حادث سيراتو هو في اية

**ahmed_mido1889** · 15-01-2011 07:40 PM

وعلي فكره اللاد هي والشاهين قوتهم في اجنابهم مش في وشهم ولا شنطتهم

**M.Akef** · 15-01-2011 07:45 PM

المشاركة الأصلية كتبت بواسطة spectra_2006

بصراحة انا مش بحب السيراتو الشكل الجديد و ده لعدة اسباب:

1 - انا مش بدفع المبلغ الكبير اللى هدفعه فيها علشان الاقى عيب ف العفشة و الثبات قليل شوية و الجنط الـ 17 بيحتاج اسلوب معين ف السواقة .

اوك سيتك انت مش بتدفع 4 الاف في عفشه كوني و تكون غير مريحه!!!!
دا شئ طبيعي كدا الsx هي الاصدار الرياضي من السيراتو و علي فكره سمعت ان في اختلافات في العفشه بس لسه متأكدش لاني فعلا ملاحظ صحبي معاه الex من سنه و عفشته حجر و انا لسه بلين و العفشه جميله جدا و حضرتك انا مش دافع 225 انا دافع 125 السيراتو ثباتها معقول بالنسبه لفئتها

2 - انا مش بشترى عربية عايز لما اجى ابيعها ادوخ , ده انا حتى لو مش من هواة التغيير ف العربيات ببص على مجلة الوسيط او على مواقع تجارة العربيات الاقى ف قسم الكيا - السيراتو كل اللى معروض هو الشكل الجديد و مش لاقى اللى يشتريه .
حد قال لحضرتك انها مش بتتباع؟!

حضرتك لو رجعت بالزمن سنتين هتلاقي ان البومه كانت مغرئه المعارض و بتتباع و مسكه سرها و عادي كدا و كمان دي ظاهره حصلت و بدئت تختفي ان السيراتو تملي معارض اليوزد

3 - انا عن نفسى بعشق المواصفات الخليجى , ف ايه اللى يخلينى اشترى العربية يا اما اتنازل عن المواصفات الخليجى يا اما مش هدخل الضمان .

حضرتك ب 2000 جنيه تقدر تدخل ضمان خليجي عادي حضرتك الي مش متابع بس

4 - و اخيرا انا مش بحب الجرى و الشد بس لو حكمت , احب ان العربية تجمع معايا بسرعة و متخذلنيش .

مين قال لسيتك انها مش بتجري حضرتك تسارع في 10 ثواني و سرعه قصوي 210 اظن انها سياره ادائها مرضي جدا

بس موضوع الحوادث و الحكاية دى ف ده موضوع مختلف , اى عربية معرضة للحوادث لان الحادثة بتحصل ف ثانية واحدة و بتبقى نتيجة غلط ف معظم الحالات و لو مش غلط السواق يبقى غلط السواق التانى , و عموما ربنا يستر علينا جميعا و يباركلنا ف عربياتنا .

كلام زي الفل:oc_sun1[1]:

انا اسف اسف انى اعترض على حاجة انت قولتها يا medoakef الموضوع ده مش صحيح خالص و بالعكس تمام انا شايف ان البومة قمة الثبات و صاج كويس جدا جدا .

حضرتك انا مالك و عارف العربيتين كويس
الصاج معروف ان البومه ورق ولله من لسان تاجر سيارات حوادث بيقول الفرنا شاسيها محمل عن البومه(كلام لا استطيع التصريح بيه و انا مالك للانسر)و هي فعلا ورق انزل اي منطقه سمركيه و اتفرج عليها اما السيراتو 1325 كيلو يا راجل راحو فين دول
اما عن الثبات انا كان معايا ال1.3 و شايف ان السيراتو اثبت منها بكتير اما ال1.6 عفشه رياضيه و وزنها زياده 100 كيلو اكيد هيكون في فرق بس انا مجربتش عشان كدا مش هقدر احكم لكن علي حد نظري ان الثبات في المنحنيات الشديده هيكون لصالح البومه ال1.6 لانه يعد عيب في السيراتو اصلا
اسف علي الاطاله
تقبل تحياتي
وشكرا

**ahmed_mido1889** · 15-01-2011 08:08 PM

المشاركة الأصلية كتبت بواسطة medoakef

حضرتك انا مالك و عارف العربيتين كويس
الصاج معروف ان البومه ورق ولله من لسان تاجر سيارات حوادث بيقول الفرنا شاسيها محمل عن البومه(كلام لا استطيع التصريح بيه و انا مالك للانسر)و هي فعلا ورق انزل اي منطقه سمركيه و اتفرج عليها اما السيراتو 1325 كيلو يا راجل راحو فين دول
اما عن الثبات انا كان معايا ال1.3 و شايف ان السيراتو اثبت منها بكتير اما ال1.6 عفشه رياضيه و وزنها زياده 100 كيلو اكيد هيكون في فرق بس انا مجربتش عشان كدا مش هقدر احكم لكن علي حد نظري ان الثبات في المنحنيات الشديده هيكون لصالح البومه ال1.6 لانه يعد عيب في السيراتو اصلا
اسف علي الاطاله
تقبل تحياتي
وشكرا

حضرتك انا كنت بشد عربيه عند سمكري قعدت سنه جاله في السنه دي 12 سياره لانسر بومه مقلوبين كلهم
وفي اللي مقلوبه وواخده خبطه في وشها بهدلاها لدرجه ان المتور دخل مكان التبلوه

**dr.hazem** · 15-01-2011 08:43 PM

المشاركة الأصلية كتبت بواسطة spectra_2006

انا مختلف معاك شوية كتير يا hm414 لان العربية سيراتو 2006 معايا بس مواصفات خليجى و شغلى على الدائرى و بيتى جنب الدائرى يعنى معظم مشيى بيها على الدائرى , المهم , انا الطبيعى ف سواقتى انى بين الـ 80 و الـ 120 و منبهر بصراحة بثباتها و معرفش يمكن السبب ان عربيتى خليجى و سبورت ف قريبة اوى من الارض و لا علشان الاعتاب و لا علشان وزنها اللى كبير اوى مقارنة بعربيات كتير من نفس الفئة زى على سبيل المثال لا الحصر اوبترا و النترا 2006 اللى بالذات ( النترا 2006 ) مقارنة بيها ( سيراتو 2006 ) الالنترا 2006 ثبات اقل بس تجميع سرعة اعلى و ده راجع لفرق الوزن اللى اتكلمت عنه .

عزيزي العربية كانت مواصفات خليجي برضو
وللعلم الدائري ده مش طريق خالص يحكم على اللفات
انا سقتها في الاردن
طبيعة الاردن جبال ومنحدرات وطرق ملتفه
يعني محتاجه سواقه بحق وحقيق ومحتاجه عربية كويسه جدا
وهناك كان يبقى الطريق لافف حوالين جبل تلاقي العربية بتتزحلق وانا واخد الملف على 80
اساسا نادرا اما عربية دفع امامي تتزحلق في الملفات وده اشهر مع الدفع الخلفي
لكن كان واضح ان فيها understeer عالي جدا جدا
بالمقارنه بعربيات تانيه كتير سقتها في نفس الظروف بأكدلك ان العربية مش راسيه اطلاقا...
بس احساس السواقه فيها ايا كان كنت بحبه...

المشاركة الأصلية كتبت بواسطة spectra_2006

كيا بالكورى معناها القادمة للعالم من اسيا او الخارجة للعالم من اسيا و ده من دليل المستخدم

The first syllable, Ki, in the word “Kia” means “to arise from to
the world” or “to come up out of to the world.” The second syllable,
a, means “Asia.” So, the word Kia, means “to arise from”
or “to come up out of Asia to the world.”

جزاك الله خيرا على التعديل
في الاردن واحد من توكيل كيا هوا اللي قالنا معلومة ان معناها الاولى
تحياتي

**think_pad** · 15-01-2011 10:21 PM

يا جماعة الخير ليه الخلاف

مفيش مشكله خالص كل واحد مشتري السيراتو وعجباه ربنا يباركله فيها ويديله خيرها ويكفيه شرها

أما بقى إنها مش ثابته وإنها وحشه دي وجهات نظر ومحدش يزعل

كل واحد بيحكم من وجهة نظره بس أغلب ملاك الكيا السيراتو مبسوطين جدا بثباتها وأنا واحد منهم وما بشتكيش من أي حاجه الحمد لله لا في ملفات ولا في غرز وعلى سرعات لحد 210 وربنا يسترها معاكم ومعانا
ويعوض عل صحاب العربيتين

قولو أمين :)

**NoRmAl** · 15-01-2011 10:45 PM

الموضوع دا المفروض كان يتعمل السنه الى فاتت :)
ولو فى عضو قديم شويه هيعرف قصدى :)
الشعب راكب سيراتو يا رجاله
فشل أيه صباح الفلللللل

**AmrStYliSh** · 15-01-2011 10:51 PM

المشاركة الأصلية كتبت بواسطة normal

الموضوع دا المفروض كان يتعمل السنه الى فاتت :)
ولو فى عضو قديم شويه هيعرف قصدى :)
الشعب راكب سيراتو يا رجاله
فشل أيه صباح الفلللللل

معلش يا نورمال هو واضح كده انه موضوع متجدد بيتعمل مع كل دفعة سيراتو بتيجى من كوريا و تتباع فى البلد

**spectra_2006** · 15-01-2011 11:15 PM

يا باشا لما تكون انت ماشي علي 80 وواحد جاي من وراك ماشي علي 180
ويجي بس يخبط بوسه من العربيه ويخليها تلف تبقي ايه؟؟
في الاخر طلعت بوسه بس غشوميه
وعلي فكره العربيه اتباعت علي حالتها دي ب14000جنيه
+ان الواد اللي خبط فيه ادله 6000جنيه علشان يتنازل عن المحضر والقضيه
يعني طلعله 20000جنيه منها
والسيراتو كل اللي حصل فيها
الوش ادعك لحد السدر و الفوانيس طارت زي ما هي بس مكان تثبيتها اتكسر
والكبوت عمل تمانيه

اوعى تكون زعلان يا باشا انا بس بهزر مش اكتر , وارد جدا ان كدة يحصل و ربنا يسترها مع الجميع , و بالنسبة لصاحبك الحمد لله انه طلع منها سليم لان زى ما بيقولوا اى حاجة تيجى ف الحديد تتعوض

**spectra_2006** · 15-01-2011 11:24 PM

عزيزي العربية كانت مواصفات خليجي برضو
وللعلم الدائري ده مش طريق خالص يحكم على اللفات
انا سقتها في الاردن
طبيعة الاردن جبال ومنحدرات وطرق ملتفه
يعني محتاجه سواقه بحق وحقيق ومحتاجه عربية كويسه جدا
وهناك كان يبقى الطريق لافف حوالين جبل تلاقي العربية بتتزحلق وانا واخد الملف على 80
اساسا نادرا اما عربية دفع امامي تتزحلق في الملفات وده اشهر مع الدفع الخلفي
لكن كان واضح ان فيها understeer عالي جدا جدا
بالمقارنه بعربيات تانيه كتير سقتها في نفس الظروف بأكدلك ان العربية مش راسيه اطلاقا...
بس احساس السواقه فيها ايا كان كنت بحبه...

يا باشا انا معاك 100% , بس كدة الكلام اختلف لان مفيش مقارنة بين ثباتها على الطرق ف مصر و بين الطرق الجبلية بس موضوع الانزلاق ده برغم انى متعاملتش معاها كتير على طرق منحدرة الا المقطم فانا شايف انى لما بحكمها بالغيار l او الغيار 2 ف بيكون ثباتها ممتاز فعلا , و بالمناسبة طريق المقطم كله ملفات متخلفة بس الحمد لله مخذلتنيش خالص عليه , المهم فعلا انك تكون فاهم العربية و واخد عليها و هيا واخدة عليك , لانى ساعات بحس ان العربية معايا مش جماد , يعنى ساعات بحس انها ممكن تعمل معايا حاجات مش ممكن تعملها لما يكون اخويا سايقها او والدى مثلا لما بيكون سايقها مش بتأدى معاه نفس الاداء اللى بتأديه معايا , و ربنا يباركلك ف عربيتك و يباركلنا كلنا ف عربياتنا و يحفظنا من كل سوء .

-

الموضوع: حادث سيراتو هو في اية

LinkBack

أدوات الموضوع

عرض

-

-

-

-

-

-

-

المواضيع المتشابهه

ارجو المساعدة في حادث كيا سيراتو

مساعدة.. سيراتو 2011 وكيل او سيراتو 2012 خليجى ( سعودى )

عملت حادث بسيارتى كيا سيراتو و عاوز افضل مركز بيتعامل مع تامين

حد يعرف الفرق بين كيا سيراتو المستورد بمصر وكيا سيراتو الخليجي؟

الكلمات الدلالية لهذا الموضوع

المفضلات

المفضلات

ضوابط المشاركة