الموضوع: وبعدين فى الهبل ده الناس دى زودتها قويأقباط منشأة ناصر يقطعون طريق الأتوستراد احتجاجا

فاكرين حادثة قطار الصعيد لما اتحرق طب مكان سواق القطار مسيحي وموقفش الا لما القطر اتفحم باللى فيه والحكومة عشان تخرج الموضوع من ان يحصل فيه فتنة اثنوا على السائق عشان وقف القطار وجابوا تبريرات ان القطار مفهوش مريات ؟!! طب مفيش مريات مش هيشوف الحريقة المهولة في القطار خلفه عشان محدش يفكر ان ممكن السواق يكون قاصد عشان جميع الركاب مسلمين راجعين يقضوا اجازة العيد في الصعيد وقالوا انبوبة البوتجاز هي السبب مع الدهانات الجديده للعربيات مع العلم ان اي حد شاف القطار قال ان مش ممكن انبوبة بوتجاز ده نابلم عشان كان فيه جثث محروقه على شباك القطار ما لحقتش تنط من القطار وجثث محروقة وهيه نايمه وجثة ام شايله طفل رضيع متفحمين .... ليه احنا ماقلناش المسحيين هما اللي وراء الحكاية وعملنا هيصة على الرغم ان كان فيه ناس شكه انهم وراء الموضوع بسبب التوقيت والرد على موضوع الكشح ليه احنا مسمعناش الكلام ده وعملنا هيصه وكسرنا الدنيا ؟!! عشان ما ينفعش الامور تتاخد كده بهبل وندور الضرب في اي حد .......... على فكرة بالعمايل دي بيفقدوا التعاطف معاهم ولو الدنيا ولعت مش في مصلحتهم ياريت الناس تفهم كده كويس وتعامل الحكومة مع الاحداث دي بيفكرني بمتش الجزائر والبروبجندا الاعلامية الفاشلة من غير شغل فعال واللى في القلب في القلب .... ياريت يكون في وقفه للوضع ده عشان البلد ماتولعش بجد

وفي صور تاني ماتنفعش تتعرض

شوفوا .. الموضوع ببساطة ان التظاهر مع أعمال الشغب والتكسير يتنافى مع تعاليم المسيحية ، وفى كل عظات التعزية اللى عملها أساقفة الكنيسة للتخفيف علينا من الأحداث الأخيرة كانوا بينكروا على الشباب الحكاية دى بغلظة وانتهار لأنها خطية كبيرة، ومافيش معلم مسيحى هينصح بحاجة ضد التعليم المسيحى. فالموضوع مفروغ منه.

وزى ما قلت العظات دى موجودة للى عايز ، بس الظاهر انكم عايزين تصدقوا اللى انتم مقتنعين بيه بس.

كون حصل خروج عن كده فده يرجع للى قام بيه ، مع التفريق بين المظاهرة والشغب من ناحية والوقفة السلمية من ناحية أخرى اللى هى لا تتنافى مع التعليم المسيحى فى شئ.

فاللى عايز يخليه مصدق أن الكنيسة اللى هى الدولة الصغيرة بتحرض شعبها على الشغب وتكسير الدولة الكبيرة علشان شوية مظاهرات طلعت يخليه مصدق مش مشكلة ، بس مش هى دى الحقيقة.

وبالنسبة للى اتقبض عليهم فى المظاهرات ، فاخلاء سبيلهم ده مش كأن شئ لم يكن ولا حاجة وإنما بيبقى على ذمة قضايا .. والموضوع مابيخلصش كده. زى اللى حصل فى مظاهرات مسرة اتقبض على مسلمين ومسيحييىن وكلهم افرج عنهم على ذمة قضية الشغب.

ويا أحمد سو يا عزيزى ، ربع قرن كتير قوى ، انت نسيت مظاهرات عمال الغزل بالمحلة اللى ماكملتش سنتين تلاتة ، واللى حصل فيها؟؟ وغيرها كتير بس كفاية دى.