حادث سيراتو هو في اية

**hpxp** · 16-01-2011 12:38 AM

الي باقي الاعضاء ومحدش يزعل مني معلش مش هعرف ارد علي الباقي انا واحد من الناس بيعشق العربية دي وبفكر بجد اجبها ومش بهجمها كمان سمعت ان فية عيب في العفشة وقلت ماشي انما لدرجة تنقلب هاخد ديلي في سناني واقلب لاني مجرب احساس القلب قبل كدا في عربية العن 504 وغنية عن التعريف
وانا بشد مع عمي علي طريق الروبيكي نزلت في نقرة غويطة عي 140 فديتها بس العجلة الي ورا اخدتها يني مثلا مكسرتش مساعج ولا مقص زي عربية( بشمهندس غازي كنت متابع المنتدي قبل ما اشترك) وطلعت وكملت عادي بس ولو قلبي لسة مرفرف مع العلم اني معايا اوبترا 2009 يعني اخو العدو اللدود كروز و السلام عليكم والي اللقاء غدا

**hpxp** · 16-01-2011 12:41 AM

المشاركة الأصلية كتبت بواسطة ahmed_mido1889

السيراتو وشها اطبق لحد الريدراتير وكبس علي الماتور والفوانيس طارت سليمه بس ودانها اتكسرت
والكبوت عمل 8
والرفرفين فيهم تطبيق
بس

بس!!!!!!!!!!!!!!!!!!!!!!!!!! سبحان الله قدر الله ومشاء فعل وربنا يعوض علي صحبك ويعوض لي بتاع السيراتو ويهدينا كلنا للسرعة القانونية

**NFS** · 16-01-2011 12:48 AM

المشاركة الأصلية كتبت بواسطة medoakef

لان البومه عفشتها نعمه و بتاخد و تدي يعني بتعمل ليونه علي الملف بتقرص علي المساعد اوي و بتخلي العجل ياكل في الارض جامد و ده الي حصل لي العجل حسيت ان في فيل اعد عليه لان المساعد ضغط عليه اوي

العفشة الناشفة هى الافضل فى الملفات لانها بتحتاج قوة و تحميل من العربية اكبر علشان تعمل نفس المشوار الى بتعملة العفشة الناعمة بقوة و تحميل اقل, و القوة الزيادة دى هى تحليل لل g force الى العربية بتتعرض له, و الg force بتزيد مع زيادة سرعة العربية و انحناء الملف, يعنى من الاخر العفشة الناشفة بتقدر تحافظ على الشكل الهندسى للعربية( less body roll ) على سرعات عاليه اكتر من العفشة الناعمة.

**amado318** · 16-01-2011 01:11 AM

الى معتقد ان الادا قويه غلطان الادا صاجها ممكن يكون سميك بس ضعيف وطرى جدا وبتبهدل جامد فى الحوادث

**ahmed_mido1889** · 16-01-2011 01:21 AM

المشاركة الأصلية كتبت بواسطة amado318

الى معتقد ان الادا قويه غلطان الادا صاجها ممكن يكون سميك بس ضعيف وطرى جدا وبتبهدل جامد فى الحوادث

ولو رجعت كام صفحه هتلاقي الدليل

**dr.hazem** · 16-01-2011 01:22 AM

المشاركة الأصلية كتبت بواسطة spectra_2006

يا باشا انا معاك 100% , بس كدة الكلام اختلف لان مفيش مقارنة بين ثباتها على الطرق ف مصر و بين الطرق الجبلية بس موضوع الانزلاق ده برغم انى متعاملتش معاها كتير على طرق منحدرة الا المقطم فانا شايف انى لما بحكمها بالغيار l او الغيار 2 ف بيكون ثباتها ممتاز فعلا , و بالمناسبة طريق المقطم كله ملفات متخلفة بس الحمد لله مخذلتنيش خالص عليه , المهم فعلا انك تكون فاهم العربية و واخد عليها و هيا واخدة عليك , لانى ساعات بحس ان العربية معايا مش جماد , يعنى ساعات بحس انها ممكن تعمل معايا حاجات مش ممكن تعملها لما يكون اخويا سايقها او والدى مثلا لما بيكون سايقها مش بتأدى معاه نفس الاداء اللى بتأديه معايا , و ربنا يباركلك ف عربيتك و يباركلنا كلنا ف عربياتنا و يحفظنا من كل سوء .

فعلا ياعزيزي نزلة المقطم هي اقرب حاجه شبه الاردن.....

وفعلا كلامك مظبوط من حيث التفاهم مع العربية
لان كل عربية ليها طريقه ونوعية سواقه وشكل سواقه ميفهمهوش غير اللي يعاشر العربية....
موضوع انها عالال 1 او 2 بتبقى ثابته ده مظبوط جدا جدا وده كان حل السواقه على المنحدرات في الاردن لكن ده مستحيل تمشي بيه على طول وانا بتكلم على سرعة 80
وللمعلوميه في عربيات اسوأ من كده بكتير وهيا مسألة فنيه مش اكتر

حتى وقتها اخويا قالي انه حاسس ان نظام التعليق بتاعها فيه حاجه مش مظبوطه لانه كان بيحس بنفس الاحساس
عموما بكرر انا بتعجبني الكيا عموما والسيراتو والريو خصوصا....

المشاركة الأصلية كتبت بواسطة hpxp

ينهار اسود كويس انة منقلبش زي الفديو الاولني اشكرك ياباشا علي مشاركتك

ده يا عزيزي غالبا اخد مطب جامد جدا او حاجه وربنا سترها معاه والمقص اتقطم جوه الحاره على سرعة بطيئه
كان نفسي اشوف صاحبها واسأله لان بجد حاجه عجيبه اللي حصل معاه لكن محصلش نصيب
وده لا يعيب العربية مطلقا....

في حاجه عايز أأكد عليها...
بحكم خبرتي في السواقه بره مصر في اكثر من دوله ولمدد تزيد على ال10 سنين فإن طبيعة السواقين في مصر (ومحدش يزعل لان ده واقع أليم بنشوفه كل يوم) طبيعة السواقين هنا انهم مش بيعرفو يسوقو من الأساس !!!!
وساعات كتير بشوف تصرفات غير محسوبة العواقب وحوادث بتحصل بشكل غبي جدا لدرجة انك ممكن تقف مذهول ومش عارف الحادثه حصلت ازاي لان فكرك اساسا ميقدرش يتخيل الغباء للدرجه دي

من الامثله المشهوره مثلا
لما يكون ملف في طريق من الطرق السريعه
والملف اكثر من خانه
تلاقي اللي على اقصى الشمال داخل بسرعه عاليه جدا ويبتدي كل اما الملف يلف اكتر تلاقي بيحدف عالخانه اللي جنبه عاليمين
واكيد كلكو مريتو بالموقف المستفز ده
المفروض انتا بتلف ولا ماشي طوالي ولا ايا كان حالتك انتا فخانتك ومتتغيرش مهما حصل
لكن هنا مفيش كده
هنا انا بلف وانتا بتلف انتا على يميني تلف زي منا عايز
ههههههههههههههههههههه

مع العلم
من اهم قواعد المرور اللي علموهالنا بره ان اخطر عمليتين في السواقه هيا الرجوع للخلف وتغيير المسار....

طبعا علاوة على السواقه من غير مرايات ومن غير اضواء ..... الخ

للاسف السواقه المفروض تكون متعه
ويؤكد كلامي ان بره لما حد بيغلط بيتسحب منه الرخصه بعد عدد معين من المخالفات
وسحب الرخصه ده عقاب وحرمان من متعة السواقه فعلا
وعشان يرجع الرخصه لازم يعاد امتحانه بعد مضي الفترة المقرره

ولذلك انا مبحملش اي نوع عربية واقول النوع الفلاني وحش
انما هات سواق من بتوع توب جير يختبر العربية وبعدين نبقى نحكم عليها
هههههههههههههههههههههههه

وعالسيره دي
واحد اعرفه ومعاه ماروتي بيقولي هوا انا اقدر آخد ملف على سرعة 80 ولا الكوبلن هيتكسر؟؟؟
متخيلين التفكير
تفتكروا لو عرفتو ان فعلا بعدها باسبوعين عربيته اتقلبت هنقول الماروتي وحشه؟؟؟؟

تنبيه اخير وآسف عالاطاله
محدش مهما ركب عربية يفتكر انه ملك زمانه وان محدش قده لان مفيش عربية مبتخونش صاحبها وفي كلمة كان والدي دايما يقولهالي
انت لو بتسوق كويس اعرف ان في حواليك ناس مبتعرفش تسوق والخوف مش منك انما منهم

ربنا يستر طريقنا جميعا ويحفظنا من شرور الطريق
والحمد لله رب العالمين

تحياتي

**M.Osman** · 16-01-2011 01:56 AM

it's not the ride , it's the rider

**M.Akef** · 16-01-2011 11:45 AM

المشاركة الأصلية كتبت بواسطة spectra_2006

يا باشا بما انك كنت مالك للانسر البومة ف اكيد انت تحكم عليها اكتر منى بكتير بس انا كنت بتكلم يمكن من خلال تجربتى مع لانسر بومة 2006 الــ 1600 سى سى , لانها كانت معايا فترة و فعلا كنت و مازلت منبهر بيها كأداء و نعومة و ثبات و كل حاجة و ممكن اكون مش موضوعى ف الحكاية دى بس فعلا العربية دى بحترمها جدا ,

يا مان انا بعشق البومه زيي زيك محدش قال انها الاعتدال في كل شئ و عربيه قمه في الاحترام لكن انا دلوقتي بتكلم في موضوع تاني خالص مقارنه بين عربيتين لو السيراتو افضل كسياره كامله فدا مش معني ان البومه اقل منها الاثنين عربيات محترمه و هما الاثنين جينيرال سعرهم السيراتو كسياره فارهه و الانسر كسياره عمليه و بس كدا العربيتين بسم الله ما شاء الله و يفضل عدم المقارنه لان البومه دي تكنولوجيا 2003 و السيراتو دي تكنولوجيا 2009 يعني كتر خير البومه انها وقفه و بتتقارن لانها فعلا سياره محترمه

المشاركة الأصلية كتبت بواسطة nfs

العفشة الناشفة هى الافضل فى الملفات لانها بتحتاج قوة و تحميل من العربية اكبر علشان تعمل نفس المشوار الى بتعملة العفشة الناعمة بقوة و تحميل اقل, و القوة الزيادة دى هى تحليل لل g force الى العربية بتتعرض له, و الg force بتزيد مع زيادة سرعة العربية و انحناء الملف, يعنى من الاخر العفشة الناشفة بتقدر تحافظ على الشكل الهندسى للعربية( less body roll ) على سرعات عاليه اكتر من العفشة الناعمة.

امممممممم
لقد افتي من قال لا اعلم
لكن عشفته المرسيدس نعمه ليه الثبات بتعها لا يقارن حتي لو مفهاش اي نظام ثبات حتي لو عربيه موديل 70 بردو ثابته
اما عن العفشه النشفه فالفرنا عفشتها نشفه!
انا اشايف الحقيقه انها مش قاعده لازم تمشي عليها كل العربيات لاني فعلا شايف ان في عربيات عفشتها نعمه و ثباته و عربيات عفشتها نشفه و مفهاش ثبات و انا نقلت تجربتي في البومه و السيراتو في ملف معينا شايف ان البومه في الملفات الشديده بتمسك نفسها اكثر او ممكن لاني كنت حافظ البومه كويس و بعمل كنترول عليها لكن السيراتو لسه شريها جديده ولله اعلم عموما بعد كام الف كيلو كدا هقدر احكم حكم شخصي لان صحبي كان معاه بومه 1.6 بيقول ان ثبات السيراتو اعلي

**M.Akef** · 16-01-2011 11:48 AM

المشاركة الأصلية كتبت بواسطة hpxp

انا كان معايا سوبر اكشن لمدة سنة لحد 140 زي الفل وماسكة نفسها جااااااامد علي عكس الكورولا 2005 كانت معايا 1.6بس الله يرحمها بقي اتسرقت كانت من اول 140 تبتدي تخاف ويسلام لو فية شوية هو اكنك ماشي 180 ومع العلم والدي كسر بيها 180 بس هدي لعدم الاحساس بالثبات
الاوبترا بقي ودي حاجة غريبة نوعا ما العربية اعلي من الكورلا والانسر وثبتها اعلي منهم وشديت مع عمي لانسر سوبر اكشن علي طريق الروبيكي سبق شوية في الاول لكن جبتة ولما وصلنا 140 احنا سبقنا لان العربية بترعش شوية لكن الاوبترا لا ملحوظة الاوبترا الي من السيراتو

فعلا الاوبترا ثباتها كويس جدا عشان تقيله و عفشتها نعمه و برمو موتورها محترم لكن كمحرك البومه اقوي منه بكتير اما الكورولا ففي ناس بتسميها البلونه اصلا! لبنا يبارك لك في عربيتك يا مان و يديك خرها و يكفيك شرها

-

الموضوع: حادث سيراتو هو في اية

LinkBack

أدوات الموضوع

عرض

-

-

-

-

-

-

-

المواضيع المتشابهه

ارجو المساعدة في حادث كيا سيراتو

مساعدة.. سيراتو 2011 وكيل او سيراتو 2012 خليجى ( سعودى )

عملت حادث بسيارتى كيا سيراتو و عاوز افضل مركز بيتعامل مع تامين

حد يعرف الفرق بين كيا سيراتو المستورد بمصر وكيا سيراتو الخليجي؟

الكلمات الدلالية لهذا الموضوع

المفضلات

المفضلات

ضوابط المشاركة