الموضوع: وبعدين فى الهبل ده الناس دى زودتها قويأقباط منشأة ناصر يقطعون طريق الأتوستراد احتجاجا

المشاركة الأصلية كتبت بواسطة egyzizo

وزى ما قلت العظات دى موجودة للى عايز ، بس الظاهر انكم عايزين تصدقوا اللى انتم مقتنعين بيه بس.

كون حصل خروج عن كده فده يرجع للى قام بيه ، مع التفريق بين المظاهرة والشغب من ناحية والوقفة السلمية من ناحية أخرى اللى هى لا تتنافى مع التعليم المسيحى فى شئ.

فاللى عايز يخليه مصدق أن الكنيسة اللى هى الدولة الصغيرة بتحرض شعبها على الشغب وتكسير الدولة الكبيرة علشان شوية مظاهرات طلعت يخليه مصدق مش مشكلة ، بس مش هى دى الحقيقة.

هل من المعقول خروج عدة مئات فى مظاهرة بدون ترتيب او تنسيق - ده لما تحب تعمل

مقابلة لاعضاء المنتدى بيحصل فيها ترتيبات لاسابيع علشان يتقابل 20 -30 عضو .

لويس جريس الكاتب القبطى فى احد البرامج بعد حادث القديسين قال " كلنا زعلانين

وفى حالة حزن بس هل من المعقول ان كل الزعلانين اجتمعت ارادتهم للخروج من بيوتهم

فى نفس التوقيت وبنفس المشاعر والتوجه لمكان واحد ... بالطبع الامر مرتب من قبل قائد ما"

ويا أحمد سو يا عزيزى ، ربع قرن كتير قوى ، انت نسيت مظاهرات عمال الغزل بالمحلة اللى ماكملتش سنتين تلاتة ، واللى حصل فيها؟؟ وغيرها كتير بس كفاية دى.

صدقا مش متذكر عمال المحلة كسروا ايه بس اللى فاكره ان الامن تعامل

معاهم بعنف شديد ولم يترك الامور تعدى بسلام ... ياريت تفكرنى بالاحداث

انا بصراحة مش مقتنع ان حادثة القطر دي صدفة , خصوصا في التوقيت ده اللي يا دوب كانت الامور فيه هاتبدأ تهدا

و بدأت أقتنع بوجود ايدي بتلعب بغرض الوقيعة و الفتنة فعلا , و لننتظر الحادث القادم بمجرد ما تستعد الأمور للهدوء تاني