها زاد ده من مدير مبيعات سمير ريان و بيتهيقلى سعر أى سلعة بيزيد حسب العرض و الطلب بس ممكن يكون مالوش علاقة بالطلب و العرض و يكون السبب أن أحنا أكيد في مصر

المشاركة الأصلية كتبت بواسطة AIRSUPPLY13

الف مبروك

الله يبارك فيك يا باشا

**hragheb007** · 05-01-2011 03:57 PM

يا شباب عاوز أعرف أيه هو الورق اللى هستلمة إن شاء الله من سمير ريان مع العربية

**Dr.Karim Emam** · 05-01-2011 04:06 PM

المشاركة الأصلية كتبت بواسطة hragheb007

الله يبارك في حضرتك يا دكتور ، و هل في منها mp3 فعلاً و لا كله أوديو

فيه دفعة وحيده نزلت في اللوجان كان الكاسيت mp3 و ماتكررتش تاني

**hragheb007** · 05-01-2011 05:54 PM

مشكور يا دكتور كريم

**nour_nrc** · 05-01-2011 06:11 PM

السلام عليكم

اولا مليون مبروك وربنا يبارك لك فيها
ثانيا الورق اللي حتستلمه (المبايعة + شهادة البيانات + كتالوج السيارة+كتالوج الكاسيت + كتالوج الصيانة)

وربنا يسرلك الحال

**hragheb007** · 05-01-2011 07:49 PM

المشاركة الأصلية كتبت بواسطة nour_nrc

السلام عليكم

اولا مليون مبروك وربنا يبارك لك فيها
ثانيا الورق اللي حتستلمه (المبايعة + شهادة البيانات + كتالوج السيارة+كتالوج الكاسيت + كتالوج الصيانة)

وربنا يسرلك الحال

الله يبارك فيك ربنا يخليك يا باشا

مشكور على معلومة الورق هو ده اللى كنت بدور عليه بالظبط

الله عليكوا يا وحوش

**karamela** · 05-01-2011 08:28 PM

ألف مبروك و ربنا يباركلك فيها و يكفيك شرها إن شاء الله أنا لسة مشترى من عند سمير ريان لوجان 2011 كاملة فيرانى رحت يوم الجمعة إتفرجت و حجزت واحدة كانت بالحظ أخر واحدة عندة بالمخزن بالمواصفات المطلوبة و إستلمت يوم الأحد و رخصت اليوم و الحمد لله
سمير ريان معرض رائع بس يعيبة بطء الأجراءات و دة ناتج من الزحام عندة ( اللهم لا حسد ) بس الناس اللى هناك محترمين جدا
بالنسبة للون أنا كنت زيك حيران جدا ما بين الفيرانى و الفضى و البترولى و لكنى أستخرت الله و أخترت الفيرانى و فى الأول و الأخر الأمر متروك لك و ألف مبروك مرة ثانية

**hragheb007** · 06-01-2011 12:02 AM

المشاركة الأصلية كتبت بواسطة karamela

ألف مبروك و ربنا يباركلك فيها و يكفيك شرها إن شاء الله أنا لسة مشترى من عند سمير ريان لوجان 2011 كاملة فيرانى رحت يوم الجمعة إتفرجت و حجزت واحدة كانت بالحظ أخر واحدة عندة بالمخزن بالمواصفات المطلوبة و إستلمت يوم الأحد و رخصت اليوم و الحمد لله
سمير ريان معرض رائع بس يعيبة بطء الأجراءات و دة ناتج من الزحام عندة ( اللهم لا حسد ) بس الناس اللى هناك محترمين جدا
بالنسبة للون أنا كنت زيك حيران جدا ما بين الفيرانى و الفضى و البترولى و لكنى أستخرت الله و أخترت الفيرانى و فى الأول و الأخر الأمر متروك لك و ألف مبروك مرة ثانية

الله يبارك فيك يا باشا و مبروك عليك أنت كمان و يحفظ من شرها يا رب و يمتعك بكل خيرها بس أيه اللي أخرك يا ترى فى الترخيص من الأحد ليوم الأربعاء

أنا برضه كنت محتار زيك لحد ما استقريت بفضل الله على الفيراني بس للأسف ما فيش عنده غير فضي دلوقتى :( و العربيات فى ميناء الأسكندرية و هتوصل على الأحد تقريباً إن شاء الله ، بس بكره هيعملوا محاولة إن شاء الله هيحاولوا يجيبولي الفراني

الحمد لله موافقة بنك القاهرة جت النهاردة في إنتظار الاقي اللون الفيراني إدعولي يا وحوش يلاقوها بكرة عشان أنا يوم الأحد أجازة و عاوز ألحق استمتع بيها اليومين الاجازة دول

**gebreel** · 06-01-2011 12:23 AM

ان شاء الله تلاقي اللون اللي انت عاوزو و ترخص كمان قبل يوم الحد

بالنسبة لزيادة السعر مش عارف ليه عندي احساس انها جاية من سمير ريان نفسوا لأني لسة قافل مع التوكيل و بيقلي مفيش عندو اي معلومات بخصوص زيادة سعرها و سعرها دلوقتي 68500

الموضوع: أخيراً... تم التعاقد على لوجان 2011

LinkBack

أدوات الموضوع

عرض

-

-

-

-

-

-

-

-

المواضيع المتشابهه

خبر طازة : أخيراً لانسر شارك 2011 نزلت أسكندرية

أخيراً سعر gen 2 2011 الرسمى

استلمت لوجان 2011 فيرانى يوم الاربعاء 2011 .

أخيراً رينو لوجان "المغربية" في مصر

تضمن حقك ازاى عند التعاقد على شقه ؟؟

الكلمات الدلالية لهذا الموضوع

المفضلات

المفضلات

ضوابط المشاركة