الموضوع: حادث سيراتو هو في اية

المشاركة الأصلية كتبت بواسطة spectra_2006

اوعى تكون زعلان يا باشا انا بس بهزر مش اكتر , وارد جدا ان كدة يحصل و ربنا يسترها مع الجميع , و بالنسبة لصاحبك الحمد لله انه طلع منها سليم لان زى ما بيقولوا اى حاجة تيجى ف الحديد تتعوض

مين قالك اني انا زعلان
انا بفهمك بس اللي حصل
ده احنا في المنتدي كلنا اخوات

المشاركة الأصلية كتبت بواسطة moha4tec

السلام عليكم
حضرتك ثبات اه اللى على 160 و داخل على صنيه فيها قضبان قطار و بيخمس فيها على 160
اتحد اى عربيه متتقلبش اصلا فى الحركه دى دى الكوتشات مفرقعه و السبب اتقال انه كان على سرعه عاليه و فقد السيطره
و ده ممكن يحصل مع اى عربيه لانه خطا سواق
و لو عوزيم اجبلكم حوادث كتير لانواع مشهوره و غاليه بملايين و مقلوبه و مفعوصه و مطبقه خالص عادى جدا
بس هل ساعتها هتقدر تقول على فرارى او لامبورجينى او بورش او غيرهم عامتا بسبب حادثه فرديه انها اثبتت فشلها و ما الى ذلك و انها مفيهاش ثبات و كده ..........
حضرتك الكاوتشات مفرقعه فى اول حادثه و بتاع ال 131 هو اللى غلطان و دخل فى السيراتو و الكاوتش فرقع و اكيد على سرعه لو كاوتك فرقع و انت على سرعه و معرفتش تتصرف ممكن تتقلب طبعا ,لا دا كمان واحد خبط جامد و ساعة انت ما تتخبط مبتبقاش فاهم حاجه و مخضوض و مبتعرفش تتصرف اصلا و بعديد لما واحد يخبط و يطلعك على الرصيف و كاوتشك يفرقع اكيد ممكن تتقلب خصوصا انهم كده شكلهم دخلو فى بعض من تقاطع 90 درجه
و بالنسبه للحادثه بتاعه قضيب القطار غلطة سواق اكيد لانى عمرى ما شفت المنظر ده قبل كده
و عموما يا جماعه فى الحادثه التالته السيراتو الحمرا الكابينه سليمه مش زى العربيه التانيه الكابينه راحت فى داهيه و اللى فيها ربنا يتولاه
و فى الاو و الاخر ده عمره و قدره باذن الله
ان لله و ان اليه راجعون
و نصيحه باش المواضيع دى
و حوادث اعربيات كترت اصلا اوى
و اكيد الحوادث الاكتر من نصيب الفرنا و الانسر و الالنتر و السيراتو و اى عربيه منتشره
و ده ميعبهاش و لكن بما ان كل الشعب ركبها فهتلاقى عيال ركبوها و قلبوها او ناس اول مره تركب او ناس ماجره عربيات و مش هاممها او ناس طايشه او ظروف حادثه او غيرها و غيرها .....
و نسبة الحوادث بتقل فى العربيات الغاليه اوى عشان محدش قادر يجبها و عددها قليل جدا بالمقارنه بالعربيات الكورى
يعنى على طريق السفر عمرى ما شفت عربيه مرسيدس او باسات و انواع غيرها تانيه بتزود عن 90 او 80 او 100( فى طريق السفر)(( و نادر اوى لما تلاقى حد بيجرى منهم و غالبا بيكون شاب روش و بيروش)).لان اغلبهم بسواق خصوصى او تبع شركه و اكيد بيسوق بقاله سنين و خبره جمده و مبيجريش عشان يحافظ على اكل عيشه او عشان العربيه اى حاجه فيها غاليه جدا ,او راجل كبير وخد العربيه انها منظره فقط زى رجال الاعمال ,و على النقيض بنلاقى الشباب اللى معاهم العربيات الكورى بيجرو جامد جدا و يقفلوا عدادات و سرعات فى طرق مينفعش الجرى فيها
يعنى المشكله مشكلة سلوك اللى سايق و قلة خبره و انتشار العربيات لنوع معين بكثره رهيبه زى الانواع اللى انا ذكرتها
انا مش بنتقد حضرتك بس انا كنت حيادى و ذكرت الاسباب اللى انا شايفها من وجهة نظرى
و لازم نفرق ان العربيات بيركبها اى فئه من الناس و بعد كده تحكم
يا راجل الواحد بيبقى واقف على جنب او راكن و تلاقى حد متهور بتاكسى او مكروباص عمل الواجب و جرحلك العربيه و بهدلها و عمرك اصلا فى اى حادثه ما هتاخد مليم احمر من اللى غلطان لان القانون اخره يعملك محضر و شكرا على كده
و اللى خبطك و غلطان يمشى عادى دا غير البهدله فى القسم و حجز العربيات لمده كام يوم و فى الاخر ترجع(( بخفى حنين))
و ناس كتير بتطلع رخصه و هى ملهاش فى السواقه و بتبهل الشوارع و هى بتتعلم و الناس دى كترت اوى اوى
بجد خلاص الواحد زهق و هو ماشى بالعربيه او على رجله حتى فى الشارع
تلاقى اللى بيرمى العربيه عليك و اللى بياخد غرزه و مبيبصش فى المرايا اصلا و غير كده شتيمه رهيب و قلة ادب و هما غلطانين ,و كمان سلوك الناس بقى وحش او اوى فى اى حته و زحمه و محدش مستحمل حد اصلا,
و ارجوا ان تتقبل كلامى بصدر رحب و كلامك كله على عينى و على راسى
و السلام ختام

انا مش بهاجم العربية ومعاك حق في كل كلمة قلتها ومقتنع بكلامك 100 لان معظم الحوادث شباب
الي فرحان ان بياخد غرز ممكن عم عزرائيل يديلة علي قفااااااااااة بهزر طبعا

المشاركة الأصلية كتبت بواسطة bmw3m007

و كله من ( زقزقة دماغك ) دي
هههههههههههههههههه
انت راجل عسل و اللـه

المشاركة الأصلية كتبت بواسطة bmw3m007

ده انت طلعت من الزقازيق كمان يا باشا

المشاركة الأصلية كتبت بواسطة bmw3m007

ههههههههههههههههههههههههه ههههههههههههههههههههههههه ههههه

والله انت الي دمك عسل انت منين بقي؟

المشاركة الأصلية كتبت بواسطة kamalsalem

انا حابب اتكلم عن ظاهرة غريبة ف بلدنا

1000 عربية سيراتو من 2 ونص مليون عملوا حوادث.... تسبتهم قد ايه؟ والشريحة العمرية اللي راكباها شكلهم ايه... يبقى العربية اللي وحشة؟ يا جماعة انا جريت مع العربية دي لحد 205... ف بلاش كل ما عربية تعمل حادثة حالاً نطلق الاحكام "أصل السيراتو دي عربية فاشلة"... لأ هو الفشل فينا... الشباب الصغير اللي انا بشوفة راكبها ده... لقى 115 ألف فييييين؟ اكيد الشاب اللي لسة في الجامعة مبيعملش بيزنس بالشكل ده... يبقى هو مش دافع فيها حاجة... ف يبقى العيب مش في العربية العيب في اهمالنا...اللي يخمس في ميدان ده يستاهل اللي يجراله الصراحة.

الموت مش بعيد على حد... وصدقوني كل عربية في الدنيا ليها حد في السرعة بعده بتلاقي عزرائيل قاعد على الكرسي اللي جنبك وبيقولك اهلاً بيك يا مان

حبيب قلبي بقي تاعب نفسك من الشفرولية لحد هنا لازمتة اية التعب يارجل اكيد جاي بولونيز

المشاركة الأصلية كتبت بواسطة kamalsalem

بعده بتلاقي عزرائيل قاعد على الكرسي اللي جنبك وبيقولك اهلاً بيك يا مان

جامدة موت علي فكرة ويحصلة زي ما تيتنك غرقت انت فاهمني

المشاركة الأصلية كتبت بواسطة hm414

اه صحيح
في حاجه عقدتني برضو
من اسبوع كنت مروح للبيت
وجوه الحاره عندنا لقيت سيراتو جديده المهم راكن في نص الشارع فزمرتله
جالي البواب قالي لا دي عطلانه هنا
قلتله ازاي يعني طب زقوها على جنب
قالي مش عارفين نزقها المقصين مقطومين وكل عجله لافه لاتجاه غير التاني
وفعلا بشوفها
عجله رايحه يمين وعجله رايحه شمال
فهل ياترى عربية جديده زي دي تعمل كده ولا ايه ممكن تكون حكايته؟؟؟

تحياتي

ينهار اسود كويس انة منقلبش زي الفديو الاولني اشكرك ياباشا علي مشاركتك

المشاركة الأصلية كتبت بواسطة spectra_2006

بصراحة انا مش بحب السيراتو الشكل الجديد و ده لعدة اسباب:

1 - انا مش بدفع المبلغ الكبير اللى هدفعه فيها علشان الاقى عيب ف العفشة و الثبات قليل شوية و الجنط الـ 17 بيحتاج اسلوب معين ف السواقة .

2 - انا مش بشترى عربية عايز لما اجى ابيعها ادوخ , ده انا حتى لو مش من هواة التغيير ف العربيات ببص على مجلة الوسيط او على مواقع تجارة العربيات الاقى ف قسم الكيا - السيراتو كل اللى معروض هو الشكل الجديد و مش لاقى اللى يشتريه .

3 - انا عن نفسى بعشق المواصفات الخليجى , ف ايه اللى يخلينى اشترى العربية يا اما اتنازل عن المواصفات الخليجى يا اما مش هدخل الضمان .

4 - و اخيرا انا مش بحب الجرى و الشد بس لو حكمت , احب ان العربية تجمع معايا بسرعة و متخذلنيش .

بس موضوع الحوادث و الحكاية دى ف ده موضوع مختلف , اى عربية معرضة للحوادث لان الحادثة بتحصل ف ثانية واحدة و بتبقى نتيجة غلط ف معظم الحالات و لو مش غلط السواق يبقى غلط السواق التانى , و عموما ربنا يستر علينا جميعا و يباركلنا ف عربياتنا .

انا اسف اسف انى اعترض على حاجة انت قولتها يا medoakef الموضوع ده مش صحيح خالص و بالعكس تمام انا شايف ان البومة قمة الثبات و صاج كويس جدا جدا .

انا كان معايا سوبر اكشن لمدة سنة لحد 140 زي الفل وماسكة نفسها جااااااامد علي عكس الكورولا 2005 كانت معايا 1.6بس الله يرحمها بقي اتسرقت كانت من اول 140 تبتدي تخاف ويسلام لو فية شوية هو اكنك ماشي 180 ومع العلم والدي كسر بيها 180 بس هدي لعدم الاحساس بالثبات
الاوبترا بقي ودي حاجة غريبة نوعا ما العربية اعلي من الكورلا والانسر وثبتها اعلي منهم وشديت مع عمي لانسر سوبر اكشن علي طريق الروبيكي سبق شوية في الاول لكن جبتة ولما وصلنا 140 احنا سبقنا لان العربية بترعش شوية لكن الاوبترا لا ملحوظة الاوبترا الي من السيراتو

المشاركة الأصلية كتبت بواسطة ahmed_mido1889

طب بصوا الكيا سيراتو لما باست الادا بوسه عاديه ايه اللي حصل في الادا

متاكد انها بوسة؟وصغيرة؟
ولا حصان من ال124 حصان رفصوها
طب السيراتو جرلها اية