مقارنه بين نيسان صنى و شيفورليه اوبترا

**wae.abdelmohsenl** · 10-12-2007 12:04 PM

محتار مابين الأتنين الأوبترا عربية واسعة وشنطتها كبيرة والألبنترا عربية اشيك وافخم ومتهيالى ان الأوبترا عمليه...
عايز اعرف قبل ماشترى

**msalama** · 12-12-2007 01:22 PM

المشاركة الأصلية كتبت بواسطة casber

علي فكرة الاوبترا موجودة هنا فى الامارات ومنتشرة، وبعادين طول عمر الاوبترا بتنزل باسم شيفروليه وممكن تشوف الموديلات القديمة بتاعتها فى اى حتة فى العالم
لكن موضوع انها مكان الدايو ده المفروض يبقى فيه اثبات

انا حأصورك الاوبترا و عليها علامة الدايو لأنها موجوده عندنا هنا فى بورسعيد كتير و هى مش الا تعديل للنوبيرا و فى أمريكا مش اسمها اوبترا أصلا اسمها شيفورليه نوبيرا احنا بس هنا فى مصر اللى الوكيل بيسمى بمزاجه حتى الهونداى الماتريكس ده اسم مصرى فقط فى الخارج اسمها مختلف تماما

**sab3aawy** · 16-12-2007 11:20 AM

المشاركة الأصلية كتبت بواسطة msalama

انا حأصورك الاوبترا و عليها علامة الدايو لأنها موجوده عندنا هنا فى بورسعيد كتير و هى مش الا تعديل للنوبيرا و فى أمريكا مش اسمها اوبترا أصلا اسمها شيفورليه نوبيرا احنا بس هنا فى مصر اللى الوكيل بيسمى بمزاجه حتى الهونداى الماتريكس ده اسم مصرى فقط فى الخارج اسمها مختلف تماما

معقولة يا ناس لسة فيه حد فى مصر بيسأل السؤال ده؟

عموما دى شوية لينكات تثبت لحضراتكم الموضوع اللى مش محتاج اثبات اصلا وهو ان شيفروليه اوبترا هو احد مسميات السيارة دايوو لاسيتى اللى هى وريثة النوبيرا

http://en.wikipedia.org/wiki/Chevrolet_Lacetti

http://www.infocoches.com/m/daewoo/lacetti/

http://www.honestjohn.co.uk/road_tests/?id=114

**Ahmed Anwer** · 19-12-2007 04:01 AM

طيب وكونها وريثة النوبيرا ،، هل دي حاجة وحشة للدرجة دي ؟؟

النوبيرا عربية محترمة جدا ،، و راسية علي الأرض ،، و شغالة من سنة 97 بإستثناء موديلات السنوات القريبة ،، ،، ده غير الله أعلم طوروا فيها أيه عن النوبيرا ،،

أنا شايف النتيجة 1 / 1 ،، مفيش حد كسبان ،،

تقفيل مصري ، شكل عتيق مقابل شكل جذاب حديث ، تقفيل كوري و توكيل محترم

أنا لو مكانك هاختار الأوبترا ، مادام العربية شايفها ماشية قدامي بقالها عشر سنين ،، ايه اللي يخليني اشتري عربية مفهاش أي ميزة غير إني مقتنع إني هاكتبها للورثة في الوصية ،،،،

**aif** · 31-12-2007 05:06 PM

يا جماعة انتو فعلا فرزتو السيارتين تماما وما خليتوش حاجة ممكن نسأل عنها واضح انهم متقاربين جدا
انا ح اشتري بعد ما ابيع الشاهين اللي معايا واستقريت علي الاوبترا علشان اوسع من جوة و تشطيبها ارقي من الصني
برضة التقفيل المصري مش قد كدة
بس ح اشتري المانيوال مش الاوتوماتك واللون فضي
لو حد عندة نصيحة اخيرة اكون شاكر جدا

**HOSAMSAMSOON** · 25-01-2008 11:42 PM

شكرا لكل من شارك بالراى فى المقارنة و الافادة
انا متابع المنتدى من مدة وكان عندى نفس مشكلة السائل
بس احب اضيف
تقفيل الصنى بعد المعاينة بها الكثير من العيوب فى التقفيل
1- علاقة سوكة الرفرف مع الباب .........غير منتظم
2- علاقة سمك السوكة يمين و شمال الشنطة مع الفوانيس ..........غير متماثل
3- علاقة تجميع نهاية الكبوت مع الرفرف مع الباب ...........غلط
4- الموكيت فى الشنطه غير موجود فى ظهر الكنبه ولونة مختلف عن العلب الفبر الموجودة فوق العجل
5- تقفيل موكيت الشنطة لم يتم مراعاة بروزات الشنطة من الداخل
6- نوع الموكيت متوسط او اقل
7- والله اعلم اية داخل الكهرباء و الميكانيكا
على فكرة انا مش بحارب الصناعة الوطنية بس المشكلة ان كل الكلام الى انا و حضراتكم بتقولوة ممكن يتحل لو المصنع او مهندس مراقبة الجودة فى المصنع كان اهتم
يا جماعة العربية مش وحشة بس فية شوية اهمال ملهمش لازمة فى التجميع
شكرا على ملاحظاتكم
م/حسام