وبعدين فى الهبل ده الناس دى زودتها قويأقباط منشأة ناصر يقطعون طريق الأتوستراد احتجاجا

**نينو** · 13-01-2011 03:25 AM

اللى بيعملوه المسيحيين ده اسمه بلطجة و استهبال
لما الناس تدخل الكنيسة تصلي و تتقتل و لما واحد يدخل علي ناس في عربية قطر يموتهم يبقو اسمو استهبال برضو ؟؟؟؟
و لما حضرتك تقول المسيحين بيستهبلو و بلطجية يبقي انتي كدة متعرفش حاجة اساسا عن اللي بيحصل

**Egyzizo** · 13-01-2011 03:35 AM

المشاركة الأصلية كتبت بواسطة ahmed1981

مظاهرة المحلة لم يحدث فيها تحطيم للسيارات والممتلكات

اللي حصل هو أن المظاهرة بدأت وبدأ الأمن المركزي بالهجوم عليها

فقام المتظاهرون برشقه بالحجارة
أصله مكانش واقف يطبطب كما يقف عندما تحدث مظاهرة من مسيحيين
وتم إعتقال العشرات

لكن لا كسروا عربيات ولا حاجة

وكان فيه يافطة في ميدان الشون عليها صورة الريس وتم تكسيرها

انت راجل عسل يا أحمــد ..
على طول معترض كده على أى حاجة
على العموم أنا هابقى أقول لهم المرة الجاية يستخدموا الآر بى جي فى مظاهرات الأقباط
علشان مش كفاية قتل 2 فى العمرانية وعشرات المصابين ممن احتاجوا تدخل جراحى
ولا اللى دخل فى غيبوبة واللى عضمهم اتكسر فى سمالوط والكلام الفاضى ده اللى هو طبطبة زى ما انت شايف.

على أى حال معلوماتك كلها غلط بخصوص مظاهرات المحلة وأنا مستغرب انت بتعترض فى دى كمان ليه مع ان مافيهاش مسيحيين

!!!!

اقرا معايا يا أحمد كده من موقع اسلام أونلاين الكلام عن مظاهرات المحلة :

وقام كذلك عدد من المتظاهرين، خصوصًا الشباب بإشعال النيران في عدد من المحلات التجارية وتحطيم أعمدة الإنارة، بجانب تعطيل حركة القطارات القادمة من وإلى القاهرة، فيما كانت تطاردهم قوات الأمن من شارع لآخر.

وآدى يا سيدى الرابط بتاع الخبر كمان :

Read more: إسلام أون لاين.نت - الأخبار - عنف وشغب ودمار بمدينة صناعية مصرية

هه .. هتعترف ان ذاكرتك ضعيفة واللا محتاج روابط كمان؟

أقولك .. خد اتسلى فى المقال ده من المصرى اليوم علشان تعرف ان ثقافة الشغب مش غريبة علينا

عندما يغضب «يحطم» أملاكه العامة .. والأمن «يحطمه»

**dr-mohamed** · 13-01-2011 03:44 AM

المشاركة الأصلية كتبت بواسطة نينو

اللى بيعملوه المسيحيين ده اسمه بلطجة و استهبال
لما الناس تدخل الكنيسة تصلي و تتقتل و لما واحد يدخل علي ناس في عربية قطر يموتهم يبقو اسمو استهبال برضو ؟؟؟؟
و لما حضرتك تقول المسيحين بيستهبلو و بلطجية يبقي انتي كدة متعرفش حاجة اساسا عن اللي بيحصل

اهدا شوية وانت بتتكلم
محدش يعرف مين اللى قتل اللى في الكنيسة وكلنا ادانا العمل ده ايا كان مرتكبه
وحادثة القطار اي حد كان ممكن يتقتل فيها
تحب اجيب لك حوادث قتل زيها من مسيحيين ضد مسلمين ومحدش قال اضطهاد وفتنة طائفية ولا ناس خرجت تكسر العربيات وتقطع الطريق

يا تقول كل حاجة يا متقولش اي حاجة مش كل حادثة تقولوا اضطهاد وتعمد لقتل المسيحيين

**نينو** · 13-01-2011 04:23 AM

علي فكرة انا عمري مشفت دكتور بيتكلم باسلوبك ده علي العموم يا عم الدكتور انا اسف و انا هادي اوي علي فكرة و مش اي حد يعرف ينرفزني بس انت اللي كلامك كان متنرفز اوي اهدي انت شوية .

**dr-mohamed** · 13-01-2011 04:25 AM

ايه ده يا زيزو
سجاير لف في المنتدي
وعندك مشاركة سيئة لايجي زيزو

اعمله ايه بس يا زيزو الراجل هنا من 2007 يعني من 4 سنين له 128 مشاركة يقوم لما ربنا يكرمه ويعمل مشاركتين في يوم واحد يبقوا مستفزين كدة
طب انت وافرام واتعودنا على استفزازكم خلاص بقة عشرة يعني لو محصلش الواحد يقلق عليكم ولازم يبعت رسائل ويدور على تليفوناتكم علشان يطمن عليكم
انما الراجل سكت دهرا ونطق اتهاماتا

المشاركة الأصلية كتبت بواسطة نينو

علي فكرة انا عمري مشفت دكتور بيتكلم باسلوبك ده علي العموم يا عم الدكتور انا اسف و انا هادي اوي علي فكرة و مش اي حد يعرف ينرفزني بس انت اللي كلامك كان متنرفز اوي اهدي انت شوية .

حاضر يا تيتو من عينيا
يمكن لان كل شوية موضوع والواحد زهق من موضوع الاضطهاد ده
والله العظيم كلنا مضطهدين بدون فرق بين مسلم ومسيحي
يمكن وضع المسيحي افضل بيقدر ينفس عن غضبه ويعمل اللى هو عايزه واخرها كام يوم حجز ويخرج تاني لكن المسلم لو عمل الربع مش هايشوف الشمس
بس في الاخر كلنا مضطهدين

**ahmed1981** · 13-01-2011 04:28 PM

المشاركة الأصلية كتبت بواسطة egyzizo

انت راجل عسل يا أحمــد ..
على طول معترض كده على أى حاجة
على العموم أنا هابقى أقول لهم المرة الجاية يستخدموا الآر بى جي فى مظاهرات الأقباط
علشان مش كفاية قتل 2 فى العمرانية وعشرات المصابين ممن احتاجوا تدخل جراحى
ولا اللى دخل فى غيبوبة واللى عضمهم اتكسر فى سمالوط والكلام الفاضى ده اللى هو طبطبة زى ما انت شايف.
على أى حال معلوماتك كلها غلط بخصوص مظاهرات المحلة وأنا مستغرب انت بتعترض فى دى كمان ليه مع ان مافيهاش مسيحيين

!!!!
اقرا معايا يا أحمد كده من موقع اسلام أونلاين الكلام عن مظاهرات المحلة :
وقام كذلك عدد من المتظاهرين، خصوصًا الشباب بإشعال النيران في عدد من المحلات التجارية وتحطيم أعمدة الإنارة، بجانب تعطيل حركة القطارات القادمة من وإلى القاهرة، فيما كانت تطاردهم قوات الأمن من شارع لآخر.
وآدى يا سيدى الرابط بتاع الخبر كمان :
read more: إسلام أون لاين.نت - الأخبار - عنف وشغب ودمار بمدينة صناعية مصرية
هه .. هتعترف ان ذاكرتك ضعيفة واللا محتاج روابط كمان؟
أقولك .. خد اتسلى فى المقال ده من المصرى اليوم علشان تعرف ان ثقافة الشغب مش غريبة علينا
عندما يغضب «يحطم» أملاكه العامة .. والأمن «يحطمه»

محدش ذاكرته ضعيفة غير اللي ماشي يكذب أعين وأذان الناس
مرة أصل بيشوي مقالش
ومرة أصل تداوس صحي من النوم ملاقاش مراته جنبه فقال نعمل مظاهرة في الصعيد وفي القاهرة
ولما طلعت غضبانة ورجعت قال للرعية اللي إتظاهرت يا جماعة إنتم مالكم
دي كانت غضبانة ورجعت
ومرة لما أغابيوس قال بنعملها غسيل للغسيل يقول للناس أصل كان في ناس مزعلينها من جوزها وعمللها غسيل مخ فلازم كبار رجال الكنيسة يعيدو غسيل بعد أن قلقلوا المجتمع وهذا أمر عادي عند المسيحيين مستغربين ليه لما واحدة مرات قسيس تغضب لازم المسيحيين يتظاهروا ويشتموا المسلمين ويقولوا العبارة المشهورة (ياقيادة يا قيادة مستعدين للشهادة )!!

بالنسبة للمحلة فأنا محلاوي
ولما أتكلم عنها مش محتاج روابط
كل اللي حصل كان بين الأمن المركزي والمتظاهرين من عمال الشركة

لكن همجية تكسير سيارات الناس محصلتش

وحضرتك مش محتاجة الأمن يدخل ب أر بي جي
لما مبنى المحافظة يتم محاولة إقتحامة المفروض يوزع عليهم ورد
ولما العربيات تتكسر على الأوتوستراد المفروض برضه يوزع ورد
ولما الدائري يتقفل والعربيات اللي تعدي تتكسر المفروض برضه يوزع ورد

وبعدين أثناء الإقتحام على المحافظة واحد مات وواحد تاني كان مصاب بشدة ومات
إزاي يحصل كده
ده إضطهاد
المفروض كل اللي في المحافظة وكل من كان يحميها من الأمن المركزي يحاكموا بتهمة إضطهاد محبة وسلام المسيحين المتهجمين

المشاركة الأصلية كتبت بواسطة نينو

اللى بيعملوه المسيحيين ده اسمه بلطجة و استهبال

يعني نسمي اللي بيحصل في مظاهراتهم ده إيه
ترضى إنك تلاقي مظاهرة جت كسرت عربياتك إنت وجيرانك وإخوانك
والأمن وقف يحاصرهم فقط لاغير لغاية لمايخلصوا محبتهم ويمشوا

المشاركة الأصلية كتبت بواسطة نينو

لما الناس تدخل الكنيسة تصلي و تتقتل و لما واحد يدخل علي ناس في عربية قطر يموتهم يبقو اسمو استهبال برضو ؟؟؟؟

مش إستهبال بس
ده إرهاب وتعدي على الامنين وإيقاظ لفتنة لعن الله من أيقظها كمان
والفاعل لابد ياخد جزاؤه

لكن لما من حصل لهم هذا يوجهو شتايمهم وإفسادهم وإتهامتهم إلينا فهذا هو الإستهبال

**Egyzizo** · 13-01-2011 09:26 PM

خلاص يا أبو حميد أنا وإسلام أولاين وكل الجرايد كذابين وانت الصادق ولا تزعل نفسك ، وروق كده وماتاخدش كل حاجة على أعصابك.

**م. حاتم السباعي** · 13-01-2011 09:38 PM

بعد اذن صاحب الموضوع
هذه مشاركة مني في موضوع بدون تجريح
حلول التهدئة
اقتباسالمشاركة الأصلية كتبت بواسطة otefa

طيب أنا شايف أننا أتكلمنا في المشكلة كتير قوي وتقريبا وضحت الأسباب
أيه الحلول في نظركم!
ومسؤلية مين أنه يلم شمل الجميع!

الحلول من وجهة نظري هي نصائح اهمس بها في اذن الطرفين
اولا- للجانب الثائر (( من المسيحيين ))
1- علي كل مسيحي ادرك او اقتنع بما نقول من انه لا اضطهاد لعرق علي عرق في هذه البلد ان يتكاتف معنا من خلال هذه النافذه و يساهم بقدر من العقلانية علي مستوي اسرته و كنيسته و اخوانه المسيحيين في ان يوضح لهم الحقائق و يوضح لهم ان الحال العام هو المجتمع ككل مسلمين و مسيحيين ليسو في حالة مواجهه و الا لما تمكن المسلم من الامساك بالشخص المعتدي في القطار و لما اوضحت الشرطه انه مسلم كي تداري علي الموضوع او ان يتم تكليف احد المجندين المسلمين بأدعاء الاصابة امام الرأي العام و نصور ان العمل ليس طائفي بالحجة الكاذبه و علي من يريد ان يثبت كذب الحكومة في ذلك يدور بقي و يبحث (( و احنا شفنا شريط مصور لاحد المصابات المسيحيات و احدهم بيسألها هو اللي ضرب ملتحي فقالت ايوه و و الدي مسك منه المسدس ثم قال والدها لا مكنش ملتحي )) (( دا قال ايه اه قال لا اله الا الله ثم ضرب )) يعني هناك خلاف مثبت اهه ما بين الاب و الابنه فيمكن الزج بأحد حتي يموت الموضوع ده لو فيه تزييف للحقائق علي المستوي العام
2- ان يدرك كل مسيحي اولا انه يعيش بين (( 30 او 40 مليون )) مسلم قادر علي حمل السلاح و علي القدرة عن الدفاع عن دينه و و طنه فهل لو فيه اضطهاد عام كان يستطيع المسيحيين من مزاولة حياتهم و الحفاظ علي ممتلكاتهم
3- يجب ان يعلم كل مسيحي انه منذ بدء الاحداث مرت جمعتان و الحمد لله لم نجد اي تظاهر من المسلمين بعد صلوات الجمعه في الاحياء التي حدث بها تظاهر مسيحيين (( اي ان العاقل يجب ان يعلم ان الامر الذي نمر به من تفجير بجانب الكنيسة او من عسكري قتل ناس في القطار )) هو امر يرفضه كل مسلم عاقل يعرف دينه كويس
و كل مسلم يقدر الحالة النفسية التي انتابت المسيحيين في بلدنا
4- يجب علي كل مسيحي ان يدرك ان التاريخ يثبت للجميع ان حضن البلد هو من يسع الجميع لا هجرة تنفع صاحبها لانه بيكون مهاجر و مع الوقت بيزول منه دفئ بلده و تكاتف ابنائها من الجانبين في الازمات و المحن يعني لا يري سوي السلبيات
5- اتوقع من كل مسيحي عاقل ان يعرف ان ربنا ساترها معانا حتي الان ماذا كان سيحدث لو ان التفجير كان لا قدر الله حدث داخل الكنيسة ذاتها من مكان للصلاة
ثانيا - للجانب الثائر من المسلمين
1- يجب ان يعلم كل انسان مسلم ان وحدة هذه البلد و تكاتفها هي التي تجعلنا نستطيع ان نصد اي خطر خارجي (( و يا مكتر الخطر حولنا )) و من حق كل انسان ان يسلم في مكان عبادته و في حياته العامه و ان تكفل له الدوله حق الحياه بدون خوف او فزع
2- حينما مرت بنا كمصريين ازمة الشاب المصري في لبنان الذي مثل به و كان من كان بالله عليكم يا مسلمين يا موحدين بالله الم يكن بنا كلنا ضيق كبير و شحن معنوي للاتي (( انه حرام ان يفعل ذلك بأنسان ايا ما كان - مهما فعل فهناك محكمة و دوله لها ان تردعه - انه مصري )) الم يحز في نفسنا كلنا انه مصري
نفس الشئ للمسيحي حينما يجد ان التفجير الان موجه نحوه دون غيره العام الماضي او الذي قبله لا اذكر (( انما هم يذكرون )) استهداف بعض المسيحيين دون غيرهم (( طب ما نلتمس ليهم العذر فيما يمرو به من احزان متتاليه من باب العدل و الانصاف
3- ان يتذكر ايضا كل مسلم ان احتوائنا للاقليات ليس ضعفا و انما هي اصول فرضها علينا ديننا كي يعيشو في وطن تحكمه اغلبيه مسلمه فيجب ان يأمنو من غدر المجانين و المشعوذين
4- يجب ان يتذكر كل ثائر مسلم ان كل الحروب التي خاضتها مصر ضد العدو الصهيوني او الانجليز او الفرنسيين كان من بين جنود الوطن المسيحيين و لم نسمع عن حالات مثلا لا سمح الله تم فيها انهم انسحبو من قتال او مواجهه او انهم عملاء مجندين لخراب الوطن
5- نفس الشئ
اتوقع من كل مسلم عاقل ان يعرف ان ربنا ساترها معانا حتي الان ماذا سيحدث لو ان تفجير (( لا قدر الله )) يحدث داخل مسجد

موضوع مسئولية مين دي بقي ارجعها لينا كمواطنين ككل

و هذا مجرد رأي لا افرضه علي احد

م.حاتم السباعي