ايه السؤال اللي ما تحبش تتسأله ؟ يالا نفضفض :)

**Mido80** · 04-09-2008 10:29 AM

المشاركة الأصلية كتبت بواسطة Nile_Storm

السؤال اللي يستفزني عندك اخوات ؟
اولا انت مالك
ثانيا لاني وحيد الناس بتبصلي كأني دلوعه مامي و بابي و حاجه قرف و ده شئ الحمد لله ابويا و امي خدوا بالهم منه وربوني صح ربنا يكرمهم يارب

و السؤال التاني لما يعرفوا اني في طب يقولولي ها تتخصص ايه اقولهم اللي ربنا يريده
متعجبهمش الاجابه يقوولولك طبعا طبعا اللي ربنا يريده بس ايه التخصص الي انت بتحبه عشان تتخصص فيه و انتو مالكووووووووووووووووووووو ووووووووووووووو

بجد فيه اسله كتير بتحرق دمي

وفي مجال العربيات لقيت واحد في الشارع بيسالني علي عربيتي عامله ايه معايا رديت عليه عادي عادي و في نص ردي ليه الاقيه بيقولي بنفس اللفظ ( ألا العربيه دي كاش و لا قسط ) و انت مال اهلك حاجه تقرف
بجد فيه ناس فضوليه بشكل ممل

هههههههههههههههههه. هدي اعصابك يا دكتور. الدنيا هات وخد..ولا اية؟؟

**Nile_Storm** · 04-09-2008 12:38 PM

يااااااااااااااااه المشاركه دي من زمان اوي

بس بجد لسه حوار كاش ولا قسط ده مجنني :) :)

**Mido80** · 04-09-2008 01:06 PM

الحكاية يا سيدي ان المواضيع الحلوة اللي مطروحة من قبل ناس عسل زيك كدة لازم الواحد يرجع لها تاني ويقراها من جديد لان بيكون فيها فكرة مختلفة عن العادي ودة اللي بيخليها كاش ..خعخعخعخع

**AhmedGen2** · 05-09-2008 01:10 AM

أكتر تعليق سخيف ممكن أسمعه فى حياتى لما اكون جايب حاجة جديدة والاقى اللى يقولك "آه يا عم هايص انت " ويغمزلى بعينه كدة مش عارف يعنى أرد أقوله ايه ببتسم بامتعاض ، دة بدل ما يقولى " ما شاء الله ألف مبروك " ، حاجة مستفزة جدا.

**Goodle** · 05-09-2008 03:32 AM

متابع... وميت على روحي من الضحك :)

**M_HaFeZ** · 07-09-2008 03:07 PM

انا اكتر سؤال بيقرفنى اوى وبابقى عايز ارد على اللى بيسأله رد يخليه يسكت
انا عموما باشتغل فى محافظه ومتجوز فى محافظه تانيه
السؤال الرخم ... ليه مسكنتش فى المحافظه اللى انت شغال فيها

وانت مال ****** يعنى .. والله بامسك نفسى كل مره
وانا من الناس اللى مبتحبش تتدخل فى خصوصيات الناس
مع العلم انى لو رديت هاسكت اللى بيتكلم وخصوصا انى باعرف ارد كويس اوى

**Casio2000** · 07-09-2008 11:28 PM

دي مجموعة من احلى الاجبات مش الاسئلة

س- أنا في اكتوبر و شغلي في مدينة نصر و بفكر اجيب عربية ولا ايه رأيكم ؟
ج- انا عن نفسي ساكن في شيراتون و مشواري ممكن اخده بالعجلة و معنديش مشاكل خالص

س- بدور على شقة دلوقت و تكون قريبة من الشغل رأيكم احسن منطقة هنا ايه من حيث المستوى بالنسبة للسعر
ج- ياااااه دانتا اتأخرت قوي دانا واخد شقتي من كام سنة و كانت بمش عارف كام دلوقت يبني الاسعار نااار و كله نصب

س- انت عربيتك الكورولا 2008 بتستهلك بنزين اد ايه ؟
ج- مش عارف بالضبط تقريبا مش عارف كام لتر بيعملوا ابصر ليه كيلو (مش دي الاجابة اللي تنقط)
ج- يااااه دانا عربيتي موديل حاجة و ستين 500 سي سي حطيتلها 5 لتر بنزين من ساعة ماجبتها مخلصوش (هي دي الاجابة اللي تنقط)

س- يا جماعة اروح السلام ازاي ؟
ج- ايه اللي موديك هناك ؟

س- الساعة كام ؟
ج- ليه؟ وراك حاجة ؟

س- العربية دي اللي بتقوللي خليجي ليها ضمان ؟
ج- حضرتك دي ياباني مابتعطلش و مش محتاجة ضمان و كدا كدا اللي عندهم ضمان عملوا بيه ايه ؟

س- الكورولا ال 2008 اللي راكنة عندك في المعرض دي تقفيل ايه ؟
ج-امممممممممممم ياباني يا باشا

س- لو سمحت انا عاوز اشتري هارد ديسك ساتا بس اسمع عن حاجة اسمها ساتا 2 ؟
ج- دا اللي بيركب في الابتوب و بيبقى بضعف السعر فاخد اللي عندي دا احسنلك

**thegoodhacker** · 08-09-2008 02:14 AM

اكتر سؤال بينرفزني حاليا هو ( انت ليه ما اتجوزتش لغاية دلوقتي ؟ )
طبعا السؤال ده من حد اعرفه طبعا وبتبقي دايما الاجابة ( ربنا يسهل ان شاء الله ) وفيه واحد قريبي شاب اكبر مني بكام سنة المهم كل ما يشوفني يسالني السؤال ده لغاية ما اتخنقت منه و بقيت ارد عليه بنرفزة و حاليا الصراحة باتجنب المواقف اللي بيكون موجود فيها من كتر ما اتخنقت منه........
والغريب في الموضوع ان الاخ ده اصلا متجوز وهو عنده 29 سنة وانا لسة ما كملتش 27 سنة ........
طبعا الجواز ده شيء اساسي بس ده لما ربنا بيسهل وكل شيء بميعاد

**pointer** · 08-09-2008 04:15 AM

واحده جرتنا شافت العربيه بعد سنتين قالت لي بعد ما جابت العربيه من اولها لاخرها ايه ده انت غيرت العربيه
اول ما العربيه جت جاره لينا سالت العربيه دي كاش قلت اخد فرصه اجاوب فيها ولسه بفكر قطعتني وقالت لي قسط ايه هو انت محتاج تجيب بالقسط طبعا كاش وبعدين هي كام سي سي قلت 1600 قالت لا ازاي وراحت تبص علي شنطه العربيه
امال المصايب اللي عماله تتحدف علي دي من شويه حسبنا الله ونعم الوكيل في اللي يدبني عين خليهم يحرموا
واحد صحبي قال لي اسال فلان - واحد صحبنا - هو بيهبر اي والله بيهبر قصده مرتبه كام قلت له اساله انتي وانا مالي المهم
بعديها بيومين شفته- صاحبنا اللي سأل - قلت له انت بتهبر كام علي شان يحرم اعد يقول لي ايه يا عم ده انت بتقر عليا واعد يقراء قرآن ربيته

**ams** · 08-09-2008 06:28 AM

المشاركة الأصلية كتبت بواسطة Casio2000

دي مجموعة من احلى الاجبات مش الاسئلة

حلوه الاسئله دى

انت بتعمل ايه بالفتلة دى ؟ بحاول اعمل فانله

اللى عنده اجابات مبتكره يجاوب :
هو اتوبيس كام بيروح فين ؟
انت جبت كام سنة كام ؟

الموضوع: ايه السؤال اللي ما تحبش تتسأله ؟ يالا نفضفض :)

LinkBack

أدوات الموضوع

عرض

-

-

-

-

-

-

المواضيع المتشابهه

إجابة السؤال الشائع: هم اللي في التحرير فاكرين نفسهم الأغلبية؟

إجابة السؤال الشائع (هم اللي في التحرير فاكرين نفسهم الأغلبية؟)

إجابة السؤال الحائر (اللي في التحرير دول عازين إيه؟)

يالا ياشاركاوية

يالا نضحك :)

الكلمات الدلالية لهذا الموضوع

المفضلات

المفضلات

ضوابط المشاركة