الموضوع: كارير ولا سامسونج ولا شارب

المشاركة الأصلية كتبت بواسطة mr_vampire

يونيون اير وحش ليه ؟؟؟؟
تعرف رينج اسعار شارب اسبيليت 1.5 و 2.25و 5 حصان ؟؟؟

انا هارد على السؤال الاخير الاول - الاسعار معرفش غير شارب اسبليت لسه شاريه من حوالى 5 شهور ومش فاكر بالظبط كان ب 3200 أو 4200 1.5 حصان بارد فقط بالشاشه وتوزيع الهواء
وطبعا مفيش وجه مقارنه نهائيا ما بين الاتنين

يونيون اير وحش ليه - أقولك
اشتريت يونيون اير سنة 2008 - فى نفس السنه غيرو لى الكمبروسور بسبب التسريب
بعدها بلفات
بعدها تسريب فريون وبرضو بلفات اللى هيه جمع بلف زى بتاع كاوتش العربيه
بعدها المروحه الداخليه
بعدها تسريب فريون والمروحه الداخليه تانى
بعدها وبعدها وبعدها اتنيلت على عينى واتعلمت صيانة التكييف علشان اخلص من العذاب اللى كنت فيه
متوسط مصاريف صيانة اليونيون اير سنويا كانت بتصل الى 300-400 جنيه ما عدا اخر سنتين لأنى نزلت اشتريت عداد وفريون وشوية جلب كاوتش بتكلفه 300 جنيه ومن ساعتها انا اللى بشحن التكييف بتاعى والحمد لله صلحت المروحه الداخليه بعد شغل يومين متواصل لما طلع عينى وعين اهلى فيه
يعنى تقريبا انتا صارف صيانات عليه فى اخر 4 سنين فى حدود 1600 جنيه ولو كنت عارف ان ده هايحصل كنت جبت واحد جديد احسن لى

ملحوظه رفيعه
انا بشغل التكييف دايما على درجة حراره ما بين 24 الى 27 - يعنى عمرى ما جبته على 16 ولا حتى 22
يعنى انا بحافظ على حاجتى جدااااااااااااااااااااااا ااااااااااااااااااااا

المشاركة الأصلية كتبت بواسطة mr_vampire

ليك حق طبعا بعد العذاب ده كله تقول اكتر من كدة عليه.

طيب واخبار شارب ايه من ناحية التبريد والصوت وهل خاصية تنقية الهوا مجدية وتستاهل لو موجودة فجهازك واخبار الصيانة ؟؟؟

وايه سعر البارد والساخن شارب ؟؟؟؟

معلش اسالتي كتير بس لاني هشتري اربع اجهزة منهم واحد مش هيبقي اقل من 5حصان للريسيبشن فحابب اعرف كل حاجة عشان هدفع دم قلبي فالليلة ده.

انا دورت علي خمسة حصان فري استاند فشارب ملقتش. فهل هو فعلا مفيش فري استاند فشارب ؟؟؟وايه رايك فكاريير ؟؟؟

شارب تبريده بجد ولا أروع
الصوت انا شايفه كويس وبس
تنقية الهواء - البلازما بجد مش عارف اذا كان ليها لازمه ولا لأ
الصيانه - الحمد لله لغاية دلوقتى شغال بمعدل 14 - 20 ساعه يوميا وزى الفل (ظروف والدتى الصحيه تستدعى انها تبقى فى جو بارد على طول) وبدون اى صيانات وده الطبيعى

اسعار البارد ساخن مقدرش افيدك فيها لأننا فى العائله بالكامله معرفش حد جاب تكييف بارد ساخن - كلنا بنجيب بارد فقط

التكييفات الكبيره معنديش خبره بيها وان كنت قريبا جدا هالبس فى الحيطه فى تكييفين 3 حصان وواحد 5 حصان - ف دلوقتى انا اللى مستنيك تدينى خبرتك لما تخلص

هو بس انا عندى ملحوظه رفيعه - انت مختار توقيت صعب جدا للشراء - انا دايما باشترى فى الشتاء او بالكتير شهر 5 ----- لكن 7 و8 و 9 ولا فيه عروض ولا خدمة عملاء وكله بيبقى سلق بيض