ايه السؤال اللي ما تحبش تتسأله ؟ يالا نفضفض :)

**mohamed_88sk** · 17-10-2008 10:32 PM

السؤال اللي جاي ده بنتي سألتهولي النهاردة (عندها 6 سنين)
لقيتها بتقوللي: بابا... هو يعني إيه كلمة "إيه سفن إيه" ؟؟؟
اقسم بالله أنا تنحت.. هنّجت زي الكمبيوتر
فعلا سؤال ما توقعتوش وماعرفتش ارد عليه
واستعنت بحيلة تشتيت الانتباه لحاجة تانية
وبعديها بحوالي 10 دقايق قلتلها إن دي كلمة وحشة ( أهو اللي ربنا فتح عليا بيه ساعتها)

بس ده فعلا سؤال ما كنتش احب اتسأله
وخوفني من الأسئلة القادمة في المستقبل
ربنا يستر :)

والله انا تنحت من السؤال ,, مش عارف لو كنت مكان حضرتك كنت حعمل إيه !!
فعلا منهم لله بوزوا الثقافه فعلا

**homme49** · 17-10-2008 11:03 PM

[quote=Nile_Storm;209089]السؤال اللي يستفزني عندك اخوات ؟
اولا انت مالك
ثانيا لاني وحيد الناس بتبصلي كأني دلوعه مامي و بابي و حاجه قرف و ده شئ الحمد لله ابويا و امي خدوا بالهم منه وربوني صح ربنا يكرمهم يارب

و السؤال التاني لما يعرفوا اني في طب يقولولي ها تتخصص ايه اقولهم اللي ربنا يريده
متعجبهمش الاجابه يقوولولك طبعا طبعا اللي ربنا يريده بس ايه التخصص الي انت بتحبه عشان تتخصص فيه و انتو مالكووووووووووووووووووووو ووووووووووووووو

بجد فيه اسله كتير بتحرق دمي

ممكن ترد عليهم كالآتى : -
حقا أنا محتار أتخصص إبه ، لكن علشان الأصدقاء الأعزاء اللى زيكم سوف أتخصص أمراض نفسية و عصبية
و بذلك بكون أبلغ رد على الأشخاص المتطفلين

**Noha.M** · 17-10-2008 11:14 PM

اكتر سؤال بقا بيستفزنى دلوقتى اوى و ببقي عاوزة اولع فى اللى بيسالهولى سيبتي الشغل ليه؟؟

بجد بقيت بتخنق موووووووووووت و لما اقول معجبنيش او اتخانقت مع المدير قعد اسمع فى كلام ملوش لازمة بتاع و هو حد لاقي شغل بكرة تندمى !! بجد حاجة تحرق الدم

كمان السؤال المستفز اوى كمان و بقا بيعصبني جداااااااا خطيبك لقا الشقة ولا لسه!!!!! اوففففففففففففففف حاجة تزهق

**أشرف العدوي** · 18-10-2008 01:42 PM

أنا اكتر أسئلة بتستفزني قوي قوي قوي .
كنت فين ؟ ( طبعاً من المدام )
الرد : مفيش رد ( ولا كأني سمعت حاجة )
سؤال على الموبيل : انت فين دلوقتي ؟
الرد : في اي حته .
هترجع الساعة كام ؟
ربنا يسهل .
تحب تاكل ايه بكرة ؟
احنا بكرة هناكل عند ماما ( كل لما اتسأل السؤال ده يكون ده الرد ).
اكون بره و تتصل على الموبايل انت مع مين من صحابك
الرد : مع حنفي و النجاشي و يعسوف ( طبعاً ماليش صحاب بالأسم ده ).
الرسالة الي على الموبايل من مين ؟
واحدة زميلتي في الشغل ( بتقولي كل سنة و انت طيب اي مجاملة يعني ) .
طيب بعتتلك ليه يعني ؟
معرفش اتصلي بيها اسأليها انا ما دخلتش في دمغها و عرفت هي بعتتلي الرسالة ليه .
و طبعاً في اسئلة بيكون ليها مغزى تاني بس الحمد لله العبد لله فاهم .
يعني هو الموضوع ده في كل الستات
يكونوا بيسألوا سؤال و علشان يعرفوا حاجة تانية خالص او يدبسوك في خروجة او زيارة لحد

**human** · 18-10-2008 02:26 PM

انت جايب ده منين و بكام
و بعديين هبه يقوم بايظ

**elassar2010** · 18-10-2008 02:34 PM

ولا لماتيجى سيرة الزواج ايوة ياعم انت الوحيد يعنى شقتك هتيجى والدكيورات بتاعتها كمان هما عندهم غيرك
وواحد تانى يقولك طبعا انت معندكش مشاكل الى انت عايزة يجى عالطول
ولما اتكلم مع زميلتى لما كنت فى الكلية واحد ظريف يقولك ليقين على بعض لا واية انت لو عايز تتجوزها هتتجوزها علطول ماانت معندكش جيش ومعندكش مشاكل واهلك هيسعدوك
حاجة تقرف وتغيظ اكنهم هيقسمونى فى حياتى اكنى هتجوز علشان عندى شقة واهلى هيسعدونى وخلاص وهقعد انا قلة فى البيت عاطل منا وحيد بقا

**dr.ayman** · 18-10-2008 09:43 PM

كنت فى الكليه واقف عند المكتبه بصور ورق
الجو حر جدااااااااا و شمس ما شاء الله
و عندى امتحان عملى بكره و الواحد مزاجه سىء سىء سىء
جه واحد المفروض انه معانا فى الكليه
الزميل : هوا ورق العملى نزل
انا : اه
الزميل : كله ؟
انا : اه
الزميل : نزل امتى
انا : بصه له بتوسل اليه انه يبطل اسئله غبيه و يرحمنى من الغباء
الزميل : طب نزل كامل ؟؟؟؟؟؟؟
طب ارد اقوله ايه ؟
انا : لا لسه .......بكل هدوء و انا طبعا جالى ضغط و سكر و توقف فى القلب بسبب غباءه اللى غطى على الحر و الشمس و القلق اللى انا كنت فيه
الزميل : طب خلاص هابقى اصوره لما ينزل كامل

ااااااااااااااااااه
انا كان نفسى اضربه يوميها و يجى تانى يوم فى الجرايد الطالب الذى مات بسبب غباءه