السلام عليكم و رحمة الله و بركاته

أزيكوا يا أحلى و أجدع شباب في المنتدى الرائع نايل موتورز

الحمد لله أتعاقدت النهاردة على لوجان 2011 فول أوبشن عند سمير ريان مع بنك القاهرة و الأستلام خلال يومين بأذن الله

طبعاً أنا بشكر كل عضو فى أعضاء المنتدى الأكثر من رائع و خصوصاً الوحوش اللى ساهموا بشكل كبير في إني أختار اللوجان كأول عربية ليا من مواضيع و تقارير و مشاركات حيادية و إظهار أبسط العيوب حتى لو كانت هى أصلاً مش عيوب

ده كان أكيد فضل من ربنا عليا إني عرفت المنتدى ده و عرفت الوحوش

نصايحكوا بقى يا وحوش ليا اختار لون ايه انا ميال للرمادي

يا ريت لو تقولولى أتأكد من أيه ساعة الإستلام أنا عارف أن في مواضيع كتير عن الإستلام بس يا ريت لو نقاط محدده بتفصيل طبعا زى ما عودتونا

و ايه إجراءات المرور اللى مفروض أمشي فيها و اسعارها

و الكماليات اللى بعد كده بالترتيب من حيث الاهمية أنا شايف أنه أهم حاجه الإنذار

هتعبكوا معايا بس معلش انا عارف الوحوش مش هيتاخروا على وحش قادم بأذن الله