كارير ولا سامسونج ولا شارب

**mailo** · 12-01-2011 02:41 PM

أنا عايز أجيب تكيفين ومحتار مابين 3 أنواع دول كارير ولا سامسونج ولا شارب

أولا أنا عارف إن السامسونج كويس أنا مجربتوش بس بثق فاسمه واكيد كويس وعشان هو لسة جديد فالسوق فحيبقى كويس بس ممكن قطاع الغيار بتاعته تبقى غالية

الكارير المفروض إنه أعلى حاجة فالسوق بس أسمع إن صيانته غالية شوية

الشارب كل الناس بتشكر فيه و بيقولوا الشباك بتاعه تحفة ومفيش زيه

مش عارف اقرر أجيب إيه فيهم
بس الأكيد إني هجيب واحد سبلت وممكن التاني شباك أو سبلت على حسب بقى عشان ناس بتقول ال الشباك بيزن وبيبوظ بسرعة

أنا عايز التكيف 2.25 hp

لو حد يعرف يفيدني فالنوع ولمركة ياريت

ولو فيه شرح عن الفروق بين الشباك والسبلت والمعركة يبقى تمام قوي
وشكرا

**Amrrr** · 12-01-2011 03:03 PM

انا مجرب كارير كتير
السبليت هايل وصوته طبعا مفيش لأنه بيبقى برة
الشباك حلو بس صوته عالي بطريقة ملحوظة
ماشاء الله مفيش ولا واحد منهم عطل !!! بتاع اوضتي بس عطلان وهاصلحه ان شاء الله في الشتاء دا & ودا راكب بقاله اربع مواسم صيف وشغال طول الصيف بارد طبعا وفي الشتاء مروحة عشان كنت بادخن في الاوضة على طول فــ تقريبا الجهاز ماكانشي بيتطفي بقاله تلات او اربع سنين ومن غير ولا مرة صيانة ودا طبعا استهلاك مش عادي

الماركات التانية اللي انت قلت عليها انا مجربتهاش ولا سمعت عنها حاجة

**elmkaneeki** · 12-01-2011 03:05 PM

Sharp والله ممتاز عندنا فى البيت

**Hussein_Emara** · 12-01-2011 03:30 PM

ميزة شارب انة بضمان العربي

ناس محترمة جدا

**shooter123** · 12-01-2011 03:38 PM

الكارير طبعا عن تجربة بيستحمل وقوي جدا وعلي فكرة صيانته زي ما انت قلت غالية ولكنها قليلة الحدوث

**م.محمد علاء** · 12-01-2011 03:42 PM

شوف يا فندم
أول االفرق بين السبليت و الشباك.
إن الأول وحدتين منفصلتين..الأولي الخارجيه تحتوي على الكباس و الكوندينسور و مروحة تبريد الكوندينسر.
أما الثانيه الداخليه تحتوي على المبخر و مراوح تقليب وسحب الهواء حتي يمر على المبخر(السربنتينه) منخفضه الحراره..عشان تديك هواء بارد في الصيف.
لو الكتييف مزود بدائره عكسيه(يعني التكييف بارد وساخن)بيكون فيه صمام بيعكس إتجاه الدائره و يخلي السخن بارد والعكس (بالبلدي كده.)
طبعا الشباك رخيص مقارنة بالسبليت.بس صوته عالي و مزعج جدا.وإن كانت صيانة سهله مقارنة بالتاني.
الإسبليت غالي و صيانته معقده نوعا ما..بس ممتاز من ناحية القدره و الكفاءه و إنخفاض صوته و تكلفة تشغيله.
من ناحية الأنواع.
أنا أرشح كاريير..و ويستنجهاوس و شارب بالترتيب.
صيانة الأجهزه مش مكلفه زي محضرتك متصور ولا تختلف بإختلاف أنواعه إلا قليلا

**eldell** · 12-01-2011 04:03 PM

شارب ياباشا عندنا بقاله 3 سنين بجد ملوش

**age** · 12-01-2011 05:45 PM

Sharp ممتاز

**amribrahim** · 12-01-2011 05:49 PM

شارب حلو بس غالي

سامسونج جامد بصراحة و سعره حلو يعني متوسط

كرير مش قوي زي الاتنين التانيين بس برضو مش بطال

أنا عندي 3 سامسونج في البيت و بجد تلاجة بمعنى الكلمة

-

الموضوع: كارير ولا سامسونج ولا شارب

LinkBack

أدوات الموضوع

عرض

-

-

-

-

-

المواضيع المتشابهه

تجربة مع يونيون جروب ( وكيل سامسونج ) ونصيحة فى موبايلات سامسونج ..

سماعة بلوتوث سامسونج مع سامسونج اندرويد - أرجو الإفادة

ايهما الافضل تكييف شارب ولا سامسونج؟

اية افضل تكيفات موديلات كارير الجديدة

سعر تكييف شارب

الكلمات الدلالية لهذا الموضوع

المفضلات

المفضلات

ضوابط المشاركة