الموضوع: موسوعة أعطال اللانسر

الصوت دة غالبا حاجة اسمها قضيب تيل فرامل ودة استراد الفردة بحوالى 40 جنية
بس فى ناس بتعرف تظبطة

المشاركة الأصلية كتبت بواسطة ahmed_bq

في البدايه احب احيي الردود الطويله المفصله اللي سبقت وانا قريتها كلها للاستفاده ولكن عندي اضافه.

انا كان معايا كريستاله مانيوال وحاليا معايا 2008 سوبر اكشن خليجي
لو بصينا لجوده العربيه من حيث مثيلاتها في نفس الفئة .. اللانسر غالبا بتكسب ... وبالنسبه للاعطال او المشاكل اللي قابلتني انا شخصيا هيا كالتالي:

جوان فتحت السقف بيتشقق ويتقطع من التراب والغسيل المتكرر .. وسعره مبالغ فيه في التوكيل 400 جنيه تقريبا

فتحت السقف احيانا مش بتتقفل من دوسه واحد ... والعيب طلع ان الموتور بتاع الفتحه كان محتاج يتربط كويس عشان كان مهوي شويه

فيه لمبة الd عندي اتحرقت وغيرتها

فيه صوت تنقير كده مع الكسر وعيون القطط بحس انها من البطاحات.. وده كان بردو موجود في الكريستاله .. ومش عارف ايه سببه وايه علاجه بس عموما الطرق الزفت بحس انها اساس المشكله لان عربية ابويا الكرولا كده وعربية اخويا اليارس كده بردو والاتنين تويوتا

السحب !!! محش يتكلم عنه بصراحه الا اذا كان عنده مشكله ... العربيه ماشاء الله تبارك الله في السحب انا كنت بجيب 100 في 10 او 11 ثانيه على نقلة ds

الثبات !!! انا اكتر سرعه جبتها 160 وبعد كده خفت عشان مضمنش الطريق والغباء بتاع الاخرين عشان اقدر الم نفسي لا قدر الله في اي مشكله ... غير كده 160 رضا اوي ... وانا على 160 كنت ممكن اسيب ايدي .. الموضوع مله ظبط .. لاني لسه مغير الكاوتشات بريدجستون ومرصص وظابط زوايا زي لفل الحمدلله

صوت الموتور هوا بصراحه خشن وعالي عن الكورولا والياريس ... بس بصراحه شديد ماشاء الله.. وصوته بيوصل لدرجة الرخامه مع الكيك داون

بالنسبه لصوت التزييق اللي قي الزجاج الامامي ... ممكن من جوه تزقه شويه لان عندي لاحظت ان السيليكون بتاعه ساب من ناحيتي كده ولما لزقته بقى زي الفل... كان عندي تزييق كده زي ميكون جلد بيحك في بعضه في الملفات بالذات ,,, وبعد ملاحظه لقيت ان الباب اللي ورا السائق كان ملووح سنه وبيبان لما بيتقل انه خارج سنه عن الباب الامامي لوحته بايدي بقى مساوي للامامي وبالمفاجئه الصوت راح :)

خلاصة القول ... العربية منتشره ومحبوبه ومرغوبه وده سبب غلو سعرها اللي مبالغ فيه الحقيقه ... الحاجه التانيه اللي عايز اقولها زي مقالها بعض الزملاء ان دي اعطال فرديه وليست عامه ... وانا موسوس جدا محبش اي فسفوسه في العربيه والحمدلله العربيه دي مريحاني والحمدلله وربنا يحميها

اسف على الاطاله وشكرا جزيلا

good information
tahnks alot

المشاركة الأصلية كتبت بواسطة egy77
ممكن تكون سوستة من اللي ماسكين التيل عشان ما يتحركش مش موجودة او عاوزة ظبط.

الموضوع بسيط خلي بس ميكانيكي يشوفهالك

المشاركة الأصلية كتبت بواسطة kh_talaat

غيرت التيل وقمت بخرط الطنابير لكن الصوت مراحش

على فكره لما خرطت الطنابير كان لسبب تاني وهو اهتزاز الدركسيون لما بدوس فرامل مش بسبب صوت الطقة وكان عندي اعتقاد ان الصوت بسبب نوع تيل الفرامل لكن للأسف الصوت استمر

اعتقد انو خراطة الطنابير لم تتم بالشكل المطلوب
تحياتي

المشاركة الأصلية كتبت بواسطة mody1221

عندى صوت هبدة فى الدركسيون وانا بركن لما اكسر كلة يمين او كلة شمال اول ما الدركسيون يجى للاخر اسمع صوت هبدة جامدة دة من اية ؟؟وكنت عايز اعرف حاجة كمان اية هيا البارات والتيش ؟؟؟

راجع jiont
ومش عارف ايه اسمها بالمصري
نحن نقول عليها الكونات