النقل المباشر لاحداث الاضراب -الجزء الثاني

**eto_cairo** · 01-02-2011 07:54 PM

البلد فى مأزق سواء خرج مبارك او لم يخرج ....... حقيقى يا جماعة خسرنا كتيييييييييير فى كل الحالات والذى اوصلنا لهذا عناد مبارك ليس الان ولكن قبل مالايقل عن 10 سنوات ربنا يستر علينا

**Mohamed_Rashad** · 01-02-2011 08:18 PM

المشاركة الأصلية كتبت بواسطة eto_cairo

البلد فى مأزق سواء خرج مبارك او لم يخرج ....... حقيقى يا جماعة خسرنا كتيييييييييير فى كل الحالات والذى اوصلنا لهذا عناد مبارك ليس الان ولكن قبل مالايقل عن 10 سنوات ربنا يستر علينا

خسرنا كتير صح و ممكن نخسر أكتر بس كتبنا لنفسنا و لولادنا مستقبل أحسن و أنظف من مستقبلنا ان شاء الله.
و اللي ربنا قدر له يتولى زمام الأمور في مصر هيفضل فاكر يوم 25 يناير لو فكر يكون زي اللي مايتسمى...
مافيش ثورة شعبية حقيقية تمت من غير خساير بشرية و اقتصادية.
كنا كلنا نتمنى من قلوبنا أن التغيير يتم بسلام و بدون خساير أو بأقل خساير ممكنة و لكن هذا السيناريو غير موجود في قاموس الرؤساء العرب.
أشعر بقلة الحيلة و بالخجل لعدم مشاركتي مع أهلي و ناسي في لحظات تاريخية مجيدة.
و لازم كلنا نفتكر مقولة المستشار محمود الخضيري اللي قال أن كل ماخسرناه اقتصادياً حتى الآن نتيجة الثورة الشعبية المجيدة لا يساوي خساير مصر من تصدير الغاز الى اسرائيل في يوم واحد.
(مصر تخسر أكثر من 3 مليارات دولار سنوياً بسبب تصدير الغاز الى اسرائيل منذ العام 2005)
أما بالنسبة لشهداء مصر الأبطال الأطهار فأدعو الله أن يكتب لهم الرحمة و المغفرة و أن يجعل قبورهم روضةً من رياض الجنة.
اللهم أبدلهم داراً خيراً من دارهم اللهم أبدلهم أهلاً خيراً من أهلهم.
اللهم انصر رجال و شباب مصر الأبطال و كن معهم اللهم اخزي مبارك الطاغية و كل من عاونه.

**mmffor** · 01-02-2011 08:11 PM

البلد مخسرتش كتير!!!
لو نجحت الثورة البلد كسبت حريتها و عزتها و كرامتها!!! ما هدم يمكن اصلاحه و بناء افضل منه!
انهيار الاقتصاد كلمة مطاطه ليس لها معنى لان الاقتصاد المصري منهار تماما من 2005 و لسه شايف على العربيه ان 61% من الدعم يتم العصول عليه عن طريق ديون دولية ذات فائدة مرتفعة!!!
الصورة مش دموية! صورة اعدام دمية ليست دموية! بس صورة خالد سعيد بعد قتله كانت دموية!!! و صورة تعذيب الابرياء في مجازر الداخلية صور دموية!!
لو جت حكومة جديدة عارفين معناه ايه؟
بناء مصانع قومية قد تنقل مصر من مصاف الدول المستهلكه الى الدول الصناعية!!
زيادة الرقعة الزراعية و تحقيق الاكتفاء الذاتي!
اعتبار مصر من الدول الديموقراطيه ذات السوق المستقر مما يؤدي الى زيادة الاستثمار العالمي في السوق المحلي!
و اكثر
ابواب الجنة ستفتح على الارض لو نجحت الثورة دي و جائت بنظام حكم ديموقراطي غير النظام الفاسد الموجود حاليا بكل اشخاصه و ما مبارك الا ضلع فيها

**mmffor** · 01-02-2011 08:22 PM

محلل اقتصادي على قناة "بلومبرج": اذا نجح تحرك الشارع المصري فسنكون امام عملاق اقتصادي نامي يضاهي النموذج التركي... نجاح الشارع سيعيد الولاء والثقة للعنصر الاهم في الانتاج المصري ( الموارد البشرية

**otefa** · 01-02-2011 08:38 PM

المشاركة الأصلية كتبت بواسطة mmffor

محلل اقتصادي على قناة "بلومبرج": اذا نجح تحرك الشارع المصري فسنكون امام عملاق اقتصادي نامي يضاهي النموذج التركي... نجاح الشارع سيعيد الولاء والثقة للعنصر الاهم في الانتاج المصري ( الموارد البشرية

+1
بس ندعي أن الموضوع يكمل وتتحقق أهدافه للأخر بدون أي أستثناءات وبأقل الخسائر البشرية
متهيألي القضية بدأت تأخذ منحني مش مظبوط بمعني الناس دلوقتي ماسكة في تنحي مبارك عن الحكم ألي هو فعليا لايحكم حاليا
الأهم هو تطبيق الطلبات الأخري وهي
-حل مجلس الشعب
-تغيير الدستور
-ألغاء قانون الطواريء
بعد كده الدنيا هاتظبط تلقائي
أنا شايف المظاهرة مركزة في أتجاه غلط وهو تنحي الرئيس ألي فعليا غير مؤثر في الحكم تماما

**lonedoctor** · 01-02-2011 08:40 PM

اللى بيحصل فى البلد ده كوبى وبيست من فيلم (هى فوضى) بتاع يوسف شاهين
والمصيبة انه الواقع اكتشفنا انه اسوء من الفيلم كمان سبحان الله
خساير ايه ياجماعة الخير انت لو حسبت السرقات اللى بياخدها بسلامته وهو واللى معاه مع فارق ثمن الغاز لاسرائيل هتلاقى انه احنا المفروض نكون من الدول الغنية زى دول الخليج مثلا
وموش مهم الفلوس احنا كسبنا اغلى واثمن شئ فى الوجود
الشباب اللى زى الورد ده هو الثروة الحقيقية التى يمكن ان تصنع المعجزات

**Mohamed-Saoud** · 01-02-2011 08:43 PM

أنا عارف ان العدد اللي راح ميدان التحرير كتير جدا بس حد يفهمني 2 مليون دي جت منين؟؟
ازاي ميدان التحرير يساع 2 مليون؟؟؟ حد يفهمني
يعني الصوره اللي فوق دي بتقول 50000 و نضرب في 2 يبقوا حوالي 100000 بس 2 مليون كتيير أوي علي ميدان التحرير!!

**otefa** · 01-02-2011 08:50 PM

المشاركة الأصلية كتبت بواسطة lonedoctor

اللى بيحصل فى البلد ده كوبى وبيست من فيلم (هى فوضى) بتاع يوسف شاهين
والمصيبة انه الواقع اكتشفنا انه اسوء من الفيلم كمان سبحان الله
خساير ايه ياجماعة الخير انت لو حسبت السرقات اللى بياخدها بسلامته وهو واللى معاه مع فارق ثمن الغاز لاسرائيل هتلاقى انه احنا المفروض نكون من الدول الغنية زى دول الخليج مثلا
وموش مهم الفلوس احنا كسبنا اغلى واثمن شئ فى الوجود
الشباب اللى زى الورد ده هو الثروة الحقيقية التى يمكن ان تصنع المعجزات

لو المظاهرة فضلت مركزة علي طلب رحيل مبارك فقط دون باقي أساسيات التغير يبقي عليه العوض وأشك تماما أن الغاز سيتم أيقاف تصديره مع أي حكومة قادمة

المشاركة الأصلية كتبت بواسطة mohamed-saoud

أنا عارف ان العدد اللي راح ميدان التحرير كتير جدا بس حد يفهمني 2 مليون دي جت منين؟؟
ازاي ميدان التحرير يساع 2 مليون؟؟؟ حد يفهمني
يعني الصوره اللي فوق دي بتقول 50000 و نضرب في 2 يبقوا حوالي 100000 بس 2 مليون كتيير أوي علي ميدان التحرير!!

+1
فيه مبالغة في الأرقام

**mmffor** · 01-02-2011 09:18 PM

المشاركة الأصلية كتبت بواسطة otefa

لو المظاهرة فضلت مركزة علي طلب رحيل مبارك فقط دون باقي أساسيات التغير يبقي عليه العوض وأشك تماما أن الغاز سيتم أيقاف تصديره مع أي حكومة قادمة

+1
فيه مبالغة في الأرقام

انا مبشوفش افلام يوسف شاهين علشان مبفهمش منها حاجة!
و ان شاء الله الشعب حيقول كلمته لان حتى الفوضى افضل من حكم مبارك و اكبر دليل حالة الفوضى البشعة اللي حاول هو و كلابه خلقها مساء الجمعة و نجح الشعب المصري البطل في التصدي لها! يبقى عندنا احتمالين
1- نظام مبارك بما فيه من سلبيات تشمل:- اعطاء الثروة لمن لا يستحقها من رجال اعمال موالين للنظام
- ديكتاتورية مطلقة لا يتم فيها تداول للسلطه باي اشكالها
- اعمال تعذيب منهجية للشعب بكل طبقاته و طوائفه بصورة مهينه و متعمدة لاحباط الشعب و ارهابه
- تدمير البنية التحتية و بطئ التطوير العمراني
- رفع اسعار السلع الغذائية بصورة تفوق كل دول الجوار
- زيادة البطاله او توفير فرص عمل صورية مؤقتة برواتب هزيلة
- عدم توفير وحدات سكنية باسعار ملائمة للشباب او اراضي صغيرة جدا باسعار مرتفعة و بنظام القرعة و اعداد لا تتجاوز ال 7 الاف وحدة مع شعور بالمن و التكرم على المتقدمين مع عدم توفير اي بنية تحتية لهذه الوحدات
- وجود قانون الطوارئ بكل عيوبه المعلومة للجميع على الرغم من تعالي الاصوات المطالبة بوقفه و على الرغم من وعود الرئيس شخصيا بوقفه و تجاهلة لوعوده الشخصيه!!
-اختفاء دولة القانون و شيوع دولة الفوضى!!!!

**mmffor** · 01-02-2011 09:02 PM

لا يوجد اي مبالغة! بكل بساطه لما الجزيرة كانت بتقول 1 مليون العربيه كانت بتقول 200 الف! و لما الجزيرة قالت 2 مليون العربية قالت 1 مليون التليفزيون المصري راح قايل بضع الاف شرذمة من الارهابيين و مثيري الشغب و من ساعة واحدة ال سي ان ان و البي بي سي و العربيه و الاذاعة الالمانية قالت ان العدد تجاوز المليون بكثير في الوقت اللي الجزيرة قالت ان العدد تجاوز ال 2 مليون
و برضه اعلامنا المستنير قال انهم 20 الف متظاهر من مثيري الشغب و اعداء النظام

يبقى انت برضه من رجال اعلامنا المستنير لان سيادتك بنظرك الثاقب قدرت تعد المتظاهرين كلهم في الميدان و في طلعت حرب و الشوارع الجانبية كلها بنظره واحده لصورة واحده من زاوية واحده و عرفت انهم 50 الف و كمان بتبقشش علينا و اعتبرتهم 100 الف!
شكرا جزيلا لكرمك
و برضه
الشعب يريد اسقاط النظام!!!

الموضوع: النقل المباشر لاحداث الاضراب -الجزء الثاني

LinkBack

أدوات الموضوع

عرض

العرض المتطور

-

-

-

-

-

-

-

-

المواضيع المتشابهه

النقل المباشر لاحداث الاضراب -الجزء الثالث

النقل المباشر لاحداث الاضراب

الموتور بيهبط شويه عند النقل الي الثاني

اوبل G T الجزء الثاني

الكلمات الدلالية لهذا الموضوع

المفضلات

المفضلات

ضوابط المشاركة