سؤال للخبراء والمجربين.. ايهما افضل التعليق الخلفي المستقل ام المتصل؟

**eng.m7md.ali** · 14-02-2011 03:34 PM

شكرا على الافادة يابشمهندس انا كنت فاكر في اختلافات في نظام التعليق

**MMamdouh** · 14-02-2011 04:21 PM

نظام التعليق مش حيفرق خالص لان الفرق بين الكورونا اللوك و العادية هو فى طريقة نقل العزم الى العجلات الدافعة و دة من خلال اختلافات فى المكونات الداخلية للكورونا بالتالى دة ملوش تاثير على العفشة

MMamdouh

**beckeryahia** · 14-02-2011 05:36 PM

الف شكر لكل اللي رد عليا في الموضوع دا وافادني وافاد الجميع .. وشكر خاص لاستاذ محمد ممدوح علي الرد الوافي ,, ومعلش اوجهلك بعض الاستفسارات ..بالنسبة للتعليق الشبة مستقل ,, انا كان معايا لانوس 2001 لمده 4 سنين وبصراحة من افضل العربيات اللي ركبتها في حياتي من حيث قلة تكاليقف التشغيل وجوده السيارة وثباتها بالنسبة لفئتها السعرية ., بالنسبة لتعليق الاتوس الخلفي ., لما عجلة تاخد مطب جامد العجلة التانية المفروض تطلع لفوق بنفس مقدار العجلة الاخري ولا الاكس اللي بينهم فابل للالتفاف او فية بعض الليونة زي السوستة كده.
وبالنسبة لتعليق النبسان صني الخلفي وهو تعليق متصل ,, بس في استفسار بسيط ,, لما رفعت العربية لقيت حاجة زي دراع وماسكه في الاكس من ناحية العجلة اليمين ومن الناحية الاخري من نصف شاسية العربية ,, ياتري اية الدراع ده واية فايدتة ولو شيلتة هايأثر علي العربية في اية؟؟

**samirsaid1** · 14-02-2011 06:05 PM

شكرا على الموضوع الجميل دة

بس ياترى نيو اكسنت 2007 نوع التعليق فيها ايه

وشكر

**MMamdouh** · 15-02-2011 03:59 AM

المشاركة الأصلية كتبت بواسطة beckeryahia

بالنسبة لتعليق الاتوس الخلفي ., لما عجلة تاخد مطب جامد العجلة التانية المفروض تطلع لفوق بنفس مقدار العجلة الاخري ولا الاكس اللي بينهم فابل للالتفاف او فية بعض الليونة زي السوستة كده.

انا مش عارف نظام التعليق الخلفى فى الاتوس ايه... عموما هو لو تعليق شبة مستقل يبقى زى ما انت قولت الاكس فيه بعض الليونة اللى بتسمح بتحرك العجلة اللى اخدت المطب ببعض الاستقلالية عن العجلة التانية

لو نظام غير مستقل العجلة اللى اخدت المطب حتلع لفوق و العجلة التانية حتميل للجنب مش حترتفع عن الارض... و الميل الجانبى دة هو الثبب فى التاثير السلبى على الثبات لانة بيقلل من تماسك الكاوتش بالارض... انظر الشكل العللوى بالرسم البيانى

وبالنسبة لتعليق النبسان صني الخلفي وهو تعليق متصل ,, بس في استفسار بسيط ,, لما رفعت العربية لقيت حاجة زي دراع وماسكه في الاكس من ناحية العجلة اليمين ومن الناحية الاخري من نصف شاسية العربية ,, ياتري اية الدراع ده واية فايدتة ولو شيلتة هايأثر علي العربية في اية؟؟

قصدك على الذراع اللى اسمة track bar؟

الدراع دة وظيفتة منع البار اللى ماسك العجلتين الخلفيتين من التحرك الى اليمين و اليسار فى المطبات (اكن العجلات عايزة تخرج من تحت العربية الى الجنب اليمين و الشمال)... نفس البار دة حتلاقية فى بعض العربيات الدفع الخلفى اللى فيها كورونا زى الشاهين و ال131

**Youssef.Awad** · 13-12-2012 10:12 PM

المشاركة الأصلية كتبت بواسطة mmamdouh

انا مش عارف نظام التعليق الخلفى فى الاتوس ايه... عموما هو لو تعليق شبة مستقل يبقى زى ما انت قولت الاكس فيه بعض الليونة اللى بتسمح بتحرك العجلة اللى اخدت المطب ببعض الاستقلالية عن العجلة التانية

لو نظام غير مستقل العجلة اللى اخدت المطب حتلع لفوق و العجلة التانية حتميل للجنب مش حترتفع عن الارض... و الميل الجانبى دة هو الثبب فى التاثير السلبى على الثبات لانة بيقلل من تماسك الكاوتش بالارض... انظر الشكل العللوى بالرسم البيانى

قصدك على الذراع اللى اسمة track bar؟

الدراع دة وظيفتة منع البار اللى ماسك العجلتين الخلفيتين من التحرك الى اليمين و اليسار فى المطبات (اكن العجلات عايزة تخرج من تحت العربية الى الجنب اليمين و الشمال)... نفس البار دة حتلاقية فى بعض العربيات الدفع الخلفى اللى فيها كورونا زى الشاهين و ال131

رغم ان الشاهين وال131 فيهم البار ده لمنع الغربلة يمين وشمال
الا انهم اكتر عربيات بيظهر فيهم مشاكل الغربلة هههههههههه

**moha4tec** · 14-12-2012 04:21 AM

فى مصر التعليق المنفصل افضل من المتصل
و الله اعلم

**moha4tec** · 14-12-2012 08:53 AM

فى مصر التعليق المنفصل افضل من المتصل
و الله اعلم

**SYD** · 15-12-2012 02:22 PM

المشاركة الأصلية كتبت بواسطة minicooper20

ممكن اعرف الابيزا و الهوندا سيفك متصل ولا منفصل

بص يا باشا
الأبيزا الجيل التاني والتالت mk2 و mk3 شغالة بتعليق شبه منفصل half-independent
موجود عندنا قنطرة خلفية راكب فيها حاجة شبه المقص وقاعد عليها السوستة وجمبها راكب المساعد بزاوية ميل
ودة علي فكرة موجود في اغلب العربيات الهاتشباك حتي الجولف شغالة بنفس الsetup وغني عن الذكر ان الأبيزا راكبة علي شاسيه فولكس زيها زي البولو

ودي صورة بتوضح الكلام اللي انا قولته

ونفس الشئ في الفيات - لأن معظم الأوربي الهاتش نفس الsetup زي ما وضحتلك قبل كدة

دي صورة لعفشة البونتو - هتلاقيها أخت بتاعة الجولف والبولو والأبيزا

ودي صورة من كتالوج عربيتي بتقولك نوع العفشة عندنا (قدام وورا)

تحياتي

الموضوع: سؤال للخبراء والمجربين.. ايهما افضل التعليق الخلفي المستقل ام المتصل؟

LinkBack

أدوات الموضوع

عرض

-

-

-

-

-

-

-

المواضيع المتشابهه

التعليق المستقل وغير المستقل

التيدا...و التعليق الخلفي

ايهما اقوى ............. ولماذا؟ سؤال للخبراء فقط

التعليق الخلفي للسيراطو

التعليق الخلفي

الكلمات الدلالية لهذا الموضوع

المفضلات

المفضلات

ضوابط المشاركة